കൗമാരക്കാർക്ക് ഇനി പ്രതിദിനം 2 മണിക്കൂർ മാത്രം ഉപയോഗം; 1.7 ലക്ഷം കോടിയുടെ നഷ്ടപരിഹാരം നൽകി മെറ്റ

ഓക്‌ലൻഡ്: (KasargodVartha) കൗമാരക്കാരിൽ ആസക്തിയുണ്ടാക്കുന്ന തരത്തിൽ സാമൂഹിക മാധ്യമങ്ങൾ രൂപകൽപന ചെയ്തുവെന്ന കേസിൽ കൂറ്റൻതുക നഷ്ടപരിഹാരം നൽകുന്നതിനു പുറമേ കുട്ടികളുടെ ഉപയോഗത്തിൽ കർശന വ്യവസ്ഥകൾ മെറ്റ കൊണ്ടുവരുന്നു. യുഎസിലെ 48 സംസ്ഥാനങ്ങളുമായി ഫെഡറൽ കോടതിയിൽ നടന്ന നിയമപോരാട്ടം ഒത്തുതീർപ്പാക്കുന്നതിൻ്റെ ഭാഗമായി 1800 കോടി ഡോളർ (1.7 ലക്ഷം കോടി രൂപയിലധികം) നഷ്ടപരിഹാരം നൽകിയതിന് പുറമേയാണിതെല്ലാം. അമേരിക്കയിൽ മാത്രമാണ് നിലവിൽ ഈ വ്യവസ്ഥകൾ ബാധകമാകുക.

2 മണിക്കൂർ മാത്രം ഉപയോഗം

18 വയസ്സിന് താഴെയുള്ളവരുടെ ഇൻസ്റ്റഗ്രാം, ഫേസ്ബുക് ഉപയോഗം പ്രതിദിനം രണ്ട് മണിക്കൂറാക്കി നിയന്ത്രിക്കും എന്നതാണ് പ്രധാന നടപടി. രക്ഷിതാക്കളുടെ പ്രത്യേക അനുമതിയോടെ മാത്രമേ കുട്ടികൾക്ക് അധികസമയം ഈ സാമൂഹിക മാധ്യമങ്ങൾ വിനിയോഗിക്കാനാകൂ. അർധരാത്രി 12 മുതൽ പുലർച്ചെ ആറ് വരെ കുട്ടികൾക്ക് ആപ്പുകൾ ഉപയോഗിക്കാൻ സാധിക്കില്ല. മാനസികസമ്മർദം ഒഴിവാക്കുന്നതിനായി കൗമാരക്കാരുടെ പോസ്റ്റുകളിലെ ലൈക്കുകളുടെ എണ്ണം മറച്ചുവെക്കും. മിക്ക സുരക്ഷാ ഫീച്ചറുകളും സ്വയം പ്രവർത്തനക്ഷമമായിരിക്കും.

എഐ സാങ്കേതികവിദ്യ വഴി പരിശോധന

13 വയസ്സിനു താഴെയുള്ള കുട്ടികൾ പ്ലാറ്റ്ഫോമുകളിൽ പ്രവേശിക്കുന്നത് തടയാൻ എഐ സാങ്കേതികവിദ്യയും സ്വതന്ത്ര ഓഡിറ്റുകളും ഉപയോഗിച്ച് പ്രായം നിർണയിക്കുന്നത് കൂടുതൽ കൃത്യമാക്കും. 13 വയസ്സിൽ താഴെയുള്ള ഒരാളെ കണ്ടെത്തി നീക്കം ചെയ്താൽ, അവരുടെ ഫ്രണ്ട്സ് ലിസ്റ്റിലുള്ളവരുടെ പ്രായവും പരിശോധിക്കും.

ഈ വാർത്ത നിങ്ങളുടെ സുഹൃത്തുക്കൾക്കും വാട്സാപ്പ് ഗ്രൂപ്പുകളിലും ഷെയർ ചെയ്യുക. പുതിയ വാർത്തകളും വിശേഷങ്ങളും അറിയാൻ ഞങ്ങളുടെ വാട്സാപ്പ് ചാനലും ഫേസ്ബുക്ക് പേജും ഫോളോ ചെയ്യുക. നിങ്ങളുടെ അഭിപ്രായങ്ങൾ ഫേസ്ബുക് പോസ്റ്റിന് താഴെ കമൻ്റായി രേഖപ്പെടുത്താം

Article Summary: Meta agreed to pay an $18 billion settlement and introduce strict screen time limitations, including a two-hour daily cap and late-night access restrictions on Instagram and Facebook, for users under 18 in the US to address youth social media addiction.

#KasargodVartha #Meta #Instagram #Facebook #SocialMediaAddiction #TechNews #MalayalamNews #AparnaNews