വെള്ളപ്പൊക്കം: 2 കുട്ടികള്‍ ഉള്‍പെടെ 9 മരണം

By Web Desk SNJul 17, 2017, 12:31 IST

വാഷിംഗ്ടണ്‍: (www.kasargodvartha.com 17.07.2017) അരിസോണയിലെ നാഷണല്‍ ഫോറസ്റ്റ് മേഖലയിലുണ്ടായ വെള്ളപ്പൊക്കത്തില്‍ രണ്ടു കുട്ടികള്‍ ഉള്‍പ്പെടെ ഒമ്പതു പേര്‍ മരിച്ചു. വനമേഖലയിലെ നദിയില്‍ നീന്താനെത്തിയവരാണ് അപകടത്തില്‍പ്പെട്ടത്. ഒഴുക്കില്‍പെട്ട് ഒരു കുട്ടിയെ കൂടി കാണാതായിട്ടുണ്ട്. വിവരമറിഞ്ഞ് അഗ്നിശമനസേന പ്രവര്‍ത്തകര്‍ രംഗത്തെത്തി രക്ഷാപ്രവര്‍ത്തനം നടത്തി.

100 ലേറെപ്പേര്‍ സംഭവസമയത്ത് സ്ഥത്തുണ്ടായിരുന്നതായാണ് റിപോര്‍ട്ട്. ഇവിടെയെത്തിയവര്‍ക്ക് യാതൊരുവിധ സുരക്ഷാ മുന്നറിയിപ്പുകളും അധികൃതര്‍ നല്‍കിയിരുന്നില്ലെന്നാണ് ആക്ഷേപം. എന്നാല്‍ ശക്തമായ മഴയ്ക്ക് സാധ്യതയുണ്ടെന്നും അപകട സാധ്യതയുണ്ടെന്നും വ്യക്തമാക്കിയിരുന്നതായി കാലാവസ്ഥാ നിരീക്ഷകര്‍ അറിയിച്ചു.