കനത്ത മഴയിൽ വീട് തകർന്നുവീണു; മൂന്നംഗ കുടുംബം അത്ഭുതകരമായി രക്ഷപ്പെട്ടു

കാഞ്ഞങ്ങാട്: (KasargodVartha) കനത്ത മഴയിൽ വീട് നിലംപതിച്ചു. വീട്ടിലുണ്ടായിരുന്ന മൂന്നംഗ കുടുംബം അത്ഭുതകരമായി പരിക്കേൽക്കാതെ രക്ഷപ്പെട്ടു. നഗരസഭയിലെ ഒൻപതാം വാർഡ് പൈരടുക്കത്തെ മുൻ സോഷ്യലിസ്റ്റ് നേതാവ് പരേതനായ പി കുഞ്ഞമ്പു പൊതുവാളിൻ്റെ മകൻ സി പ്രദീപ് കുമാറും കുടുംബവും താമസിക്കുന്ന ഓടിട്ട വീടാണ് 2026 ജൂൺ 30 ചൊവ്വാഴ്ച പുലർച്ചെ നാലോടെ തകർന്നുവീണത്.

വൻ ദുരന്തം ഒഴിവായി

വീട് തകർന്നുവീഴുന്ന ശബ്ദം കേട്ട് പ്രദീപിൻ്റെ മാതാവ് ലീലാവതി, ഭാര്യ എം ശ്രീവിദ്യ, മകൻ പ്രണവ് എന്നിവർ വാതിൽ തുറന്ന് പുറത്തേക്ക് ഓടിയതിനാലാണ് വൻ ദുരന്തം ഒഴിവായത്. ജോലി ആവശ്യത്തിനായി പ്രദീപ് കുമാർ ഈ സമയത്ത് കോഴിക്കോടായിരുന്നു. വീട് തകർന്നുവീഴുന്ന ശബ്ദവും വീട്ടുകാരുടെ നിലവിളിയും കേട്ട് നാട്ടുകാർ ഓടിക്കൂടി.

നാശനഷ്ടങ്ങൾ വിലയിരുത്തി

വിവരമറിഞ്ഞ് നഗരസഭാ ചെയർമാൻ വി വി രമേശൻ ഉൾപ്പെടെയുള്ളവർ വീട് സന്ദർശിച്ചു. വൈകുന്നേരത്തോടെ ബല്ല വില്ലേജ് ഓഫീസർ ജി ബിജു, അസിസ്റ്റൻ്റ് ടി പി ബിജു എന്നിവർ വീട്ടിലെത്തി നാശനഷ്ടങ്ങൾ വിലയിരുത്തി. ലക്ഷങ്ങളുടെ നാശനഷ്ടമുണ്ടായതായി പ്രദീപ് കുമാർ പറഞ്ഞു. വീട് വാസയോഗ്യമല്ലാത്തതിനാൽ കുടുംബം അടുത്ത ബന്ധുവീട്ടിലേക്ക് താമസം മാറ്റി.

കാലവർഷക്കെടുതിയുടെ ഈ വാർത്ത നിങ്ങളുടെ വാട്സ്ആപ്പ് ഗ്രൂപ്പുകളിൽ ഷെയർ ചെയ്യൂ. കൂടുതല്‍ വാർത്തകള്‍ അറിയാന്‍ ഞങ്ങളുടെ ഫേസ്ബുക്ക് പേജും വാട്സ് ആപ്പ് ചാനലും ഫോളോ ചെയ്യുക. നിങ്ങളുടെ അഭിപ്രായങ്ങൾ ഫേസ്ബുക്ക് പോസ്റ്റിന് താഴെ കമൻ്റായി രേഖപ്പെടുത്തുക. 

Article Summary: A house collapsed due to heavy rain in Kanhangad, Kasaragod, but the three-member family inside miraculously escaped unharmed by running out after hearing the roof collapse.

#KanhangadNews #HeavyRainKerala #HouseCollapse #MonsoonDamage #KeralaNews #LocalNews #RenuNews