Football | പള്ളം ഫുട്ബോൾ ലീഗ് സീസൺ 3: എസ് ടി വാരിയേഴ്സ് ചാമ്പ്യന്മാർ

ദുബൈ: (KasargodVartha) കാസർകോട് പള്ളം നിവാസികളുടെ കൂട്ടായ്മയുടെ ഭാഗമായി യു.എ.ഇ. പള്ളം ബ്രദേഴ്സ് സംഘടിപ്പിച്ച പള്ളം ഫുട്ബോൾ ലീഗ് സീസൺ 3-ൽ എസ്.ടി. വാരിയേഴ്സ് ചാമ്പ്യന്മാരായി. ഫൈനൽ മത്സരത്തിൽ അവർ അവന്യു സ്ട്രൈക്കേഴ്സിനെ പരാജയപ്പെടുത്തി.

ഷബീബിനെ ടൂർണമെന്റിലെ താരമായും, അബുഷാമിനെ മികച്ച ഡിഫൻഡറായും, മർഷാദിനെ മികച്ച ഗോൾകീപ്പറായും, ഹംദാൻ ഷാനവാസിനെ എമേർജിംഗ് പ്ലെയറായും തിരഞ്ഞെടുത്തു. ഇൻഷാം ഗോൾഡൻ ബൂട്ടും, ഇമ്രാൻ പുസ്കാസ് അവാർഡും കരസ്ഥമാക്കി.

ഒരു ദിവസത്തെ ഫാം സ്റ്റേയോടനുബന്ധിച്ചാണ് ഫുട്ബോൾ മത്സരം സംഘടിപ്പിച്ചത്. യു.എ.ഇക്ക് പുറമെ നാട്ടിൽ നിന്നും മറ്റു ഗൾഫ് രാജ്യങ്ങളിൽ നിന്നുമുള്ള പള്ളം നിവാസികളായ ഫുട്ബോൾ താരങ്ങൾ പങ്കെടുത്തു. ഫുട്ബോളിന് പുറമെ വിവിധ കായിക മത്സരങ്ങളും അരങ്ങേറി. പ്രവാസത്തിന്റെ തിരക്കിനിടയിൽ ഗൃഹാതുര സ്മരണകൾ ഉണർത്താനും സൗഹൃദം ഊട്ടിയുറപ്പിക്കാനും ഫാം സ്റ്റേയിലൂടെ സാധിച്ചു.

പള്ളം നാട്ടിലെ അഭിമാന താരങ്ങളെയും യു.എ.ഇ.യിലുള്ള പള്ളം നാടിന്റെ ഇതിഹാസ താരങ്ങളെയും പരിപാടിയിൽ ആദരിച്ചു. സോഫ്റ്റ്‌ ബേസ്ബോൾ യൂത്ത് ഗേൾസ് ഇന്ത്യൻ ടീമിലേക്ക് തിരഞ്ഞെടുക്കപ്പെട്ട റബീഹ ഫാത്തിമ ബിൻത് റാഷിദ്, സംസ്ഥാന സോഫ്റ്റ്‌ ബേസ്ബോൾ യൂത്ത് ഗേൾസ് ചാമ്പ്യൻഷിപ്പിൽ റണ്ണേഴ്സ് അപ്പായ കാസറഗോഡ് ടീം അംഗം ആയിഷത്ത് മെഹറുന്നിസ ബിൻത് റാഷിദ്, കൊൽക്കത്ത ഈസ്റ്റ് ബംഗാൾ എഫ്.സി. U-17 ടീമിലേക്ക് തിരഞ്ഞെടുക്കപ്പെട്ട അബ്ദുള്ള റൈഹാൻ ബിൻ ഷഹീർ, മാസ്റ്റേർസ് ഹാൻഡ്‌ബോൾ കേരള ടീം താരം ഷമീം പൈക്ക, യൂണിവേഴ്സിറ്റി അത്‌ലറ്റിക് മീറ്റ് ഹർഡിൽസിൽ സിൽവർ മെഡൽ കരസ്ഥമാക്കിയ മുഹമ്മദ് ഫർസീൻ എന്നിവരെ ആദരിച്ചു.

ബാസ്ക് (BASC) പള്ളത്തിന് വേണ്ടി വിവിധ മത്സരങ്ങളിൽ വിജയം നേടിക്കൊടുക്കാൻ മുഖ്യ പങ്ക് വഹിച്ച, കാസറഗോഡിലെയും യു.എ.ഇ.യിലെയും വിവിധ ക്ലബുകൾക്കായി ബൂട്ടണിഞ്ഞ പള്ളത്തിന്റെ ഇതിഹാസ താരങ്ങളായ ഇഖ്‌ബാൽ പള്ളം, മൻസൂർ, ഷാഫി ചുങ്കത്തത്തിൽ എന്നിവരെയും, പ്രശസ്ത ചിത്രകാരൻ ആർട്ടിസ്റ്റ് ഇർഷാദ് പള്ളത്തിനെയും യു.എ.ഇ. പള്ളം ബ്രദേർസ് സ്നേഹോപഹാരം നൽകി ആദരിച്ചു.

 ഈ വാർത്ത പങ്കുവെക്കുകയും അഭിപ്രായങ്ങൾ രേഖപ്പെടുത്തുകയും ചെയ്യുക

 ST Warriors won the Pallam Football League Season 3 by defeating Avenue Strikers. Various awards were given, including to Shabeeb, Abusham, and others.

 #STWarriors, #FootballLeague, #PallamFootball, #PallamChampions, #FootballAwards, #SportsEvent