മംഗല്പാടി ഇച്ചിലംങ്കോട് മണ്കൊള്ള ജനങ്ങള്ക്കും കര്ഷകര്ക്കും ഭീഷണി
Sep 27, 2012, 14:32 IST
കാസര്കോട്: മംഗല്പാടി ഇച്ചിലംങ്കോട് മണ്കൊള്ള ജനങ്ങള്ക്കും കര്ഷകര്ക്കും ഭീഷണിയായി മാറിയിരിക്കുകയാണെന്ന് നാട്ടുകാരായ കര്ഷകര് വാര്ത്താ സമ്മേളനത്തില് വിവരിച്ചു.
കഴിഞ്ഞ മൂന്ന് വര്ഷമായി ഇച്ചിലംങ്കോട് ഗ്രാമത്തിലുള്ള ബിയരം കക്കടം, ഇച്ചിലംങ്കോട്, ബിറോളി കടവുകളില് നിന്നാണ് വന്തോതില് മണലൂറ്റി എടുക്കുന്നത്. കൊച്ചുഗ്രാമത്തിലൂടെ ഒഴുകി പോകുന്ന ഷിറിയ പുഴയില് നിന്ന് ദിവസേന നൂറുകണക്കിന് ലോറികളില് മണല് കടത്തിക്കൊണ്ട് പോവുകയും അതുമൂലം നിരവധി സ്ഥലങ്ങള് പുഴയില് ഒലിച്ച് പോവുകയും ചെയ്തതായി കര്ഷകര് പറഞ്ഞു.
കൂടാതെ തൊട്ടടുത്ത കൃഷി ആവശ്യത്തിന് സ്ഥിതി ചെയ്യുന്ന ബംബ്രാണ അണകെട്ടി മണല്കൊള്ള നടത്തിയതുമൂലം പുഴ ആഴം കൂടുകയും അതുമൂലം വേനല് കാലയളവില് ഉപ്പുവെള്ളം കയറുകയും കവുങ്ങ്, തെങ്ങ്, വാഴ, നെല്കൃഷി, മുതലായവ പൂര്ണമായും നശിക്കുകയും ചെയ്യുകയാണ്.
കൂടാതെ ഈ കഴിഞ്ഞ മഴക്കാലത്ത് പത്തോളം സര്വേ നമ്പറില്പെട്ട ഏകര് കണക്കിന് കൃഷിസ്ഥലത്തില് പകുതിയോളം പുഴയിലേക്ക് ഒലിച്ച് പോയി. കൃഷി ഭൂമി നശിക്കുന്നത് കര്ഷകര്ക്ക് ദുരിതമാണ് ഉണ്ടാക്കുന്നത്. ഇതുസംബന്ധിച്ച് ബന്ധപ്പെട്ടവര്ക്ക് പരാതി നല്കിയെങ്കിലും നടപടി സ്വീകരിക്കുന്നതിന് അധികൃതര് തയ്യാറായിട്ടില്ലെന്ന് ഇവര് ആരോപിച്ചു. മണല് ലോറികളുടെ മത്സര ഓട്ടം പ്രദേശത്തെ സ്കൂള് വിദ്യാര്ത്ഥികളു ള്പെടെയുള്ള കാല്നടയാത്രക്കാര്ക്ക് ഭീഷണി സൃഷ്ടിക്കുകയാണ്.
പ്രമുഖ രാഷ്ട്രീയ കക്ഷികള് മണല് മാഫിയകളെ സഹായിക്കുന്ന നിലപാടാണ് സ്വീകരിക്കുന്നത്. മണല് മാഫിയകള്ക്കെതിരെ കര്ശന നടപടികള് സ്വീകരിച്ച് ജനങ്ങളുടെ ആശങ്ക അകറ്റണമെന്ന് ഭാരവാഹികള് ആവശ്യപ്പെട്ടു.
വാര്ത്താ സമ്മേളനത്തില് ബി.എം. മുഹമ്മദ് അഷ്റഫ്, ബി.എം. കുഞ്ഞഹ്മദ്, ബി.എം. മുഹമ്മദ്, ബി.എം. ഹനീഫ എന്നിവര് സംബന്ധിച്ചു.
Keywords: Mangalpady, Ichilangod, Sand, Press meet, Farmer, Kasaragod, Kerala
