Rain | ശക്തമായ മഴ: സംസ്ഥാനത്ത് 6 ജില്ലകളില് മഞ്ഞ അലേര്ട്
തിരുവനന്തപുരം: (www.kasargodvartha.com) സംസ്ഥാനത്ത് ബുധനാഴ്ചയും ശക്തമായ മഴയ്ക്ക് സാധ്യതയുള്ളതിനാല് ആറ് ജില്ലകളില് മഞ്ഞ അലേര്ട് പ്രഖ്യാപിച്ചു. പത്തനംതിട്ട, എറണാകുളം, ഇടുക്കി, തൃശ്ശൂര്, പാലക്കാട്, മലപ്പുറം ജില്ലകളിലാണ് യെല്ലോ അലര്ട്ട്. ഒറ്റപ്പെട്ടയിടങ്ങളില് ശക്തമായ മഴ പെയ്യാനാണ് സാധ്യത. കിഴക്കന് മേഖലകളിലാണ് കൂടുതല് മഴ സാധ്യത.
കടല് പ്രക്ഷുബ്ധമാകാന് സാധ്യതയുള്ളതിനാല് മീന്പിടിത്തക്കാര് കടലില് പോകരുത്. കര്ണാടക തീരത്തായുള്ള ന്യൂനമര്ദപാത്തിയുടെ സ്വാധീന ഫലമായാണ് നിലവിലെ മഴ. വ്യാഴാഴ്ചയോടെ മഴ കുറയുമെന്നാണ് വിവരം.
ശനിയാഴ്ചയോടെ തെക്ക്-കിഴക്കന് ബംഗാള് ഉള്ക്കടലില് ചക്രവാതച്ചുഴി രൂപപ്പെടും. പിന്നീടുള്ള 48 മണിക്കൂറില് ഇത് ന്യൂനമര്ദമായി മാറും. നേരിട്ട് ബാധിക്കില്ലെങ്കിലും ഈ ന്യൂനമര്ദത്തിന്റെ സ്വാധീനഫലമായി അടുത്തയാഴ്ച മഴ വീണ്ടും സജീവമായേക്കും.
Keywords: Thiruvananthapuram, News, Kerala, Alert, Rain, Kerala: Heavy rain: Yellow alert in 6 districts.
