Weather | കള്ളക്കടല് പ്രതിഭാസം: കേരള തീരത്ത് ഉയര്ന്ന തിരമാലകള്ക്ക് സാധ്യതയുണ്ടെന്ന് ദേശീയ സമുദ്രസ്ഥിതിപഠന ഗവേഷണ കേന്ദ്രം

● ഫെബ്രുവരി 5ന് രാവിലെ 05.30 മുതല് വൈകുന്നേരം 05.30 വരെ കടലാക്രമണത്തിന് സാധ്യത.
● 0.2 മുതല് 0.6 മീറ്റര് വരെ ഉയരത്തിലുള്ള തിരമാലകള് എത്തിയേക്കാം.
● ബീച്ചിലേക്കുള്ള യാത്രകളും കടലില് ഇറങ്ങിയുള്ള വിനോദങ്ങളും ഒഴിവാക്കുക.
● തീരശോഷണത്തിന് സാധ്യതയുള്ളതിനാല് പ്രത്യേകം ജാഗ്രത പുലര്ത്തണം.
തിരുവനന്തപുരം: (KasargodVartha) സംസ്ഥാനത്ത് വീണ്ടും കള്ളക്കടല് പ്രതിഭാസത്തിന് സാധ്യതയുണ്ടെന്ന് ദേശീയ സമുദ്രസ്ഥിതിപഠന ഗവേഷണ കേന്ദ്രം (ഐഎന്സിഒഐഎസ്). ഇതിന്റെ ഭാഗമായി ഫെബ്രുവരി 5ന് രാവിലെ 05.30 മുതല് വൈകുന്നേരം 05.30 വരെ കടലാക്രമണത്തിന് സാധ്യതയുണ്ടെന്ന് മുന്നറിയിപ്പ് നല്കി.
കേരള തീരത്തേക്ക് 0.2 മുതല് 0.6 മീറ്റര് വരെ ഉയരത്തിലുള്ള തിരമാലകള് എത്തുന്നതിനാല് കടലാക്രമണ സാധ്യതയുണ്ടെന്നും മത്സ്യത്തൊഴിലാളികളും തീരദേശവാസികളും ജാഗ്രത പാലിക്കണമെന്നാണ് നിര്ദേശം.
ബീച്ചിലേക്കുള്ള യാത്രകളും കടലില് ഇറങ്ങിയുള്ള വിനോദങ്ങളും ഉള്പ്പെടെയുള്ളവ പൂര്ണമായും ഒഴിവാക്കുക.
ഈ സമയത്ത് ചെറിയ വള്ളങ്ങളും ബോട്ടുകളും കടലിലേക്ക് ഇറക്കുന്നത് ഒഴിവാക്കേണ്ടതാണ്. കള്ളക്കടല് പ്രതിഭാസത്തിനും ഉയര്ന്ന തിരമാലക്കും സാധ്യതയുള്ള ഘട്ടത്തില് കടലിലേക്ക് മത്സ്യബന്ധന യാനങ്ങള് ഇറക്കുന്നത് പോലെ തന്നെ അപകടകരമാണ് കരക്കടുപ്പിക്കുന്നതും. അതിനാല് തിരമാല ശക്തിപ്പെടുന്ന ഘട്ടത്തില് കടലിലേക്ക് ഇറക്കുന്നതും കരക്കടുപ്പിക്കുന്നതും ഒഴിവാക്കേണ്ടതാണ്.
കടല്ക്ഷോഭം രൂക്ഷമാകാന് സാധ്യതയുള്ളതിനാല് അപകട മേഖലകളില് നിന്ന് അധികൃതരുടെ നിര്ദേശാനുസരണം മാറി താമസിക്കണം. മത്സ്യബന്ധന യാനങ്ങള് (ബോട്ട്, വള്ളം, മുതലായവ) ഹാര്ബറില് സുരക്ഷിതമായി കെട്ടിയിട്ട് സൂക്ഷിക്കുക. വള്ളങ്ങള് തമ്മില് സുരക്ഷിത അകലം പാലിക്കുന്നത് കൂട്ടിയിടിച്ചുള്ള അപകട സാധ്യത ഒഴിവാക്കാം. മത്സ്യബന്ധന ഉപകരണങ്ങളുടെ സുരക്ഷ ഉറപ്പാക്കണം.
ഐഎന്സിഒഐഎസ് മുന്നറിയിപ്പ് പിന്വലിക്കുന്നത് വരെ ബീച്ചുകള് കേന്ദ്രീകരിച്ചുള്ള വിനോദസഞ്ചാരം ഉള്പ്പെടെയുള്ള എല്ലാ പ്രവര്ത്തനങ്ങളിലും ശ്രദ്ധ പുലര്ത്തണം. തീരശോഷണത്തിന് സാധ്യതയുള്ളതിനാല് പ്രത്യേകം ജാഗ്രത പുലര്ത്തണം.
ഈ വാർത്തയെക്കുറിച്ച് നിങ്ങളുടെ അഭിപ്രായങ്ങളും കമന്റുകളും പങ്കുവെക്കുക!
The Indian National Centre for Ocean Information Services (INCOIS) has issued a warning about a possible Kallakkadal phenomenon in Kerala. They predict increased wave heights and potential sea surges on February 5th. Fishermen and coastal residents are advised to take precautions, avoid sea activities, and secure their vessels.
#Kallakkadal #KeralaCoast #WaveWarning #INCOIS #SeaSurge #DisasterPreparedness