സംസ്ഥാനത്ത് മഴ തുടരും; വ്യാഴാഴ്ച 5 ജില്ലകളിലും വെള്ളിയാഴ്ച 8 ജില്ലകളിലും മഞ്ഞ ജാഗ്രത, കടലിൽ പോകുന്നവർക്ക് കർശന വിലക്ക്

തിരുവനന്തപുരം: (KasargodVartha) സംസ്ഥാനത്ത് കനത്ത ചൂടിന് ആശ്വാസമായെത്തിയ മഴ വരും ദിവസങ്ങളിലും തുടരുമെന്ന് കേന്ദ്ര കാലാവസ്ഥാ വകുപ്പിൻ്റെ മുന്നറിയിപ്പ്. വ്യാഴാഴ്ച (സെപ്റ്റംബർ 24) അഞ്ച് ജില്ലകളിൽ മഞ്ഞ ജാഗ്രത പ്രഖ്യാപിച്ചിട്ടുണ്ട്. കാസർകോട്, കണ്ണൂർ, വയനാട്, കോഴിക്കോട്, മലപ്പുറം ജില്ലകളിലാണ് മഞ്ഞ ജാഗ്രത.

വെള്ളിയാഴ്ച 8 ജില്ലകളിൽ മഴ

വെള്ളിയാഴ്ച എട്ട് (സെപ്റ്റംബർ 25) ജില്ലകളിലും ശക്തമായ മഴ മുന്നറിയിപ്പുണ്ട്. തിരുവനന്തപുരം, കൊല്ലം, പത്തനംതിട്ട, മലപ്പുറം, കോഴിക്കോട്, വയനാട്, കണ്ണൂർ, കാസർകോട് ജില്ലകളിലാണ് വെള്ളിയാഴ്ച മഞ്ഞ ജാഗ്രത. ഒറ്റപ്പെട്ടയിടങ്ങളിൽ ശക്തമായ മഴയ്ക്കും മണിക്കൂറിൽ 40 കിലോമീറ്റർ വരെ വേഗതയിൽ വീശുന്ന കാറ്റിനും സാധ്യതയുണ്ടെന്നും കേന്ദ്ര കാലാവസ്ഥാ വകുപ്പ് അറിയിച്ചു.

ന്യൂനമർദം, മത്സ്യബന്ധന വിലക്ക്

ബംഗാൾ ഉൾക്കടലിൽ ന്യൂനമർദം രൂപപ്പെട്ടതിൻ്റെ ഭാഗമായാണ് മഴയുണ്ടായിരിക്കുന്നത്. അതിനാൽ ശനിയാഴ്ച (സെപ്റ്റംബർ 26) വരെ മഴ തുടരുമെന്നും മണിക്കൂറിൽ 30 മുതൽ 40 കിലോമീറ്റർ വരെ വേഗതയിൽ കാറ്റുവീശുമെന്നും മുന്നറിയിപ്പുണ്ട്. ഇതിൻ്റെ പശ്ചാത്തലത്തിൽ കേരള - കർണാടക - ലക്ഷദ്വീപ് തീരങ്ങളിലുള്ളവർ മത്സ്യബന്ധനത്തിന് പോകരുതെന്ന് കർശന നിർദേശമുണ്ട്. സെപ്റ്റംബർ 26-ന് ശേഷം കനത്ത മഴയ്ക്ക് ശമനമുണ്ടാകുമെന്നാണ് അറിയിപ്പ്.

ഈ വാർത്ത നിങ്ങളുടെ സുഹൃത്തുക്കൾക്കും വാട്സാപ്പ് ഗ്രൂപ്പുകളിലും ഷെയർ ചെയ്യുക. പുതിയ വാർത്തകളും വിശേഷങ്ങളും അറിയാൻ ഞങ്ങളുടെ വാട്സാപ്പ് ചാനലും ഫേസ്ബുക്ക് പേജും ഫോളോ ചെയ്യുക. നിങ്ങളുടെ അഭിപ്രായങ്ങൾ ഫേസ്ബുക് പോസ്റ്റിന് താഴെ കമൻ്റായി രേഖപ്പെടുത്താം.

Article Summary: The India Meteorological Department has issued yellow alerts for five districts today and eight districts tomorrow across Kerala due to a low-pressure area over the Bay of Bengal, advising fishermen against venturing into the sea until September 26.

#KasargodVartha #KeralaRain #IMDWeatherUpdate #YellowAlert #KeralaWeather #Kasaragod #MalayalamNews #AparnaNews