Prithvi-2 Missile | ആണവായുധങ്ങള്‍ വഹിക്കാന്‍ ശേഷിയുള്ള പൃഥ്വി-2 മിസൈല്‍ വിജയകരമായി പരീക്ഷിച്ച് ഇന്‍ഡ്യ
Jun 16, 2022, 10:01 IST
ന്യൂഡെല്‍ഹി: (www.kasargodvartha.com) പൃഥ്വി-2 മിസൈല്‍ വിജയകരമായി പരീക്ഷിച്ച് ഇന്‍ഡ്യ. ഒഡീഷയിലെ ചന്ദിപൂരിലുള്ള ഇന്റഗ്രേറ്റഡ് ടെസ്റ്റ് സെന്ററില്‍ നിന്നാണ് ഇന്‍ഡ്യ ബുധനാഴ്ച ഹ്രസ്വദൂര ആണവശേഷിയുള്ള ബാലിസ്റ്റിക് മിസൈല്‍ പൃഥ്വി-2 വിജയകരമായി പരീക്ഷിച്ചത്. ആണവ ശേഷിയുള്ള അഗ്‌നി മിസൈലിന്റെ പതിവ് പരീക്ഷണം നടത്തി ദിവസങ്ങള്‍ക്ക് ശേഷമാണ് ഇത്.
ബുധനാഴ്ച രാത്രി 7.30 മണിയോടെയാണ് പൃഥ്വി-2 മിസൈല്‍ പരീക്ഷിച്ചതെന്ന് പ്രതിരോധ മന്ത്രാലയം പറഞ്ഞു. പരീക്ഷണ വേളയില്‍ മിസൈല്‍ നിര്‍ദിഷ്ട പ്രവര്‍ത്തനപരവും സാങ്കേതികവുമായ എല്ലാ മാനദണ്ഡങ്ങളും പാലിച്ചിരുന്നുവെന്നും മന്ത്രാലയം പ്രസ്താവനയില്‍ അറിയിച്ചു.
പൃഥ്വി-2 മിസൈല്‍ സംവിധാനം വളരെ വിജയകരമാണെന്ന് കണക്കാക്കപ്പെടുന്നു. മാത്രമല്ല വളരെ ഉയര്‍ന്ന കൃത്യതയോടെ ലക്ഷ്യത്തിലെത്താന്‍ കഴിവുള്ളതുമാണെന്നും പ്രതിരോധ മന്ത്രാലയം വ്യക്തമാക്കി.
Keywords: New Delhi, news, National, Top-Headlines, Technology, Test, India, India successfully test fires Prithvi-2 missile capable of carrying nuclear weapons, know all features.
Tags
Share this story
