കാസർകോടിന് അഭിമാനം! നാഷണൽ സ്കൂൾസ് ഫുട്ബോൾ ചാമ്പ്യൻഷിപ്പ്: കേരളാ ടീമിൽ പ്രയാഗ് എസ് രാമൻ

തൃക്കരിപ്പൂർ: (KasargodVartha) മധ്യപ്രദേശിൽ വെച്ച് നടക്കുന്ന ഈ വർഷത്തെ നാഷണൽ സ്കൂൾസ് സബ് - ജൂനിയർ ഫുട്ബോൾ ചാമ്പ്യൻഷിപ്പിനായുള്ള കേരളാ ടീമിൽ തൃക്കരിപ്പൂർ നടക്കാവിലെ പ്രയാഗ് എസ് രാമൻ കളിക്കും. രണ്ട് ദിവസങ്ങളിലായി പാലക്കാട് വെച്ച് നടന്ന സംസ്ഥാന തല മത്സരത്തിൽ കാസർകോട് ജില്ലയ്ക്ക് വേണ്ടി ബൂട്ടണിഞ്ഞ പ്രയാഗ് മികച്ച മുൻനിര താരമാണ്.

കേരളാ ഫുട്ബോൾ അസോസിയേഷൻ്റെ ഈ വർഷത്തെ സബ് ജൂനിയർ ടീമിനായുള്ള സ്റ്റേറ്റ് ക്യാമ്പിലേക്കുള്ള സെലക്ഷനും ഈ യുവതാരത്തിന് ലഭിച്ചിട്ടുണ്ട്. താരത്തിൻ്റെ കായിക മികവിനും പ്രകടനത്തിനുമുള്ള അംഗീകാരമായാണ് ഈ സെലക്ഷൻ കണക്കാക്കുന്നത്.

ഉദിനൂർ ഗവ.ഹയർ സെക്കൻ്ററി സ്കൂളിൽ ഒമ്പതാം തരത്തിൽ പഠിക്കുന്ന വിദ്യാർത്ഥിയാണ് പ്രയാഗ് എസ് രാമൻ. തൃക്കരിപ്പൂർ നടക്കാവിലെ ഹെൽത്ത് ഇൻസ്പെക്ടർ രാഗേഷ് തീർത്ഥംകരയുടെയും, ഇളമ്പച്ചി സബ് പോസ്റ്റ് ഓഫീസ് പോസ്റ്റ് മാസ്റ്റർ ഷൈനി വിജയൻ്റെയും മകനാണ്. പടന്നക്കാട് എസ്.എൻ.ടി.ടി.ഐ വിദ്യാർത്ഥിനി രാകേന്ദു എസ് രാമൻ സഹോദരിയാണ്.

പ്രയാഗ് എസ് രാമൻ്റെ ഈ നേട്ടത്തെക്കുറിച്ച് നിങ്ങളുടെ അഭിപ്രായം പങ്കുവെക്കുക. കേരളാ ടീമിന് ആശംസകൾ അറിയിച്ച് കമൻ്റ് ചെയ്യുക.

Article Summary: Prayag S. Raman selected for Kerala team in National Schools Sub-Junior Football Championship.

#NationalFootball #KeralaTeam #PrayagSRaman #SubJunior #Trikkarippur #Udinoor