Alert | അപരിചിതര് അയക്കുന്ന 'ഹാപി ന്യൂ ഇയര്' ലിങ്കില് തൊട്ടു പോകരുത്; ക്ലിക്ക് ചെയ്താല് ഫോണിലെ സകല ഡാറ്റയും പോകും; മുന്നറിയിപ്പുമായി സൈബര് പൊലീസ്
● പുതുവത്സര ആശംസകളുടെ മറവിൽ സൈബർ തട്ടിപ്പുകാർ വ്യാപകമാകുന്നു.
● അപരിചിതരിൽ നിന്നുള്ള ലിങ്കുകൾ ക്ലിക്ക് ചെയ്യുന്നത് ഒഴിവാക്കുക.
● നിങ്ങളുടെ ഫോൺ സുരക്ഷിതമാക്കാൻ ശ്രദ്ധിക്കുക.
കാസര്കോട്: (KasargodVartha) അപരിചിതര് അയക്കുന്ന 'ഹാപി ന്യൂ ഇയര്' ലിങ്കില് തൊട്ടു പോകരുതെന്ന് സൈബര് പൊലീസിന്റെ മുന്നറിയിപ്പ് നല്കുന്നു. ലിങ്കില് ക്ലിക് ചെയ്താല് മൊബൈല് ഫോണിലെ സകല ഡാറ്റയും സൈബര് തട്ടിപ്പുകാര് കൊണ്ടു പോകുമെന്നാണ് സൈബര് പൊലീസ് പറയുന്നത്.
പുതുവര്ഷം അടുത്തതോടെ കുറച്ച് ദിവസങ്ങളില്, സൈബര് തട്ടിപ്പുകാര്ക്ക് നിങ്ങളുടെ വാട്സ്ആപിലേക്ക് പുതുവത്സരാശംസകള് അയയ്ക്കാന് കഴിയും. അതില് ഒരു പുതിയ എപികെ ഫയല് തരം മാല്വെയറിലേക്കുള്ള ലിങ്ക് അടങ്ങിയിരിക്കാം.
'നിങ്ങളുടെ പേരില് നിങ്ങളുടെ സുഹൃത്തുക്കള്ക്ക് പുതുവത്സരാശംസകള് അയയ്ക്കാം. നിങ്ങള്ക്ക് താല്പ്പര്യമുണ്ടെങ്കില്, കാര്ഡ് ലഭിക്കാന് ഇതോടൊപ്പമുള്ള ലിങ്കില് ക്ലിക് ചെയ്യുക'- എന്ന് പരാമര്ശിക്കും. അത്തരമൊരു ലിങ്ക് നിങ്ങള്ക്ക് അയച്ചാല്, ആ ലിങ്കില് ക്ലിക് ചെയ്യരുത്.
സൈബര് കുറ്റവാളികള് നിങ്ങളുടെ മൊബൈല് ഫോണ് ഹാക് ചെയ്യുകയും ആക്സസ് അവരിലേക്ക് പോകുകയും ചെയ്യും. അടുത്തതായി സംഭവിക്കുന്നത് നിങ്ങളുടെ മൊബൈല് ഡാറ്റ, നിങ്ങളുടെ ഗാലറി, നിങ്ങളുടെ കോണ്ടാക്റ്റ് നമ്പറുകള് എന്നിവ മോഷ്ടിക്കപ്പെടും. ബാങ്ക് അകൗണ്ട് വിശദാംശങ്ങളും മോഷ്ടിക്കപ്പെടും. തുടര്ന്ന് നിങ്ങള്ക്ക് വൈകാരികമോ സാമ്പത്തികമോ ആയ തട്ടിപ്പില് കുടുങ്ങാം.
അതിനാല് ഈ 'ഹാപി ന്യൂ ഇയര്' റെഡിമെയ്ഡ് ലിങ്കുകളില് ക്ലിക് ചെയ്യാതിരിക്കാന് ശ്രദ്ധിക്കണമെന്നാണ് സൈബര് പൊലീസ് പറയുന്നത്.
#cybersecurity #phishing #malware #datasafety #onlinesafety #kerala #cybercrime #newyear
