കാസര്കോട്: എല്.ബി.എസ് എഞ്ചിനിയറിങ്ങ് കോളേജിലെ മെക്കാനിക്കല് എഞ്ചിനിയറിങ്ങ് അസോസിയേഷന്റെ ആഭിമുഖ്യത്തില് നടത്തപ്പെടുന്ന 'മെക്കാത്തലോണ് 2k 12' ടെക്നിക്കല് ഫെസ്റ്റിന് തുടക്കമായി. വിദ്യാനഗര് മുനിസിപ്പള് സ്റ്റേഡിയത്തില് വച്ചു നടന്ന ഉല്ഘാടന ചടങ്ങില് കോഴിക്കോട് എന്.ഐ.ടി ഡയറക്ടര് ഡോ. എം.എന് ബന്ധ്യോവാധ്യായ ഉല്ഘാടനം നിര്വഹിച്ചു. കോളേജ് പ്രിന്സിപ്പള് ഡോ. കെ.എ നവാസ് ചടങ്ങിന് അധ്യക്ഷത വഹിച്ചു. വിവിധ വകുപ്പു മേധാവികള്, പി.ടി.എ എക്സിക്യുട്ടീവ് മെമ്പര് സാമുവല്, അധ്യാപകരായ ജവഹര് മുബാറക്, മുഹമ്മദ് ഷുക്കൂര്, 'മെക്കാത്തലോണ് 2k 9' ജനറല് കണ്വീനര് ആയിരുന്ന അരുണ് പി.ജി എന്നിവര് ആശംസകളറിയിച്ചു. 'മെക്കാത്തലോണ് 2k12' ജനറല് കണ്വീനര് മാത്യൂസ് സ്കറിയ സ്വാഗതവും എബിന് സേവിയന് നന്ദിയും പറഞ്ഞു.
ഉല്ഘാടന ചടങ്ങിനു ശേഷം വിദ്യാര്ത്ഥികളുടെ നൃത്തങ്ങള്, ശിങ്കാരി മേളം, കളരിപ്പയറ്റ്, ബോഡിഷോ എന്നിവ അരങ്ങേറി
Keywords: Kasaragod. L.B.S Engineering College, Municipal Stadium.
