city-gold-ad-for-blogger

കാസർകോട്ട് മഴക്കെടുതിയും കടലാക്രമണവും രൂക്ഷം; കാര്യങ്കോട് പുഴയിൽ മുന്നറിയിപ്പ്, ട്യൂഷൻ സ്ഥാപനങ്ങൾക്കും മതപഠന കേന്ദ്രങ്ങൾക്കും ഞായറാഴ്ച അവധി

Representational image of heavy rain and sea erosion in Kasaragod
Photo: PRD Kasargod

● തയ്യേനി വായിക്കാനത്തുണ്ടായ ഉരുൾപൊട്ടലിൽ ആറ് കുടുംബങ്ങളെ തയ്യേനി ഗവ. സ്കൂളിലേക്ക് മാറ്റി
● കുമ്പള കോയിപ്പാടിയിൽ കടലാക്രമണം രൂക്ഷമായതോടെ 22 പേരെ സുനാമി ഷെൽട്ടറിലേക്ക് മാറ്റി
● ഉയർന്ന തിരമാലകൾക്കും കള്ളക്കടൽ പ്രതിഭാസത്തിനും സാധ്യതയെന്ന് ഐഎൻസിഒഐഎസ് മുന്നറിയിപ്പ്
● കാര്യങ്കോട് പുഴയിൽ ഭീമനടി റിവർ ഗേജിൽ അപകട മുന്നറിയിപ്പ് പ്രഖ്യാപിച്ചു

കാസർകോട്: (KasargodVartha) അതിശക്തമായ മഴ തുടരുന്ന സാഹചര്യത്തിൽ വ്യാപക നാശനഷ്ടങ്ങൾ. കടൽക്ഷോഭവും മറ്റ് മഴക്കെടുതികളും രൂക്ഷമായതോടെ ദുരിതബാധിതരെ സുരക്ഷിത സ്ഥാനങ്ങളിലേക്ക് മാറ്റിപ്പാർപ്പിച്ചു. സുരക്ഷാ മുൻകരുതലിൻ്റെ ഭാഗമായി ഞായറാഴ്ച (2026 ഓഗസ്റ്റ് രണ്ട്) പ്രവർത്തിക്കുന്ന എല്ലാ വിദ്യാഭ്യാസ സ്ഥാപനങ്ങൾക്കും അവധി പ്രഖ്യാപിച്ചിട്ടുണ്ട്.

അവധി പ്രഖ്യാപിച്ച സ്ഥാപനങ്ങൾ

കാസർകോട് ജില്ലയിൽ ശക്തമായ മഴ തുടരുന്നതിനാൽ ഞായറാഴ്ച പ്രവർത്തിക്കാൻ സാധ്യതയുള്ള ട്യൂഷൻ സ്ഥാപനങ്ങൾ, മദ്റസകൾ ഉൾപ്പെടെയുള്ള മതപഠന കേന്ദ്രങ്ങൾ, മറ്റ് വിദ്യാഭ്യാസ സ്ഥാപനങ്ങൾ എന്നിവയ്ക്ക് അവധിയായിരിക്കുമെന്ന് ജില്ലാ ദുരന്തനിവാരണ അതോറിറ്റി ചെയർമാനായ ജില്ലാ കളക്ടർ അർജുൻ പാണ്ഡ്യൻ അറിയിച്ചു.

മഴക്കെടുതികളിൽ വ്യാപക നാശം; ജനങ്ങളെ മാറ്റിപ്പാർപ്പിച്ചു

ജില്ലയിൽ കനത്ത മഴയെ തുടർന്ന് ഈസ്റ്റ് എളേരി പഞ്ചായത്തിലെ തയ്യേനി വായിക്കാനത്തും മാലോത്ത് കാറ്റാം കവലയിലെ ഉന്നതിയിക്ക് സമീപവും ഉരുൾപ്പൊട്ടി. വായിക്കാനത്തെ ഉരുൾപ്പൊട്ടലിനെ തുടർന്ന് ആറ് കുടുംബങ്ങളെ പാലാവയൽ വില്ലേജിലെ തയ്യേനി ഗവ. ഹൈസ്കൂളിൽ ആരംഭിച്ച ദുരിതാശ്വാസ ക്യാമ്പിലേക്ക് മാറ്റിപ്പാർപ്പിച്ചു. ചിറ്റാരിക്കാൽ വില്ലേജിൽ കാര്യങ്കോട് പുഴ കരകവിഞ്ഞതിനെ തുടർന്ന് കൊല്ലാടയിലെ നാല് കുടുംബങ്ങളെ ബന്ധുവീടുകളിലേക്ക് മാറ്റിയതായി വെള്ളരിക്കുണ്ട് തഹസിൽദാർ ബി രാമു അറിയിച്ചു.

വായിക്കാനത്ത് തൃക്കരിപ്പൂർ എംഎൽഎ സന്ദീപ് വാര്യർ, ജില്ലാ ദുരന്തനിവാരണ അതോറിറ്റി ചെയർമാൻ കൂടിയായ ജില്ലാ കളക്ടർ അർജുൻ പാണ്ഡ്യൻ, ജില്ലാ പഞ്ചായത്ത് പ്രസിഡൻ്റ് സാബു അബ്രഹാം എന്നിവർ സന്ദർശിച്ച് പ്രതിരോധ പ്രവർത്തനങ്ങൾ ഏകോപിപ്പിച്ചു. ജനപ്രതിനിധികൾ, പഞ്ചായത്ത് അധികൃതർ, റവന്യൂ വകുപ്പ് ജീവനക്കാർ എന്നിവർ സ്ഥലത്ത് ക്യാമ്പ് ചെയ്യുന്നുണ്ട്.

തീരപ്രദേശങ്ങളിൽ കടലാക്രമണം രൂക്ഷം

കുമ്പള കോയിപ്പാടി, പള്ളിക്കര, ബേക്കൽ തീരങ്ങളിൽ ശക്തമായ കടൽക്ഷോഭമുണ്ടായി. കുമ്പള കോയിപ്പാടി കടപ്പുറത്ത് രൂക്ഷമായ കടലാക്രമണത്തെ തുടർന്ന് നാല് കുടുംബങ്ങളിലെ 22 പേരെ കുമ്പള സുനാമി ഷെൽട്ടറിലേക്ക് മാറ്റിപ്പാർപ്പിച്ചതായി മഞ്ചേശ്വരം തഹസിൽദാർ എൽ കെ സുബൈർ അറിയിച്ചു.

കുഞ്ചത്തൂർ മുതൽ കോട്ടക്കുന്ന് വരെയുള്ള ജില്ലയിലെ തീരങ്ങളിൽ ശനിയാഴ്ച (2026 ഓഗസ്റ്റ് ഒന്ന്) രാവിലെ 11.30 മുതൽ രാത്രി 08.30 വരെ 2.8 മുതൽ 3.4 മീറ്റർ വരെ ഉയർന്ന തിരമാലകൾ കാരണം കള്ളക്കടൽ പ്രതിഭാസത്തിനും കടലാക്രമണത്തിനും സാധ്യതയുണ്ടെന്ന് ദേശീയ സമുദ്രസ്ഥിതിപഠന ഗവേഷണ കേന്ദ്രം (INCOIS) നേരത്തെ മുന്നറിയിപ്പ് നൽകിയിരുന്നു.

കാര്യങ്കോട് പുഴയിൽ അപകട മുന്നറിയിപ്പ്

കാര്യങ്കോട് പുഴയിൽ ഭീമനടി റിവർ ഗേജിൽ പയ്യന്നൂർ ഹൈഡ്രോളജി സെക്ഷൻ അപകട മുന്നറിയിപ്പ് നൽകിയിട്ടുണ്ട്. ഇതിനെത്തുടർന്ന് ഭീമനടിയിൽ പുഴയുടെ വശങ്ങളിലായി താമസിക്കുന്നവരെ അടിയന്തരമായി മാറ്റിപ്പാർപ്പിക്കാനുള്ള നടപടികൾ സ്വീകരിച്ചിട്ടുണ്ടെന്ന് വെള്ളരിക്കുണ്ട് തഹസിൽദാർ വ്യക്തമാക്കി.

മഴക്കെടുതികളുമായി ബന്ധപ്പെട്ട ഈ പ്രധാന വാർത്ത നിങ്ങളുടെ സുഹൃത്തുക്കൾക്കും വാട്സ്ആപ്പ് ഗ്രൂപ്പുകളിലും പങ്കുവെക്കുക. പുതിയ വിവരങ്ങൾ അറിയാൻ ഞങ്ങളുടെ വാട്സ്ആപ്പ് ചാനലും ഫേസ്ബുക്ക് പേജും ഫോളോ ചെയ്യുക. നിങ്ങളുടെ അഭിപ്രായങ്ങൾ ഫേസ്ബുക്ക് പോസ്റ്റിന് താഴെ കമൻ്റായി രേഖപ്പെടുത്തുക.

Article Summary: Heavy rain and severe sea erosion cause widespread damage in Kasaragod.

#Kasaragod #RainAlert #KeralaWeather #KaryangodeRiver #SchoolHoliday #KeralaNews #AparnaNews

കാസർകോട് വാർത്തയുടെ ഫെയ്‌സ്‌ബുക്ക് പേജിലൂടെ വാർത്തകളോട് നിങ്ങൾക്കും പ്രതികരിക്കാം. ആരോഗ്യകരമായ ചർച്ചകളെ ഞങ്ങൾ എപ്പോഴും സ്വാഗതം ചെയ്യുന്നു. എന്നാൽ അസഭ്യം, അശ്ലീലം, മതവിദ്വേഷം എന്നിവ അടങ്ങിയ കമന്റുകൾ ഐടി ആക്ട് പ്രകാരം കുറ്റകരമാണ്. നിയമനടപടികൾ സ്വീകരിച്ചെന്നുവരാം.
Zahra  Fatima
Zahra Fatima

73 Articles

Share this story

google news
Local News
Kasargodvartha android application
UNITED MEDICAL CENTER 01/02/2022
wellfitindia

wellfitindia