ലൈന്മാന്മാര് എഞ്ചിനീയര്മാരാകുന്നു; ലൈനില് അപകടത്തിന് സാധ്യത
Sep 22, 2012, 23:36 IST
ചോയ്യങ്കോട്, ഭീമനടി, രാജപുരം എന്നീ മലയോര മേഖലകളിലെ വൈദ്യുതി സെക്ഷനുകളിലാകെ ലൈന്മാന്മാരുടെ ജോലികള് നിര്വഹിക്കുന്നത് മസ്ദൂര്മാരാണ്. വൈദ്യുതി വകുപ്പിന്റെ നിയമപ്രകാരം തൊഴിലാളികളായ മസ്ദൂര്മാര് പോസ്റ്റില് കയറിയുള്ള ജോലികള് ചെയ്യാന് പാടില്ലാത്തതാണ്. ഇലക്ട്രിക് സാമഗ്രികള് യഥാസ്ഥലങ്ങളില് എത്തിക്കുക, പോസ്റ്റുകള് കുഴിച്ചിടുക, ലൈനിലെ തടസ്സങ്ങള് നീക്കം ചെയ്യുക, സ്റ്റേ കമ്പികള് സ്ഥാപിക്കുക എന്നിങ്ങനെയുള്ള ജോലികളാണ് നിയമപ്രകാരം മസ്ദര്മാര് നിര്വഹിക്കേണ്ടത്.
പക്ഷെ എഞ്ചിനീയര്മാരുടെ രൂപഭാവത്തില് കടന്നുവരുന്ന ലൈന്മാന്മാര് മസ്ദൂര്മാരെ ചൂഷണം ചെയ്ത് പോസ്റ്റില് കയറ്റി ജോലി ചെയ്യിപ്പിക്കുകയാണ്. വൈദ്യുതി സംബന്ധമായി പരിമിതമായ ജ്ഞാനം മാത്രമുള്ള മസ്ദൂര്മാര് ലൈന്മാന്മാരുടെ ജോലികള് നിര്വഹിക്കുന്നത് ജീവഹാനിയടക്കമുള്ള നിരവധി അപകടങ്ങള്ക്ക് വഴിയൊരുക്കിയിട്ടും ഇക്കാര്യത്തില് വൈദ്യുതി വകുപ്പ് നിഷ്ക്രിയത്വം പാലിക്കുകയാണ്.
കഴിഞ്ഞ ആറ് മാസത്തിനിടെ രണ്ട് മസ്ദൂര്മാരുടെ ദാരുണമായ മരണത്തിന് വരെ ലൈന്മാന്മാരുടെ എഞ്ചിനീയര് ചമയല് വഴിവെച്ചിരുന്നു. ആറുമാസത്തെ സസ്പെന്ഷനെന്ന സുഖവാസത്തിനു ശേഷം അപകടങ്ങള്ക്ക് ഉത്തരവാദിയായ ഓവര്സീയര്മാരും ലൈന്മാന്മാരും ഇതേ ജോലിയില് അടുത്ത അപകടത്തിനായി കാത്തിരിക്കുന്നു. പലപ്പോഴും ലൈന്മാന്മാരുടെ തെറ്റായ പ്രവര്ത്തികള് ഭീഷണി ഭയന്ന് പലരും പുറത്തുവിടാറില്ല. എഞ്ചിനീയര് ചമയുന്ന ലൈന്മാന്മാര്ക്ക് യഥാര്ത്ഥ എഞ്ചിനീയര്മാരുടെ പ്രത്യക്ഷ പിന്തുണ ലഭിക്കുന്നത് ഇത്തരം പ്രവര്ത്തികള് തുടരുന്നതിന് ഇടയാക്കുന്നു.
മസ്ദൂര്മാര് ലൈന്മാന്റെ ജോലി ചെയ്യുന്നത് നിരീക്ഷിക്കാന് പ്രത്യേക സംവിധാനമൊരുക്കുകയും മസ്ദൂര്മാരെ കൊണ്ട് തങ്ങളുടെ ജോലിയും കൂടി ചെയ്യിപ്പിക്കുന്ന ലൈന്മാന്മാര്ക്കെതിരെ സര്വീസില് നിന്നും പിരിച്ചുവിടുന്നതുള്പെടെയുള്ള കര്ശന നടപടികള് സ്വീകരിക്കുകയാണ് ഇത്തരം പ്രവര്ത്തികള് തടയാനുള്ള വഴിയെന്ന് ചൂണ്ടിക്കാണിക്കപ്പെടുന്നു.
Keywords: Kasaragod, Parappa, Electricity, Kerala, Electric Line
