ഓപ്പിള്‍ എല്‍ഇഡി സ്‌പോര്‍ട്ട് ലൈറ്റ് എച്ച്എസ് പുറത്തിറക്കി, 7 വാട്ടിന് 600 രൂപ

കൊച്ചി:(www.kasargodvartha.com 19/12/2017) ഗ്ലോബല്‍ ഇന്റഗ്രേറ്റഡ് ലൈറ്റിംഗ് സൊല്യൂഷന്‍സ് കമ്പനിയും എല്‍ഇഡി ലൈറ്റിങ്ങ് ടെക്‌നോളജി നിര്‍മ്മാതാക്കളുമായ ഓപ്പിള്‍ നവീനമായ എല്‍ ഇഡി സ്‌പോട്ട് ലൈറ്റ് എച്ച്എസ് വിപണിയിലെത്തിച്ചു. സ്‌കൂളുകള്‍, വീടുകള്‍, കോണ്‍ഫെറന്‍സ് റൂമുകള്‍, ഹോസ്പിറ്റാലിറ്റി, ഹെല്‍ത്ത് കെയര്‍ മേഖലകളിലെ ഉപയോഗങ്ങള്‍ക്ക് അനുയോജ്യമാണ്. നവീനമായ ടിഐആര്‍ ലെന്‍സ് പ്രൊഫഷണല്‍ ആക്‌സന്റ് ലൈറ്റിങ്ങിനുള്ള നിഴലുകള്‍ ഇല്ലാത്ത തെളിഞ്ഞ ബീം ലൈറ്റ് വാഗ്ദാനം ചെയ്യുന്നു.

കുറഞ്ഞ ഊര്‍ജോപയോഗത്തിന് വേണ്ടി പ്രത്യേകം രൂപകല്‍പ്പന ചെയ്തതാണ് ഈ ഉത്പന്നം. 35വാട്ട്, 50വാട്ട് ഹാലൊജെന്‍ സ്‌പോട്ടുകളുമായി താരതമ്യപ്പെടുത്തുമ്പോള്‍ ഇത് 85% വൈദ്യുതി ലാഭിക്കും. പരമ്പരാഗത സ്‌പോട്ട് ലൈറ്റിന് പകരം വെയ്ക്കാവുന്ന തികവുറ്റ തിരഞ്ഞെടുപ്പാണ് എല്‍ഇഡി സ്‌പോട്ട് ലൈറ്റ് എച്ച്എസ്. തെളിഞ്ഞ ബീം വഴി ഏറെക്രമീകരണം സാധ്യമാകുന്ന ഈ ലൈറ്റിന് ആവശ്യമുള്ളിടത്ത് പരമാവധി 20 ഡിഗ്രി വരെ ഫ്‌ളെക്‌സിബിളായ ക്രമീകരണവും സാധ്യമാകും.