Cultural Fest | സമം സാംസ്‌കാരികോത്സവം ഏപ്രില്‍ 24, 25ന് പള്ളിക്കര ബീചിൽ; വിവിധ മേഖലകളില്‍ കഴിവുതെളിയിച്ച വനിതകളെ ആദരിക്കും

കാസർകോട്: (www.kasargodvartha.com 20.04.2022) സാംസ്‌കാരിക വകുപ്പും ജില്ലാ പഞ്ചായതും ചേര്‍ന്ന് സംഘടിപ്പിക്കുന്ന സമം സാംസ്‌കാരികോത്സവം ഏപ്രില്‍ 24, 25 തീയ്യതികളില്‍ പള്ളിക്കര ബീച് പാര്‍കില്‍ നടക്കുമെന്ന് ബന്ധപ്പെട്ടവർ വാർത്താസമ്മേളനത്തിൽ അറിയിച്ചു. അഡ്വ. സി എച് കുഞ്ഞമ്പു എംഎല്‍എ ഉദ്ഘാടനം ചെയ്യും. കരോകെ ചലച്ചിത്രഗാന മത്സരം, നാടന്‍പാട്ട് മത്സരം, വനിതാ പൂരക്കളി പ്രദര്‍ശനം, അവാര്‍ഡ് ദാന ചടങ്ങ്, മോഹിനിയാട്ടം, വയലിന്‍ ഫ്യൂഷന്‍, നാടന്‍ പാട്ട്, കപിള്‍സ് ഡിബേറ്റ് 2022, സംഗീതരാവ് തുടങ്ങിയ പരിപാടികള്‍ സാംസ്‌കാരികോത്സവത്തിന്റെ ഭാഗമായി നടക്കും.
                               
വിവിധ മേഖലകളില്‍ കഴിവുതെളിയിച്ച ജില്ലയിലെ വനിതകള്‍ക്ക് സമം സാംസ്‌കാരികോത്സവത്തില്‍ പുരസ്‌കാരം നല്‍കും. വാർത്താസമ്മേളനത്തിൽ ജില്ലാ പഞ്ചായത് വൈസ് പ്രസിഡണ്ട് ശാനവാസ് പാദൂര്‍, സെക്രടറി കെ പ്രദീപന്‍, ആരോഗ്യ വിദ്യാഭ്യാസ സ്റ്റാന്‍ഡിംഗ് കമിറ്റി ചെയര്‍പേഴ്‌സൻ എസ് എന്‍ സരിത, ക്ഷേമകാര്യ സ്റ്റാന്‍ഡിംഗ് കമിറ്റി ചെയര്‍മാന്‍ ഷിനോജ് ചാക്കോ, ജില്ലാ ഇന്‍ഫര്‍മേഷന്‍ ഓഫീസര്‍ എം മധുസൂദനന്‍, യൂത് വെല്‍ഫെയര്‍ ബോര്‍ഡ് ജില്ലാ കോര്‍ഡിനേറ്റര്‍ എ വി ശിവപ്രസാദ് സംബന്ധിച്ചു.