ദേശീയ മാസ്റ്റേഴ്സ് പവർലിഫ്റ്റിങ് ചാമ്പ്യൻഷിപ്പ്: ക്ലാസിക്കിൽ മഹാരാഷ്ട്രയ്ക്ക് കിരീടം, കേരളം രണ്ടാമത്

കോഴിക്കോട്: (KasargodVartha) ഇൻഡോർ സ്റ്റേഡിയത്തിൽ നടക്കുന്ന ദേശീയ മാസ്റ്റേഴ്സ് പവർലിഫ്റ്റിങ് ചാമ്പ്യൻഷിപ്പിൽ ക്ലാസിക് പവർലിഫ്റ്റിങ് മത്സരങ്ങൾ പൂർത്തിയായി. പുരുഷ-വനിതാ വിഭാഗങ്ങളിലായി 292 പോയിന്റ് നേടി മഹാരാഷ്ട്ര ഓവറോൾ ജേതാക്കളായി. 229 പോയിന്റോടെ കേരളം രണ്ടാം സ്ഥാനവും 147 പോയിന്റോടെ മധ്യപ്രദേശ് മൂന്നാം സ്ഥാനവും കരസ്ഥമാക്കി.

എക്യൂപ്ഡ് വിഭാഗം മത്സരങ്ങൾ ഇന്നും (ബുധൻ) നാളെ (വ്യാഴാഴ്ച) ഉച്ചവരെയും തുടരും. സംസ്ഥാന സ്പോർട്സ് കൗൺസിലിന്റെ സഹകരണത്തോടെ കേരള സ്റ്റേറ്റ് പവർലിഫ്റ്റിങ് അസോസിയേഷനും കോഴിക്കോട് ജില്ലാ പവർലിഫ്റ്റിങ് അസോസിയേഷനും ചേർന്നാണ് ചാമ്പ്യൻഷിപ്പ് സംഘടിപ്പിക്കുന്നത്. മത്സരങ്ങൾ വ്യാഴാഴ്ച (7) വൈകീട്ട് 3 മണിക്ക് സമാപിക്കും.
 

കേരളത്തിൻ്റെ ഈ നേട്ടത്തെക്കുറിച്ച് നിങ്ങളുടെ അഭിപ്രായങ്ങൾ പങ്കുവെക്കുക. 

Article Summary: Kerala secures second place in National Masters Powerlifting.

#Powerlifting, #KeralaSports, #NationalChampionship, #Kozhikode, #Maharashtra, #SportsNews