SSF Sahithyothsav | എസ് എസ് എഫ് 29-ാമത് കാസർകോട് ജില്ലാ സാഹിത്യോത്സവിന് വെള്ളിയാഴ്ച തുടക്കമാവും; 3 ദിവസങ്ങളിലായി 142 ഇനങ്ങളിൽ അനവധി മത്സരാർഥികൾ മാറ്റുരയ്ക്കും; കൽപറ്റ നാരായണൻ ഉദ്ഘാടനം ചെയ്യും

കാസർകോട്: (www.kasargodvartha.com) എസ് എസ് എഫ് 29-ാമത് കാസർകോട് ജില്ലാ സാഹിത്യോത്സവിന് വെള്ളിയാഴ്ച തുടക്കമാവുമെന്ന് ഭാരവാഹികൾ വാർത്താസമ്മേളനത്തിൽ അറിയിച്ചു. മുള്ളേരിയ ഡിവിഷനിലെ ഗാളിമുഖം ഖലീൽ സ്വലാഹിലാണ് ഈ വർഷത്തെ സാഹിത്യോത്സവ് നടക്കുന്നത്. മൂന്ന് ദിവസങ്ങളിലായി 10 സ്റ്റേജിൽ 142 മത്സരയിനങ്ങളിൽ ആയിരത്തിൽ പരം മത്സരാർഥികൾ മാറ്റുരയ്ക്കും.വെള്ളിയാഴ്ച വൈകുന്നേരം നാല് മണിക്ക് സംഘാടക സമിതി ചെയർമാൻ സയ്യിദ് സൈനുൽ ആബിദീൻ മുത്തുക്കോയ തങ്ങൾ അൽ അഹ്ദൽ കണ്ണവം പതാക ഉയർത്തും. ഐപിബി ബുക് പവലിയൻ സയ്യിദ് ഹസൻ അബ്ദുല്ല ഇമ്പിച്ചി തങ്ങൾ ഉദ്ഘാടനം ചെയ്യും. സിയാറതിന് സയ്യിദ് പൂക്കുഞ്ഞി തങ്ങൾ അൽ അഹ്ദൽ ആദൂർ നേതൃത്വം നൽകും.
   ശനിയാഴ്ച വൈകുന്നേരം നടക്കുന്ന സാംസ്കാരികോത്സവം പ്രശസ്ത കവി കൽപറ്റ നാരായണൻ ഉദ്ഘാടനം ചെയ്യും. അബ്ദുർ റശീദ് സഅദി പൂങ്ങോട് അധ്യക്ഷത വഹിക്കും. രിസാല വാരിക സബ് എഡിറ്റർ മുഹമ്മദലി കിനാലൂർ സന്ദേശ പ്രഭാഷണം നടത്തും. പള്ളങ്കോട് അബ്ദുൽ ഖാദിർ മദനി, സുലൈമാൻ കരിവള്ളൂർ പ്രഭാഷണം നടത്തും. അഹ്‌മദ്‌ അലി ബെണ്ടിച്ചാൽ, അബ്ദുന്നാസിർ പള്ളങ്കോട് അവർഡ് ദാനം നിർവഹിക്കും. കവി പി കുഞ്ഞിരാമൻ നായരുടെ കൃതികളാണ് ഇപ്രാവശ്യത്തെ സാഹിത്യോത്സവിലെ ചർചാ വിഷയം.

അബ്ദുർ റഹ്‌മാൻ സഖാഫി പള്ളംങ്കോട്, ജമാലുദ്ദീൻ സഖാഫി ആദൂർ, സിദ്ദീഖ് പൂത്തപ്പലം, നാസർ പള്ളംങ്കോട്, അബ്ദുല്ല ഹാജി എടോണി, ജഅഫർ സഅദി പള്ളത്തൂർ, ഉമർ സഖാഫി പള്ളത്തൂർ, ഹാരിസ് ഹിമമി പരപ്പ, ഇല്യാസ് കൊറ്റുമ്പ, പി എസ് അബ്ദുല്ല ഹാജി പള്ളംങ്കോട്, അബ്ദുൽ ഖാദർ ഹാജി, സയ്യിദ് ജലാലുദ്ദീൻ ഹാദി തങ്ങൾ കുണ്ടാർ, ഉമർ സഖാഫി മയ്യളം, ഹസൈനാർ മിസ്ബാഹി, സുലൈമാൻ സഅദി കൊട്യാടി, സഫ്‌വാൻ ഹിമമി സഖാഫി, ഉമൈർ ഹിമമി സഖാഫി തുടങ്ങിയവർ സംബന്ധിക്കും. ശംസീർ സൈനി സ്വാഗതവും ബാദുശ ഹാദി നന്ദിയും പറയും. ഞായാറാഴ്ച രാവിലെ ആറ് മണിക്ക് മഹ്ളറതുൽ ബദ്രിയ്യ ആത്മീയ മജ്ലിസ് നടക്കും. < !- START disable copy paste -->