കാസര്കോട്ടും കാഞ്ഞങ്ങാട്ടും രഹസ്യ ക്യാമറകള് സ്ഥാപിച്ചു
May 14, 2012, 17:00 IST
രാത്രിയും പകലും കൃത്യമായ ദൃശ്യങ്ങള് ലഭ്യമാക്കുന്ന ക്യാമറയാണ് സ്ഥാപിച്ചിരിക്കുന്നത്. അക്രമ സംഭവങ്ങളുണ്ടാകുമ്പോള് അക്രമം നടത്തുന്നവരെ കണ്ടെത്താനും ഇതു വഴി സാധിക്കും. അക്രമങ്ങള് ഉണ്ടാകുമ്പോള് പോലീസ് നടപടികള് ഏകോപിക്കുന്നതിനും കണ്ട്രോള് റൂമിലൂടെ സാധിക്കും. ഉന്നത പോലീസ് ഉദ്യോഗസ്ഥര്ക്ക് കൃത്യമായ വിവരങ്ങള് അപ്പപ്പോള് തന്നെ നല്കാന് സാധിക്കും. കാസര്കോട് പുതിയ ബസ്സ്റ്റാന്ഡിലും, പഴയ ബസ്സ്റ്റാന്ഡിലും ഇതിനകം ക്യാമറകള് സ്ഥാപിച്ചു.
പ്രധാനപ്പെട്ട ചില വ്യാപാര സ്ഥാപനങ്ങളിലെ സി.സി ടി.വി ക്യാമറകളും പോലീസ് കണ്ട്രോള് റൂമുമായി ബന്ധപ്പെടുത്തിയിട്ടുണ്ട്. രഹസ്യ ക്യാമറകള് സ്ഥാപിച്ചതോടെ നഗരത്തിലും മറ്റും അടിക്കടിയുണ്ടാകുന്ന അക്രമ സംഭവങ്ങള് കൃത്യമായ വിലയിരുത്താനും നടപടി സ്വീകരിക്കാനും പ്രതികളെ കണ്ടെത്താനും സഹായകമാകും. പ്രധാന ആരാധനാലയങ്ങള്ക്ക് സമീപവും രഹസ്യ ക്യാമറകള് സ്ഥാപിക്കാനുള്ള ഒരുക്കത്തിലാണ് പോലീസ്. ബൈക്കുകളില് 24 മണിക്കൂറും പോലീസിന്റെ പട്രോളിംഗ് സംവിധാനം ഉണ്ടായിരിക്കും. പോലീസിന്റെ നൈറ്റ് പട്രോളിംഗും ശക്തമായി തന്നെ തുടരും.
ഡി.ജി.പി. ജേക്കബ് പുന്നൂസ്, എ.ഡി.ജി.പി. സെന് കുമാര്, തൃശൂര് റെയ്ഞ്ച് ഐ.ജി. വി. ഗോപിനാഥ്, എസ്.എസ്.ബി. എസ്.പി. പുഷ്കരന്, കാസര്കോട് പോലീസ് ചീഫ് എസ്. സുരേന്ദ്രന്, എ.എസ്.പിമാരായ ടി.കെ ഷിബു, മഞ്ചുനാഥ്, സ്പെഷ്യല് ബ്രാഞ്ച് ഡി.വൈ.എസ്.പി. ഹരിശ്ചന്ദ്രനായക് എന്നിവരും മന്ത്രിയോടൊപ്പമുണ്ടായിരുന്നു.
Keywords: Kasaragod, Kerala, Police, Minister, Inauguration, Secret camera
