Victory | ശരീര സൗന്ദര്യ മത്സരത്തിൽ താരമായി ഇസ്ഹാഖ് അബ്ദുൽ ഖാദർ

കാസർകോട്: (KasargodVartha) കേരള സ്റ്റേറ്റ് ബോഡി ബിൽഡിങ് അസോസിയേഷൻ കാസർകോട് ഡിസ്ട്രിക്ട് ചാമ്പ്യൻ ഓഫ് ചാമ്പ്യൻസ് 2025 മത്സരത്തിൽ ഫിറ്റ്നസ് ക്ലബ് കുമ്പളയെ പ്രതിനിധീകരിച്ച് ഇസ്ഹാഖ് അബ്ദുൽ ഖാദർ ഒന്നാം സ്ഥാനം കരസ്ഥമാക്കി. എസ് കെ ജിം മേൽപറമ്പിന്റെ ആഭിമുഖ്യത്തിൽ നടന്ന ഈ മത്സരത്തിൽ മികച്ച പ്രകടനം കാഴ്ചവെച്ചാണ് ഇസ്ഹാഖ് കിരീടം നേടിയത്.

മൊഗ്രാൽ പുത്തൂർ സ്വദേശിയായ ഇസ്ഹാഖ്, തന്റെ കഠിനാധ്വാനം കൊണ്ടും പ്രതിഭകൊണ്ടും നാട്ടുകാരുടെയും കായിക പ്രേമികളുടെയും പ്രശംസ നേടിയിട്ടുണ്ട്. ചിട്ടയായ പരിശീലനം നടത്തിയതാണ് ഇസ്ഹാഖിന്റെ വിജയത്തിന് അടിസ്ഥാനം. എറണാകുളം സ്വദേശി ഷെഫിൻ ജോസഫ്, ഫിറ്റ്നസ് ക്ലബ്‌ ജിം ഉടമ ഫൈസൽ എന്നിവരാണ് പരിശീലകർ. ജുനൈദ് അബ്ദുൽ ഖാദറാണ് സ്പോൺസർ.

നേരത്തെയും ഇസ്ഹാഖ് തന്റെ കഴിവ് തെളിയിച്ചിട്ടുണ്ട്. ഇന്റർനാഷണൽ ഫെഡറേഷൻ ഓഫ് ബോഡി ബിൽഡിങ് ആൻഡ് ഫിറ്റ്നസ് ദുബൈയിൽ സംഘടിപ്പിച്ച മത്സരത്തിൽ ഇസ്ഹാഖ് വെള്ളി മെഡൽ നേടിയിരുന്നു. 

വിശ്രുത എം ധനേശന് മിസ് കാസർകോട് കിരീടം

കാസർകോട്: ബോഡി ബിൽഡിംഗ് ആൻഡ് ഫിറ്റ്നസ് അസോസിയേഷൻ ഓഫ് കാസർകോടും എസ് കെ യൂണിസെക്സ് ജിം മേൽപറമ്പും സംയുക്തമായി സംഘടിപ്പിച്ച വിൻ ടച്ച് മിസ്റ്റർ കാസർകോട് ചാമ്പ്യൻഷിപ്പിൽ വിശ്രുത എം ധനേശൻ മിസ് കാസർകോട് പട്ടം കരസ്ഥമാക്കി. 2025 ലെ ജില്ലാതല ശരീര സൗന്ദര്യ മത്സരത്തിൽ ശ്രദ്ധേയമായ പ്രകടനമാണ് വിശ്രുത കാഴ്ചവെച്ചത്.

എസ്കെ യൂണിസെക്സ് ജിമ്മിൽ പരിശീലനം ചെയ്യുന്ന വിശ്രുത, ഖാദർ കൈനോത്തിൻ്റെ കീഴിലാണ് തന്റെ പരിശീലനം പൂർത്തിയാക്കിയത്. കാസർകോട് ഗവ. കോളജിലെ രണ്ടാം വർഷ ചരിത്ര ബിരുദ വിദ്യാർത്ഥിനിയാണ് വിശ്രുത. കീഴൂർ മഠത്തിൽ ധനേശൻ - രമ്യ ദമ്പതികളുടെ മകളാണ്.
 

#bodybuilding #Kerala #Kasaragod #fitness #champion #IshaqAbdulKhader #sports #health #inspiration