കാസർകോട്ട് റെഡ് അലർട്ട്: വിദ്യാഭ്യാസ സ്ഥാപനങ്ങൾക്ക് വ്യാഴാഴ്ച അവധി; ക്വാറികളും വിനോദസഞ്ചാര കേന്ദ്രങ്ങളും അടച്ചിടും

കാസർകോട്: (KasargodVartha) കേന്ദ്ര കാലാവസ്ഥാ വകുപ്പ് മെയ് 29, 30 തീയതികളിൽ കാസർകോട് ജില്ലയിൽ റെഡ് അലർട്ട് പ്രഖ്യാപിച്ചതിനെത്തുടർന്ന്, ശക്തമായ മഴ തുടരുന്ന സാഹചര്യത്തിൽ മുൻകരുതലെന്നോണം ജില്ലയിലെ പ്രൊഫഷണൽ കോളേജുകൾ ഉൾപ്പെടെയുള്ള എല്ലാ വിദ്യാഭ്യാസ സ്ഥാപനങ്ങൾക്കും, ട്യൂഷൻ സെൻ്ററുകൾക്കും, സ്പെഷ്യൽ ക്ലാസുകൾക്കും, അങ്കണവാടികൾക്കും, മദ്രസകൾക്കും വ്യാഴാഴ്ച (മെയ് 29, 2025) ജില്ലാ കളക്ടർ കെ. ഇമ്പശേഖർ അവധി പ്രഖ്യാപിച്ചു. 

എന്നാൽ, മുൻകൂട്ടി നിശ്ചയിച്ച പരീക്ഷകളിൽ മാറ്റമുണ്ടായിരിക്കുന്നതല്ല. റെഡ് അലർട്ട് നിലനിൽക്കുന്നതിനാൽ ജില്ലയിലെ ക്വാറികൾ മെയ് 29, 30 തീയതികളിൽ പ്രവർത്തിക്കാൻ പാടില്ല. 

കൂടാതെ, റെഡ് അലർട്ട് പ്രഖ്യാപിച്ചിരിക്കുന്ന ദിവസങ്ങളിൽ റാണിപുരം ഉൾപ്പെടെയുള്ള എല്ലാ വിനോദസഞ്ചാര കേന്ദ്രങ്ങളും അടച്ചിടുന്നതാണ്. ബീച്ചുകളിലേക്കും വിനോദസഞ്ചാരികൾക്ക് പ്രവേശനാനുമതി ഉണ്ടായിരിക്കുന്നതല്ല. മലയോര മേഖലകളിലേക്കുള്ള രാത്രികാല യാത്രകൾ ഒഴിവാക്കേണ്ടതാണ് എന്നും അറിയിച്ചിട്ടുണ്ട്.

കാസർകോട്ടെ റെഡ് അലർട്ടുമായി ബന്ധപ്പെട്ട ഈ വാർത്തയെക്കുറിച്ചുള്ള നിങ്ങളുടെ അഭിപ്രായങ്ങൾ പങ്കുവെക്കുക.

Summary: Kasaragod district declared red alert for May 29-30, leading to a holiday for all educational institutions, closure of quarries, and tourist centers due to heavy rain.

#Kasaragod #RedAlert #KeralaRain #SchoolHoliday #WeatherUpdate #KeralaNews