ചെങ്കള അതൃക്കുഴി ഗവ. എൽ പി സ്കൂളിൽ പൂർത്തീകരിച്ച വിവിധ നിർമാണ പ്രവൃത്തികളുടെ ഉദ്ഘാടനം വ്യാഴാഴ്ച; 45 ലക്ഷം രൂപ ചിലവിൽ നിർമിച്ച കെട്ടിടവും നാടിന് സമർപിക്കും

കാസർകോട്: (www.kasargodvartha.com 09.03.2022) ചെങ്കള അതൃക്കുഴി ഗവ. എൽ പി സ്കൂളിൽ പൂർത്തീകരിച്ച വിവിധ നിർമാണ പ്രവൃത്തികളുടെ ഉദ്ഘാടനം വ്യാഴാഴ്ച ഉച്ചയ്ക്ക് രണ്ട് മണിക്ക് നടക്കുമെന്ന് അധികൃതർ വാർത്താസമ്മേളനത്തിൽ അറിയിച്ചു. സ്‌കൂൾ കെട്ടിടം എൻഎ നെല്ലിക്കുന്ന് എംഎൽഎ ഉദ്ഘാടനം ചെയ്യും. 2019-20 വർഷത്തെ എംഎൽഎയുടെ ആസ്ഥി വികസന ഫൻഡിൽ നിന്നും 45 ലക്ഷം രൂപ ചിലവിൽ നിർമിച്ചതാണ് കെട്ടിടം.
               
ചെങ്കള ഗ്രാമപഞ്ചായത്ത് പ്രസിഡൻ്റ് ഖാദർ ബദ് രിയ അധ്യക്ഷത വഹിക്കും. പി കെ ഉമേശ് കുമാർ നരിക്കടപ്പ് നിർമിച്ച് നൽകിയ ഗാന്ധി പ്രതിമ രാജ് മോഹൻ ഉണ്ണിത്താൻ എംപി അനാച്ഛാദനം ചെയ്യും. കാസർകോട് ബ്ലോക് പഞ്ചായത്ത് 2019-20 വാർഷിക പദ്ധതി ഫൻഡിൽ നിർമിച്ച പാചകപ്പുര പ്രസിഡൻ്റ് സി എ സൈമ ഉദ്ഘാടനം ചെയ്യും. അംഗം സി വി ജെയിംസ് അധ്യക്ഷത വഹിക്കും. നവീകരിച്ച ഓഫീസ് അഡ്വ. സി എച് കുഞ്ഞമ്പു എംഎൽഎ ഉദ്ഘാടനം ചെയ്യും.