ലൈവ് അതിരുകടക്കുന്നു; അക്രമങ്ങളും വെടിവെയ്പും വരെ ലൈവില്‍, ലൈവ് വീഡിയോ ഫീച്ചറിന് നിയന്ത്രണംകൊണ്ടുവരാന്‍ തീരുമാനിച്ച് ഫേസ്ബുക്ക്

(www.kasargodvartha.com 31.03.2019) ലൈവ് അതിരുകടക്കുന്നതിനെ തുടര്‍ന്ന് ലൈവ് വീഡിയോ ഫീച്ചറിന് നിയന്ത്രണംകൊണ്ടുവരാന്‍ തീരുമാനിച്ച് ഫേസ്ബുക്ക്. അക്രമങ്ങളും വെടിവെയ്പും വരെ ലൈവില്‍ സംപ്രേഷണം ചെയ്യുന്നതിനെ തുടര്‍ന്നാണ് ഇത്തരമൊരു തീരുമാനത്തിന് ഫേസ്ബുക്കിനെ പ്രേരിപ്പിച്ചത്. നേരത്തെ ന്യൂസിലന്‍ഡിലെ പള്ളികളില്‍ നടന്ന വെടിവയ്പ്പ് ഫേസ്ബുക്കിലൂടെ ലൈവായി സംപ്രേഷണം ചെയ്തിരുന്നു.

ഇതിനെതിരെ വന്‍ പ്രതിഷേധമാണുയര്‍ന്നത്. ലൈവ് സ്ട്രീമിംഗ് നിയമങ്ങള്‍ കര്‍ശനമാക്കാനാണ് കമ്പനിയുടെ തീരുമാനം. നിയമങ്ങള്‍ ശക്തമാക്കുക, വിദ്വേഷം വിതയ്ക്കുന്ന പോസ്റ്റുകള്‍ തിരിച്ചറിയാന്‍ സംവിധാനമുണ്ടാക്കുക തുടങ്ങിയവയാണ് ആദ്യഘട്ടത്തില്‍ ഫേസ്ബുക്ക് നടപ്പാക്കാന്‍ ഉദ്ദേശിക്കുന്നത്.