കാസർകോട്ട് ഇടിമിന്നലിൽ വീട് ഭാഗികമായി കത്തിനശിച്ചു; വീട്ടുടമ അത്ഭുതകരമായി രക്ഷപ്പെട്ടു; ഒഴിവായത് വൻ ദുരന്തം

കാസർകോട്: (KasargodVartha) ചൊവ്വാഴ്ച (12.05.2026) രാത്രി ഉണ്ടായ ഇടിമിന്നലിൽ കസബ കടപ്പുറത്തെ മീനാക്ഷിയുടെ ഉടമസ്ഥതയിലുള്ള ഓടുമേഞ്ഞ വീട് ഭാഗികമായി കത്തിനശിച്ചു.

മിന്നലേറ്റ് ഫ്രിഡ്ജിലേക്ക് തീപിടിച്ചതോടെയാണ് അപകടമുണ്ടായത്. തുടർന്ന് സമീപത്തുണ്ടായിരുന്ന ടിവി, ഫാൻ, കിടക്ക, തുണിത്തരങ്ങൾ എന്നിവയിലേക്കും തീ പടരുകയായിരുന്നു.

തീപിടിത്തം ശ്രദ്ധയിൽപ്പെട്ടയുടൻ വീട്ടുടമ പുറത്തിറങ്ങി ഓടിയതിനാൽ ദുരന്തം ഒഴിവായി. പൊള്ളലേൽക്കാതെ രക്ഷപ്പെടുകയും ചെയ്തു.

സംഭവ വിവരമറിഞ്ഞെത്തിയ അഗ്‌നിശമന രക്ഷാസേനയും നാട്ടുകാരും ചേർന്നാണ് തീ നിയന്ത്രണവിധേയമാക്കിയത്. സീനിയർ ഫയർ ആൻഡ് റെസ്ക്യു ഓഫീസർ സണ്ണി ഇമ്മാനുവലിൻ്റെ നേതൃത്വത്തിലായിരുന്നു രക്ഷാപ്രവർത്തനം.

തീപിടിത്തത്തിൽ വീട്ടുപകരണങ്ങൾ കത്തിനശിച്ചതായി അധികൃതർ അറിയിച്ചു. രണ്ടര ലക്ഷം രൂപയുടെ നഷ്ടമുണ്ടായതായാണ് പ്രാഥമിക കണക്ക്.

ഈ വാർത്ത നിങ്ങളുടെ വാട്സ്ആപ്പ് ഗ്രൂപ്പുകളിൽ ഷെയർ ചെയ്യൂ. കൂടുതൽ വാര്‍ത്തകൾ അറിയാൻ ഞങ്ങളുടെ ഫേസ്ബുക്ക് പേജും വാട്സ് ആപ്പ് ചാനലും ഫോളോ ചെയ്യുക. നിങ്ങളുടെ അഭിപ്രായങ്ങൾ ഫേസ്ബുക്ക് പേജില്‍ വാര്‍ത്തയുടെ താഴെ കമൻ്റായി രേഖപ്പെടുത്തുക.

Article Summary: A house in Kasaragod was partially destroyed after a lightning strike caused a working refrigerator to catch fire; the owner escaped unhurt, though property worth 2.5 lakhs was damaged.

#KasaragodNews #LightningStrike #FireAccident #KeralaNews #FireAndRescueKerala #LocalNews