Athletic Achievement | കണ്ണൂർ സർവകലാശാലാ അത്‌ലറ്റിക് മീറ്റ്: 400 മീറ്റർ ഓട്ടത്തിൽ വെള്ളിമെഡൽ നേടി തിളങ്ങി കാസർകോട്ടെ മുഹമ്മദ് ഷാമിൽ

കാസർകോട്: (KasargodVartha) മാങ്ങാട്ടുപറമ്പിൽ നടന്ന കണ്ണൂർ സർവകലാശാലാ അത്‌ലറ്റിക് മീറ്റിൽ 400 മീറ്റർ ഓട്ടത്തിൽ വെള്ളി മെഡൽ നേടി കാസർകോട് ഗവ. കോളജിലെ അവസാന വർഷ വിദ്യാർഥി മുഹമ്മദ് ഷാമിൽ തിളക്കമാർന്ന പ്രകടനം കാഴ്ചവച്ചു. 400 മീറ്റർ റിലേയിലും ഷാമിലിൻ്റെ ടീമിനായിരുന്നു വെള്ളി മെഡൽ.

തളങ്കര തെരുവത്ത് സ്വദേശിയായ ഷാമിൽ മാധ്യമപ്രവർത്തകൻ ഷാഫി തെരുവത്ത് - ബങ്കരക്കുന്നിലെ സുബൈദ ദമ്പതികളുടെ മകനാണ്. ചെറുപ്പം മുതൽ കായിക ഇനങ്ങളിൽ താല്പര്യം കാണിച്ചിരുന്ന ഷാമിൽ, സ്‌കൂൾ കാലം മുതൽ തന്നെ വിവിധ മത്സരങ്ങളിൽ പങ്കെടുത്ത് മികച്ച നേട്ടങ്ങൾ കൈവരിച്ചിട്ടുണ്ട്.

കാസർകോട് ഗവ. കോളജിനും ബന്ധുക്കൾക്കും ഈ വിജയം അഭിമാനമായി മാറി. ഭാവിയിൽ ദേശീയ, അന്തർദേശീയ തലങ്ങളിലും തിളങ്ങുന്ന ഒരു പ്രതിഭയായി മാറുമെന്ന പ്രതീക്ഷയിലാണ് ഏവരും.

#MuhammadShamil #SilverMedal #KannurUniversity #400mRace #AthleticMeet #Kasargod