Umiam Lake | പ്രകൃതിയുടെ മടിത്തട്ടില്‍ മനുഷ്യന്‍ തീര്‍ത്ത കരവിരുതാണ് ഉമിയം തടാകം; സഞ്ചാരികള്‍ക്ക് സമാനതകളില്ലാത്ത പ്രകൃതിദൃശ്യങ്ങളും കാഴ്ചകളും ആസ്വദിക്കാം

ന്യൂഡെല്‍ഹി: (www.kasargodvartha.com) പ്രകൃതിയുടെ മടിത്തട്ടില്‍ മനുഷ്യന്‍ തീര്‍ത്ത കരവിരുതാണ് ഉമിയം തടാകം. 222 ചതുരശ്ര കിലോമീറ്ററില്‍ പരന്നുകിടക്കുന്ന മനുഷ്യ നിര്‍മിത തടകത്തിന് ചുറ്റും ദേവദാരു, പൈന്‍ വനങ്ങളാണ് (Coniferous). വര്‍ഷം മുഴുവനും സന്ദര്‍ശിക്കാവുന്ന സ്ഥലമാണ്. ഷിലോങില്‍ നിന്ന് 5 കിലോമീറ്റര്‍ വടക്കായി സ്ഥിതി ചെയ്യുന്നു.

ആളുകള്‍ പലപ്പോഴും ഈ തടാകത്തില്‍ പലതരം ബോടിംഗില്‍ ഏര്‍പെടുന്നു, സമീപത്തെ പാര്‍ക് എല്ലാ പ്രായക്കാര്‍ക്കും ആനന്ദം കണ്ടെത്താവുന്ന തരത്തിലാണ് ഒരുക്കിയിരിക്കുന്നത്. ഖാസി കുന്നുകള്‍ തടാകത്തിന്റെ ഭംഗി വര്‍ദ്ധിപ്പിക്കുന്നു. ഷിലോങിലെ ഏറ്റവും പ്രശസ്തമായ സ്ഥലങ്ങളില്‍ ഒന്നാണിത്. സഞ്ചാരികള്‍ക്ക് സമാനതകളില്ലാത്ത പ്രകൃതിദൃശ്യങ്ങളും കാഴ്ചകളും ആസ്വദിക്കാം.