ബാഴ്‌സയെ പരിക്ക് വേട്ടയാടുന്നു; മെസ്സിക്കും സുവാരസിനും പിന്നാലെ ഡെംബലയ്ക്കും പരിക്ക്; പൊന്നുംവില കൊടുത്തുവാങ്ങിയ മിന്നുംതാരം അഞ്ചാഴ്ച്ചയോളം പുറത്തിരിക്കും

By Desk EpsilonAug 21, 2019, 07:54 IST

ബാഴ്‌സലോണ: (www.kvartha.com 21.08.2019) സീസണില്‍ തോറ്റുതുടങ്ങിയ ബാഴ്‌സയെ പരിക്ക് വേട്ടയാടുന്നു. മെസ്സിക്കും സുവാരസിനും പരിക്കേറ്റതിന് പിന്നാലെ പൊന്നുംവില കൊടുത്ത് വാങ്ങിയ മിന്നുംതാരം ഡെംബലയ്ക്കും പരിക്കേറ്റു. ഹാംസ്ട്രിങ്ങിനേറ്റ പരിക്കിനെ തുടര്‍ന്ന് ഡോക്ടര്‍മാര്‍ താരത്തിന് അഞ്ചാഴ്ച്ചയോളം വിശ്രമത്തിന് നിര്‍ദ്ദേശം നല്‍കി.

ബാഴ്‌സയുടെ ആദ്യമത്സരത്തില്‍ ഡെംബലെ കളത്തിലുണ്ടായിരുന്നു. 100മില്ല്യണ്‍ യുറോയിലധികം മുടക്കിയാണ് ഡെംബെലെയെ കാറ്റലോണിയക്കാര്‍ ബൊറുസിയ ഡോര്‍ട്ട്മുണ്ടില്‍ നിന്നും റാഞ്ചിയത്.