Abbas Musliyar Uroos | മഞ്ഞനാടി അബ്ബാസ് മുസ്ലിയാർ ഉറൂസ് മുബാറക് വെള്ളിയാഴ്ച ആരംഭിക്കും; ഞായറാഴ്ച സമാപന സമ്മേളനത്തിൽ കാന്തപുരം എ പി അബൂബകർ മുസ്‌ലിയാർ പങ്കെടുക്കും

കാസർകോട്: (www.kasargodvartha.com) മഞ്ഞനാടി അൽ മദീന ശിൽപി അബ്ബാസ് മുസ്ലിയാർ ഉറൂസ് മുബാറക് വെള്ളിയാഴ്ച ആരംഭിക്കുമെന്ന് ഭാരവാഹികൾ വാർത്താസമ്മേളനത്തിൽ അറിയിച്ചു. വൈകുന്നേരം അഞ്ച് മണിക്ക് സ്വാഗത സംഘം ചെയർമാൻ അബ്ദുൽ മജീദ് ഹാജി ബോംബെ പതാക ഉയർത്തും. മഖാം സിയാറതിന് സയ്യിദ് ഇസ്മാഈൽ ഹാദി തങ്ങളും വൈകീട്ട് ഏഴിന് നടക്കുന്ന ദുആ സദസ് സയ്യിദ് കെ എസ് ആറ്റക്കോയ തങ്ങൾ കുമ്പോലും നേതൃത്വം നൽകും. മഹ്‌മൂദ്‌ ഫൈസി വാലമുണ്ടവ് ഉദ്ഘാടനം ചെയ്യും. യൂനുസ് മർസൂഖി സഖാഫി മുഖ്യപ്രഭാഷണം നടത്തും. ഏഴ് മണിക്ക് നടക്കുന്ന ബുർദ മജ്‌ലിസിന് സ്വാദിഖ് ഫാളിലി ഗൂഡല്ലൂർ, ഹാഫിള് അൻവർ സഖാഫി എന്നിവരും 8:30 ന് നടക്കുന്ന ജലാലിയ്യ റാതീബിന് സയ്യിദ് ജഅഫർ സ്വാദിഖ് തങ്ങൾ കുമ്പോലും നേതൃത്വം നൽകും.
                               
25ന് രാവിലെ 10 മണിക്ക് ഖത്മുൽ ഖുർആൻ മജ്ലിസിന് സയ്യിദ് അശ്റഫ് അസ്സഖാഫ് തങ്ങൾ ആദൂർ, 4.30 ന് നടക്കുന്ന നാരിയ്യത്ത് സ്വലാത് മജ്ലിസിന് സയ്യിദ് മുശ്താഖുർ റഹ്‌മാൻ തങ്ങൾ ചട്ടക്കൽ, 7.30 ന് മഹ്ളറതുൽ ബദ്‌രിയ സദസിന് സയ്യിദ് അത്വാഉല്ലാഹ് തങ്ങൾ ഉദ്യാവരം എന്നിവർ നേതൃത്വം നൽകും. നൗഫൽ സഖാഫി കളസ മുഖ്യപ്രഭാഷണം നടത്തും.

26ന് രാവിലെ 10 മണിക്ക് സയ്യിദ് ശിഹാബുദ്ദീൻ അൽ ഹൈദ്രൂസി തങ്ങൾ സ്ഥാനവസ്ത്ര വിതരണം നടത്തും. 10.15 ന് മുതഅല്ലിം കോൺഫറൻസിൽ ശൗഖത് നഈമി കൊല്ലം ക്ലാസെടുക്കും. തുടർന്ന് അത്തസ്നീഫ് എന്ന പേരിൽ ചർച സംഗമം നടക്കും. മുഹ്‌യുദ്ദീൻ കാമിൽ സഖാഫി തോക്കെ, എസ് പി ഹംസ സഖാഫി, സിദ്ദീഖ് മൗണ്ട്ഗോളി തുടങ്ങിയവർ നേതൃത്വം നൽകും. രണ്ട് മണിക്ക് അൽ മദീന ഇസ്‌ലാമിക് സയൻസ്‌ ഫോർ വിമൻസ് സ്ഥാപനത്തിൽ നിന്ന് പുറത്തിറങ്ങുന്ന വിദ്യാർഥിനികൾക്ക് സ്വാഫിയ സനദ് ദാനം നടക്കും.