മയക്കുമരുന്ന് കടത്തുകാരാണോയെന്ന് സംശയം; ഗുഹയില്‍ നിന്ന് 40 ല്‍ അധികം തലയോട്ടികളും ഒരു ഡസനോളം അസ്ഥികളും ഗര്‍ഭപിണ്ഡങ്ങളും കണ്ടെത്തി; ഞെട്ടിത്തരിച്ച് പോലീസ്

മയക്കുമരുന്ന് മാഫിയകാരാണെന്ന സംശയത്തില്‍ പേരില്‍ 31 പേരെ ചൊവ്വാഴ്ച പൊലീസ് അറസ്റ്റ് ചെയ്തിരുന്നു. എന്നാല്‍ അവരില്‍ 27 പേരെ വിട്ടയക്കാന്‍ ജഡ്ജി ഉത്തരവിട്ടതായി അധികൃതര്‍ പറയുന്നു.

സ്ഥലത്ത് കത്തി, 40 താടിയെല്ലുകള്‍, ഗര്‍ഭപിണ്ഡം, 30 ഓളം കൈ കാലുകളുടെ എല്ലുകള്‍ എന്നിവയും അന്വേഷണ ഉദ്യോഗസ്ഥര്‍ കണ്ടെത്തിയിട്ടുണ്ട്. അതേസമയം ഗര്‍ഭപിണ്ഡം മനുഷ്യരുടേതാണോയെന്ന് ഇതുവരെ വ്യക്തമായിട്ടില്ലെന്ന് അറ്റോര്‍ണി ജനറലിന്റെ ഓഫീസ് വക്താവ് പറഞ്ഞു. അതേ സമയം തലയോട്ടികളെക്കുറിച്ചുള്ള അന്വേഷണവും നടക്കുകയാണ്.

മെക്‌സിക്കോ സിറ്റി അറ്റോര്‍ണി ജനറല്‍ ഓഫീസ് പുറത്തുവിട്ട ഒരു ചിത്രത്തില്‍ അള്‍ത്താരയ്ക്ക് ചുറ്റും തലയോട്ടി കൂട്ടമായി വച്ചിരിക്കുന്നത് കാണാം. അതിന് പിന്നില്‍ ഒരു കുരിശും കൊമ്പുള്ള തടികൊണ്ട് അലങ്കരിച്ചിരിക്കുന്നതും കാണാം. ബലിപീഠത്തിന്റെ വലതുവശത്ത് ചിഹ്നങ്ങള്‍ നിറഞ്ഞ ഒരു മതിലും കാണാം.

അനധികൃത വാണിജ്യ പ്രവര്‍ത്തനങ്ങള്‍ക്ക് പേരുകേട്ട സ്ഥലമാണ് ഇപ്പോള്‍ തലയോട്ടികള്‍ കണ്ടെത്തിയ ടെപിറ്റോ. അതേസമയം സംഭവത്തില്‍ അറസ്റ്റിലായവരെ മോചിപ്പിച്ചത് സര്‍ക്കാരിന് കിട്ടിയ ഒരു തിരിച്ചടിയാണ്.