അണ്ടര്‍ 17 ലോകകപ്പിലെ സൂപ്പര്‍ ഗോള്‍കീപ്പര്‍ ധീരജ് സിങ്ങ് കേരളാ ബ്ലാസ്റ്റേര്‍സില്‍

By Desk EpsilonJun 2, 2018, 20:02 IST

കൊച്ചി: (www.kasargodvartha.com 02.06.2018) അണ്ടര്‍ 17 ലോകകപ്പില്‍ ഇന്ത്യന്‍ ദേശീയ ടീമിന്റെ വലകാത്ത സൂപ്പര്‍ ഗോള്‍കീപ്പര്‍ ധീരജ് സിങ്ങ് കേരളാ ബ്ലാസ്റ്റേര്‍സുമായി കരാറൊപ്പിട്ടു. ബ്ലാസ്റ്റേര്‍സ് മാനേജ്‌മെന്റ് തന്നെയാണ് തങ്ങളുടെ ഔദ്യാദിക ട്വിറ്റര്‍ ഹാന്‍ഡിലിലൂടെ വാര്‍ത്ത പുറത്തുവിട്ടത്.

നിരവധി ഐ എസ് എല്‍-ഐ ലീഗ് ടീമുകളുടെ ഓഫറുകള്‍ തള്ളിക്കളഞ്ഞുകൊണ്ടാണ് ധീരജ് ബ്ലാസ്റ്റേര്‍സിനെ തിരഞ്ഞെടുത്തത്. അണ്ടര്‍ 17 ലോകകപ്പിലെ തകര്‍പ്പന്‍ പ്രകടനത്തിലൂടെയാണ് ധീരജ് ഫുട്‌ബോള്‍ ലോകത്ത് ശ്രദ്ധ പിടിച്ചുപറ്റാന്‍ തുടങ്ങിയത്.