നടക്കാനിരിക്കുന്ന യു എസ് മിഡ് ടേം പ്രതിനിധി സഭാ തിരഞ്ഞെടുപ്പിനെ സ്വാധീനിക്കാന്‍ ശ്രമിച്ചെന്നാരോപിച്ച് റഷ്യക്കാരിക്കെതിരെ കേസ്

വാഷിംഗ്ടണ്‍: (www.kasargodvartha.com 21.10.2018) നടക്കാനിരിക്കുന്ന യു എസ് മിഡ് ടേം പ്രതിനിധി സഭാ തിരഞ്ഞെടുപ്പിനെ സ്വാധീനിക്കാന്‍ ശ്രമിച്ചെന്നാരോപിച്ച് റഷ്യക്കാരിക്കെതിരെ കേസെടുത്തു. റഷ്യന്‍ പൗരയായ എലീന അലേക്സീവ്ന കുസ്യായനോവ (44)യ്ക്കെതിരേയാണ് കേസെടുത്തിരിക്കുന്നത്. അടുത്ത മാസം നടക്കാനിരിക്കുന്ന തിരഞ്ഞെടുപ്പില്‍ ക്രിമിലിനെ അനുകൂലിച്ച് പ്രചാരണം നടത്തിയതായാണ് അരോപണം.

യുഎസില്‍ വിദേശ ഇടപെടല്‍ ആരോപിച്ച് കേസെടുത്തത് ആദ്യമായാണ്. യുഎസ് രാഷ്ട്രീയത്തില്‍ ഭിന്നിപ്പുണ്ടാക്കുന്നതിനുള്ള പദ്ധതി ലാഖയുടെ ഭാഗമാണ് എലീന. സെന്റ് പീറ്റേഴ്സ് ബര്‍ഗില്‍ താമസക്കാരിയായ എലീന യുഎസിനെതിരായി ഓണ്‍ലൈന്‍ മാധ്യമങ്ങളില്‍ പോസ്റ്റിട്ടിരുന്നു. ഇതില്‍ ഓണ്‍ലൈന്‍ സംവാദങ്ങളും നടത്തിയിരുന്നു. യുഎസ് പൗരന്മാരെ തെറ്റിദ്ധരിപ്പിക്കാന്‍ ശ്രമിച്ചതായും പറയുന്നു.