കേരള സ്കൂൾ സീനിയർ ക്രിക്കറ്റ് ടീമിൽ കാസർകോട്ടെ മുഹമ്മദ് ഫസൽ ഖൈസ്

കാസർകോട്: (KasargodVartha) തളങ്കര മുസ്ലിം ഹൈസ്‌കൂൾ പ്ലസ് ടു വിദ്യാത്ഥി മുഹമ്മദ് ഫസൽ ഖൈസിന് കേരള സ്കൂൾ സീനിയർ ക്രിക്കറ്റ് ടീമിൽ സെലക്ഷൻ ലഭിച്ചു. ഡിസമ്പറിൽ ഹരിയാനയിൽ നടക്കുന്ന നാഷണൽ സ്കൂൾസ് മാച്ചിൽ അദ്ദേഹം കേരളത്തെ പ്രതിനിധീകരിക്കും.

തിരുവനന്തപുരം തുമ്പ സ്റ്റേഡിയത്തിൽ നടന്ന കാസർകോട് പത്തനംതിട്ട മത്സരത്തിൽ മുഹമ്മദ് ഫസൽ ഖൈസ് മികച്ച പ്രകടനം കാഴ്ച വെച്ചിരുന്നു. ഈ പ്രകടനത്തിന്റെ അടിസ്ഥാനത്തിലാണ് തുടർന്ന് സംസ്ഥാന ക്യാംപിലേക്ക് തിരഞ്ഞെടുക്കപ്പെട്ടത്. അവിടെ നിന്നാണ് കേരളടീമിലേക്ക് സെലക്ഷൻ ലഭിച്ചത്.

ഫസൽ ഖൈസ് ഇതിനു മുൻപ് കഴിഞ്ഞ രണ്ട് തവണ സംസ്ഥാനതലത്തിൽ ക്രിക്കറ്റിൽ പങ്കെടുത്തിട്ടുണ്ട്. നിലവിൽ കേരള ക്രിക്കറ്റ് അസോസിയേഷൻ നോർത്ത് സോൺ അണ്ടർ 23, അണ്ടർ 19 മത്സരങ്ങളിലും മികച്ച പ്രകടനം കാഴ്ചവെച്ചിട്ടുണ്ട്. മുൻ ഇന്ത്യൻ താരം ടിനു യോഹന്നാനടക്കം മറ്റ് കോച്ചുകളുടെ കീഴിൽ എച്ച്പിസി ക്യാമ്പിൽ അദ്ദേഹത്തിന് പരിശീലനം ലഭിച്ചിട്ടുണ്ട്. അണ്ടർ 14, അണ്ടർ 16 കാസർകോട് ജില്ലാതാരമായും അദ്ദേഹം കളിച്ചിരുന്നു.

ഷദാബ് ഖാൻ, നൗഷാദ് ചെച്ചി എന്നിവരുടെ കീഴിൽ ക്രിടെക് അക്കാദമിയിൽ നിന്നാണ് ഫസൽ ഖൈസ് കളിച്ചു തുടങ്ങിയത്. ഗായകൻ ഇസ്മയിൽ തളങ്കര നുസൈബ ദമ്പതികളുടെ മകനാണ്.

കേരള സ്കൂൾ സീനിയർ ക്രിക്കറ്റ് ടീമിലേക്ക് തിരഞ്ഞെടുക്കപ്പെട്ട മുഹമ്മദ് ഫസൽ ഖൈസിന് കാസർകോട് ക്രിക്കറ്റ് അസോസിയേഷനും ജി എംവി എച്ചസ് തളങ്കര പിടിഎ കമ്മിറ്റിയും യുണൈറ്റഡ് ഖാസിലേനും അഭിനന്ദനം അറിയിച്ചു.

കാസർകോടിന്റെ അഭിമാനമായ മുഹമ്മദ് ഫസൽ ഖൈസിന് ആശംസകൾ നേർന്ന് ഈ വാർത്ത പങ്കുവെക്കുക. ഈ നേട്ടം മറ്റ് യുവതാരങ്ങൾക്കും പ്രചോദനമാകട്ടെ.  

Article Summary: Kasaragod's Mohammed Fazal Khais selected for Kerala School Senior Cricket Team.

#KeralaCricket #MohammedFazalKhais #SchoolSports #Kasaragod #NationalSchools