City Gold
news portal
» » » » ഗുരുവായൂര്‍ സത്യാഗ്രഹം 80-ാം വാര്‍ഷികവും കെ.മാധവനെ ആദരിക്കലും

കാഞ്ഞങ്ങാട്: ഗുരുവായൂര്‍ ക്ഷേത്രസത്യാഗ്രഹസമരത്തിന്റെ എണ്‍പതാം വാര്‍ഷികവും ഗുരുവായൂര്‍ സത്യാഗ്രഹത്തില്‍ പങ്കെടുത്തവരില്‍ ഇന്ന് ജീവിച്ചിരിപ്പുളള പ്രമുഖ സ്വാതന്ത്ര്യ സമര സേനാനി കെ.മാധ വനെ ആദരിക്കലും, ഡിസംബര്‍ 2-ന് കാഞ്ഞങ്ങാട് വ്യാപാരഭവനില്‍ നടക്കും. കെ. മാധവേട്ടന്റെ ആത്മകഥയുടെ ഇംഗ്ലീഷ് പരിഭാഷ പ്രകാശനവും കേരള ഫിലിംഡവലപ്പ്‌മെന്റ് കോര്‍പ്പറേഷന്‍ മാധവേട്ട നെക്കുറിച്ച് തയ്യാറാക്കിയ ധര്‍മ്മസമരങ്ങളുടെ സഹയാത്രികന്‍ എന്ന ഡോക്യൂമെന്ററിപ്രകാശനവും ഇതോടനുബന്ധിച്ച് നടക്കുമെന്ന് കെ.മാധവന്‍ ഫൗണ്ടേഷന്‍ ഭാരവാഹികള്‍ അറിയിച്ചു.

രണ്ടിന് വെളളിയാഴ്ച വൈകുന്നേരം 5 മണിക്ക് പ്രതിപക്ഷ ഉപനേതാവ് കോടിയേരി ബാലകൃഷ്ണന്‍ ചടങ്ങ് ഉദ്ഘാടനം ചെയ്ത് മാധവേട്ടനെ ആദരിക്കും. പി കരുണാകരന്‍ എം.പി.അദ്ധ്യക്ഷത വഹിക്കും.

പുസ്തകപ്രകാശനവും ആദരഭാഷണവും, മുന്‍സ്പീക്കര്‍ വി.എം. സുധീരനും ഡോക്യുമെന്ററി പ്രകാശനവും, ഉപഹാരസമര്‍പ്പണവും മുന്‍മന്ത്രി ബിനോയ് വിശ്വവും നിര്‍വ്വഹിക്കും. കണ്ണൂര്‍ സര്‍വ്വകലാശാല വൈസ്ചാന്‍സലര്‍ ഡോ: പി.കെ. മൈക്കിള്‍ തരകന്‍ പുസ്തകവും, ഫൗണ്ടേഷന്‍ ട്രഷറര്‍ അഡ്വ: സി.കെ. ശ്രീധരന്‍ ഡോക്യുമെന്ററി സി.ഡി.യും ഏറ്റുവാങ്ങും. ഫൗണ്ടേഷന്‍ ചെയര്‍മാന്‍ ഇ.ചന്ദ്രശേഖരന്‍ എം.എല്‍.എ. സ്വാഗതം പറയും.


മാധവേട്ടന്റെ ആത്മകഥ ഇംഗ്ലീഷിലേക്ക് വിവര്‍ത്തനം ചെയ്ത ഡോ: പി.രാധികമേനോന്‍ വിവര്‍ത്തനാനുഭവം അവതരിപ്പിക്കും. ജില്ലാപഞ്ചായത്ത് പ്രസിഡണ്ട് അഡ്വ:പി.പി. ശ്യാമളാദേവി, ജില്ലാ കലക്ടര്‍, കെ.എന്‍. സതീഷ്, നഗരസഭ ചെയര്‍പേഴ്‌സണ്‍ ഹസീനാതാജുദ്ദീന്‍, കെ.വെളുത്തമ്പു, കെ.പി.സതീഷ്ചന്ദ്രന്‍, പി.ഗംഗാധരന്‍ നായര്‍, ടി.കൃഷ്ണന്‍, പി.മുഹമ്മദ്കുഞ്ഞിമാസ്റ്റര്‍, അഡ്വ:കെ.പുരുഷോത്തമന്‍, മടിക്കൈ കമ്മാരന്‍, എ.വി.രാമകൃഷ്ണന്‍, ബി. സുകുമാരന്‍, ടി.കെ. നാരായണന്‍, ടി.മുഹമ്മദ് അസ്‌ലം, കെ.രാധാകൃഷ്ണന്‍ നായര്‍ എന്നിവര്‍ സംസാരിക്കും.


ഫൗണ്ടേഷന്‍ വൈസ് പ്രസിഡന്‍ണ്ട് അഡ്വ: കെ.പുരുഷോത്തമന്‍, ജന:സെക്രട്ടറി കെ.രാധാകൃഷ്ണന്‍ നായര്‍, ട്രഷറര്‍ അഡ്വ: സി.കെ. ശ്രീധരന്‍, സെക്രട്ടറി ടി.കെ.നാരായണന്‍ അംഗങ്ങളായ മടിക്കൈ കമ്മാരന്‍, എ.വി.രാമകൃഷ്ണന്‍, ടി.മുഹമ്മദ് അസ്‌ലം, കുഞ്ഞമ്പുപൊതുവാള്‍ മാസ്റ്റര്‍ എന്നിവര്‍ പത്രസമ്മേളനത്തില്‍ സംബന്ധിച്ചു.




Keywords: Guruvayoor Satyagraha, Kanhangad, Kasaragod, K Madhavan, Honoring, Kerala News, Malayalam News, Kasaragod News

About kvarthakgd1

ഞങ്ങളുടെ Facebookലും Twitterലും അംഗമാകൂ. ഓരോ വാര്‍ത്തയും കാസര്‍കോട് വാര്‍ത്തയിലൂടെ അറിയാം
«
Next
Newer Post
»
Previous
Older Post
ശ്രദ്ധിക്കുക: താഴെ കൊടുക്കുന്ന അഭിപ്രായങ്ങള്‍ കാസര്‍കോട് വാര്‍ത്തയുടെ അഭിപ്രായമാവണമെന്നില്ല. അഭിപ്രായങ്ങള്‍ മലയാളത്തിലോ ഇംഗ്ലീഷിലോ എഴുതുക. മംഗ്ലീഷില്‍ അഭിപ്രായങ്ങള്‍ പോസ്റ്റ് ചെയ്യുന്നത് ഒഴിവാക്കുക. അവഹേളനപരമോ വ്യക്തിപരമായ അധിക്ഷേപങ്ങളോ അശ്‌ളീല പദപ്രയോഗങ്ങളോ അസഭ്യങ്ങളോ തെറ്റിദ്ധാരണാജനകമോ അപകീര്‍ത്തികരമോ നിയമവിരുദ്ധമോ ആയ അഭിപ്രായങ്ങള്‍ പോസ്റ്റ് ചെയ്യുന്നത് സൈബര്‍ നിയമപ്രകാരം ശിക്ഷാര്‍ഹമാണ്.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക

മുഴുവന്‍ വാര്‍­ത്ത­കള്‍ | News by date