രാത്രികാല ട്രെയിനില്ല, അടിസ്ഥാന സൗകര്യങ്ങളുമില്ല: കാസർകോട്ടെ റെയിൽ യാത്രക്കാരുടെ കണ്ണീർ

കാസർകോട്: (KasargodVartha) അത്യുത്തര കേരളത്തിലെ റെയിൽ യാത്രക്കാർ നേരിടുന്ന യാത്രാസൗകര്യങ്ങളുടെ അപര്യാപ്തതയും അതു പരിഹരിക്കാൻ അടിയന്തരമായി സ്വീകരിക്കേണ്ട നടപടികളും സംബന്ധിച്ച് കാസർകോട് എം.പി. രാജ്‌മോഹൻ ഉണ്ണിത്താൻ നൽകിയ നിർദേശങ്ങളിൽ തുടർനടപടികൾ വേഗത്തിലാക്കണമെന്ന് ആവശ്യപ്പെട്ട് കാസർകോട് റെയിൽവേ പാസഞ്ചേഴ്സ് അസോസിയേഷൻ പ്രസിഡന്റ് ആർ. പ്രശാന്ത് കുമാർ ദക്ഷിണ റെയിൽവേ പാലക്കാട് ഡിവിഷൻ അഡിഷണൽ ഡിവിഷണൽ റെയിൽവേ മാനേജർ (ADRM) എം. ജയകൃഷ്ണന് നിവേദനം നൽകി.

കോഴിക്കോട് ഭാഗത്തുനിന്ന് വൈകുന്നേരം മുതൽ അർദ്ധരാത്രി വരെ കാസർകോട്ടേക്കും തിരിച്ചും പ്രതിദിന ഹ്രസ്വദൂര വണ്ടികൾ ഇല്ലാത്തതും, ഈ ഭാഗത്തുള്ള സ്റ്റേഷനുകളിലെ അടിസ്ഥാന സൗകര്യങ്ങളുടെ അപര്യാപ്തതയും, സീസൺ ടിക്കറ്റ് യാത്രക്കാരുടെ ദുരിതങ്ങളും പരിഹരിക്കാനുള്ള നിർദേശങ്ങളിൽ അനുഭാവപൂർണമായ നടപടികൾ സ്വീകരിക്കുമെന്ന് എ.ഡി.ആർ.എം. പ്രതികരിച്ചു.

ഇത് സംബന്ധിച്ച് യാത്രക്കാരുടെ പ്രതിനിധികളുടെ സാന്നിധ്യത്തിൽ കാസർകോട് വെച്ച് ചർച്ച ചെയ്യാൻ റെയിൽവേ ഉന്നത ഉദ്യോഗസ്ഥരുടെ യോഗം വിളിച്ചുചേർക്കണമെന്ന് ആവശ്യപ്പെട്ട് എം.പി. രാജ്‌മോഹൻ ഉണ്ണിത്താൻ റെയിൽവേ സോൺ ജനറൽ മാനേജർക്ക് ഇ-മെയിൽ അയച്ചിട്ടുണ്ട്.

ഈ വാർത്ത നിങ്ങളുടെ സുഹൃത്തുക്കളുമായി പങ്കുവെച്ച് കാസർകോട്ടെ റെയിൽ യാത്രാ പ്രശ്നങ്ങൾക്ക് പരിഹാരം കണ്ടെത്താൻ സഹായിക്കൂ.

Article Summary: Kasaragod rail woes: Passengers demand better facilities.

#Kasaragod #Railways #Kerala #PassengerRights #IndianRailways #TravelNews