ശ്രദ്ധിക്കുക: കാസർകോട്, കണ്ണൂർ ഉൾപ്പെടെ 8 ജില്ലകളിൽ അതിതീവ്ര മഴയ്ക്ക് സാധ്യത ചുവപ്പ് ജാഗ്രത പ്രഖ്യാപിച്ചു

കാസർകോട്: (KasargodVartha) അടുത്ത മൂന്ന് ദിവസങ്ങളിൽ കാസർകോട്, കണ്ണൂർ ഉൾപ്പെടെ എട്ട് ജില്ലകളിൽ അതിതീവ്ര മഴയ്ക്ക് സാധ്യതയുണ്ടെന്ന് കേന്ദ്ര കാലാവസ്ഥാ വകുപ്പ് അറിയിച്ചു. ഇതിന്റെ പശ്ചാത്തലത്തിൽ ഈ ജില്ലകളിൽ റെഡ് അലർട്ട് പ്രഖ്യാപിച്ചിട്ടുണ്ട്.

കേന്ദ്ര കാലാവസ്ഥാ വകുപ്പിന്റെ അടുത്ത അഞ്ച് ദിവസത്തേക്കുള്ള മഴ സാധ്യത പ്രവചനത്തിലാണ് ഈ മുന്നറിയിപ്പ്. കേരളത്തിൽ അതിതീവ്ര മഴ പെയ്യാനുള്ള സാധ്യത കണക്കിലെടുത്താണ് റെഡ് അലർട്ട് പ്രഖ്യാപിച്ചിരിക്കുന്നത്.

റെഡ് അലർട്ട് പ്രഖ്യാപിച്ച ജില്ലകൾ:

● 24/05/2025: കണ്ണൂർ, കാസർകോട്
● 25/05/2025: മലപ്പുറം, കോഴിക്കോട്, വയനാട്, കണ്ണൂർ, കാസർകോട്
● 26/05/2025: പത്തനംതിട്ട, ഇടുക്കി, മലപ്പുറം, കോഴിക്കോട്, വയനാട്, കണ്ണൂർ, കാസർകോട്

24 മണിക്കൂറിൽ 204.4 മില്ലിമീറ്ററിൽ കൂടുതൽ മഴ ലഭിക്കുമെന്നാണ് അതിതീവ്രമായ മഴ (Extremely Heavy Rainfall) എന്നതുകൊണ്ട് കാലാവസ്ഥാ വകുപ്പ് അർത്ഥമാക്കുന്നത്.

ഓറഞ്ച് അലർട്ട് പ്രഖ്യാപിച്ച ജില്ലകൾ:

● 23/05/2025: തൃശ്ശൂർ, മലപ്പുറം, കോഴിക്കോട്, വയനാട്, കണ്ണൂർ, കാസർകോട്
● 24/05/2025: പത്തനംതിട്ട, കോട്ടയം, എറണാകുളം, ഇടുക്കി, തൃശ്ശൂർ, പാലക്കാട്, മലപ്പുറം, കോഴിക്കോട്, വയനാട്
● 25/05/2025: പത്തനംതിട്ട, ആലപ്പുഴ, കോട്ടയം, ഇടുക്കി, എറണാകുളം, തൃശ്ശൂർ, പാലക്കാട്
● 26/05/2025: കോട്ടയം, എറണാകുളം, തൃശ്ശൂർ, പാലക്കാട്
● 27/05/2025: പത്തനംതിട്ട, ഇടുക്കി, കോഴിക്കോട്, വയനാട്, കണ്ണൂർ, കാസർകോട്

24 മണിക്കൂറിൽ 115.6 മില്ലിമീറ്റർ മുതൽ 204.4 മില്ലിമീറ്റർ വരെ മഴ ലഭിക്കുമെന്നാണ് അതിശക്തമായ മഴ (Very Heavy Rainfall) എന്നതുകൊണ്ട് കാലാവസ്ഥാ വകുപ്പ് അർത്ഥമാക്കുന്നത്.

മഞ്ഞ അലർട്ട് പ്രഖ്യാപിച്ച ജില്ലകൾ:

● 23/05/2025: തിരുവനന്തപുരം, കൊല്ലം, പത്തനംതിട്ട, ആലപ്പുഴ, കോട്ടയം, ഇടുക്കി, എറണാകുളം, പാലക്കാട്
● 24/05/2025: തിരുവനന്തപുരം, കൊല്ലം, ആലപ്പുഴ
● 25/05/2025: തിരുവനന്തപുരം, കൊല്ലം
● 26/05/2025: തിരുവനന്തപുരം, കൊല്ലം, ആലപ്പുഴ
● 27/05/2025: തിരുവനന്തപുരം, കൊല്ലം, ആലപ്പുഴ, കോട്ടയം, എറണാകുളം, തൃശ്ശൂർ, പാലക്കാട്, മലപ്പുറം

24 മണിക്കൂറിൽ 64.5 മില്ലിമീറ്ററിൽ മുതൽ 115.5 മില്ലിമീറ്റർ വരെ മഴ ലഭിക്കുന്ന സാഹചര്യത്തെയാണ് ശക്തമായ മഴ എന്നത് കൊണ്ട് അർത്ഥമാക്കുന്നത്.

അതിതീവ്ര മഴ അപകടങ്ങൾ സൃഷ്ടിക്കാൻ സാധ്യതയുണ്ട്. കുറഞ്ഞ സമയം കൊണ്ട് വലിയ മഴ പെയ്യുന്നത് മലവെള്ളപ്പാച്ചിലിനും മിന്നൽ പ്രളയങ്ങൾക്കും കാരണമായേക്കാം. നഗരങ്ങളിലും താഴ്ന്ന പ്രദേശങ്ങളിലും വെള്ളക്കെട്ട് രൂപപ്പെടാനും സാധ്യതയുണ്ട്. മഴ തുടരുന്ന സാഹചര്യത്തിൽ മണ്ണിടിച്ചിലിനും ഉരുൾപൊട്ടലിനും സാധ്യതയുണ്ട്. പൊതുജനങ്ങളും സർക്കാർ സംവിധാനങ്ങളും അതീവ ജാഗ്രത പാലിക്കണം.

പൊതുജനങ്ങൾക്കുള്ള പ്രത്യേക നിർദേശങ്ങൾ:

● ശക്തമായ മഴ ലഭിക്കുന്ന മലയോര മേഖലയിലുള്ളവർ മണ്ണിടിച്ചിൽ, ഉരുൾപൊട്ടൽ, മലവെള്ളപ്പാച്ചിൽ സാധ്യതയുള്ള പ്രദേശങ്ങളിൽ നിന്ന് സുരക്ഷിതമായ സ്ഥലങ്ങളിലേക്ക് പകൽ സമയത്ത് തന്നെ മാറി താമസിക്കുക.
● സ്ഥിരമായി വെള്ളക്കെട്ട് ഉണ്ടാകുന്ന താഴ്ന്ന പ്രദേശങ്ങളിലുള്ളവർ തയ്യാറാക്കപ്പെടുന്ന ക്യാമ്പുകളിലേക്ക് മാറാൻ തയ്യാറെടുക്കുക.
● ശക്തമായ കാറ്റിന് സാധ്യതയുള്ളതിനാൽ മേൽക്കൂര ശക്തമല്ലാത്ത വീടുകളിൽ താമസിക്കുന്നവർ ജാഗ്രത പാലിക്കുകയും ആവശ്യമെങ്കിൽ സുരക്ഷിതമായ സ്ഥലങ്ങളിലേക്ക് മാറുകയും ചെയ്യുക.
● അപകടാവസ്ഥയിലുള്ള മരങ്ങൾ, പോസ്റ്റുകൾ, മതിലുകൾ എന്നിവ സുരക്ഷിതമാക്കുകയും അധികൃതരുടെ ശ്രദ്ധയിൽ പെടുത്തുകയും ചെയ്യുക.
● മഴ ശക്തമാകുമ്പോൾ നദികൾ മുറിച്ചു കടക്കരുത്, ജലാശയങ്ങളിൽ കുളിക്കരുത്, മീൻപിടിക്കരുത്.
● അത്യാവശ്യമില്ലാത്ത യാത്രകൾ ഒഴിവാക്കുക, വിനോദ യാത്രകൾ മഴ മുന്നറിയിപ്പ് മാറുന്നത് വരെ മാറ്റിവയ്ക്കുക.
● ജലാശയങ്ങളോട് ചേർന്ന റോഡുകളിലൂടെയുള്ള യാത്രകളിൽ ജാഗ്രത പാലിക്കുക.
● തീരപ്രദേശങ്ങളിൽ കടലാക്രമണത്തിന് സാധ്യതയുള്ളതിനാൽ ജാഗ്രത പാലിക്കുകയും ആവശ്യമെങ്കിൽ മാറി താമസിക്കുകയും ചെയ്യുക. മത്സ്യബന്ധനോപാധികൾ സുരക്ഷിതമാക്കുക.
● റെഡ്, ഓറഞ്ച് അലേർട്ട് പ്രഖ്യാപിച്ച ജില്ലകളിൽ ദുരിതാശ്വാസ ക്യാമ്പുകൾ മുൻകൂട്ടി സജ്ജമാക്കുക. ക്യാമ്പുകളുടെ വിവരം അധികാരികളിൽ നിന്ന് അറിഞ്ഞു വെക്കുക.
● ദുരന്ത സാധ്യത മേഖലയിലുള്ളവർ എമെർജൻസി കിറ്റ് തയ്യാറാക്കുക (വിശദാംശങ്ങൾക്കായി: https://sdma(dot)kerala(dot)gov(dot)in/wp-content/uploads/2020/07/Emergency-Kit(dot)pdf)
● ജലാശയങ്ങൾക്ക് മുകളിലെ മേൽപ്പാലങ്ങളിൽ കാഴ്ച കാണാനോ സെൽഫിയെടുക്കാനോ കൂട്ടം കൂടി നിൽക്കാനോ പാടില്ല.
● മലയോര മേഖലയിലേക്കുള്ള രാത്രി സഞ്ചാരം ഒഴിവാക്കുക.
● കാറ്റിൽ മരങ്ങൾ വീണും പോസ്റ്റുകൾ തകർന്നും ഉണ്ടാകാൻ സാധ്യതയുള്ള അപകടങ്ങളെ ശ്രദ്ധിക്കുക (മുൻകരുതലുകൾക്കായി: https://sdma(dot)kerala(dot)gov(dot)in/windwarning/).
● വൈദ്യുതി ലൈനുകൾ പൊട്ടിവീണാൽ ഉണ്ടാകുന്ന അപകടങ്ങളെക്കുറിച്ച് ജാഗ്രത പുലർത്തുക. അപകടം ശ്രദ്ധയിൽ പെട്ടാൽ 1912 ൽ KSEB യെ അറിയിക്കുക.

സഹായത്തിനും വിവരങ്ങൾക്കും 24 മണിക്കൂറും പ്രവർത്തിക്കുന്ന ടോൾ ഫ്രീ നമ്പറുകൾ: 1077, 1070.

അലർട്ടുകളെക്കുറിച്ചുള്ള കൂടുതൽ വിവരങ്ങൾക്കായി സംസ്ഥാന ദുരന്ത നിവാരണ അതോറിറ്റിയുടെ ഓറഞ്ച് പുസ്തകം 2024 (https://sdma(dot)kerala(dot)gov(dot)in/wp-content/uploads/2024/08/Orange-Book-of-Disaster-Management-2024-1(dot)pdf) സന്ദർശിക്കുക.

കാലാവസ്ഥാ വകുപ്പിന്റെ അറിയിപ്പുകളിൽ വരുന്ന മാറ്റങ്ങൾക്കനുസരിച്ച് അലർട്ടുകളിലും മാറ്റങ്ങൾ വരാം. ദുരന്ത നിവാരണ അതോറിറ്റിയുടെ ഫേസ്‌ബുക്ക്, ട്വിറ്റർ പേജുകൾ ശ്രദ്ധിക്കുക.

ഈ വാർത്ത നിങ്ങളുടെ സുഹൃത്തുക്കളിലേക്കും എത്തിക്കൂ! അഭിപ്രായങ്ങളും താഴെ കമന്റ് ബോക്സിൽ പങ്കുവെക്കുക. 

Article Summary: The India Meteorological Department has issued a red alert for extremely heavy rainfall in eight Kerala districts, including Kasaragod and Kannur, over the next three days. Public are advised to take necessary precautions.

#KeralaRains, #RedAlert, #HeavyRainfall, #WeatherWarning, #Kasaragod, #Kannur