Cricket Tournament | ക്രിക്കറ്റ് ബി ഡിവിഷൻ: ഒലീവ് ബംബ്രാണ ചാമ്പ്യന്മാർ

കാസർകോട്: (KasargodVartha) ജില്ലാ ക്രിക്കറ്റ് അസോസിയേഷന്റെ ആഭിമുഖ്യത്തിൽ നടന്ന ജില്ലാ ലീഗ് ക്രിക്കറ്റ് ബി ഡിവിഷൻ ടൂർണമെൻ്റിൽ ഒലീവ് ബംബ്രാണ ചാമ്പ്യന്മാരായി. കാഞ്ഞങ്ങാട് ക്രിക്കറ്റ് ക്ലബ്ബിനെ ഏഴ് വിക്കറ്റിന് പരാജയപ്പെടുത്തിയാണ് ഒലീവ് ബംബ്രാണ കിരീടം നേടിയത്.

ടോസ് നേടി ബാറ്റിംഗ് തെരഞ്ഞെടുത്ത കാഞങ്ങാട് ക്ലബ്ബ് 20 ഓവറിൽ എട്ട് വിക്കറ്റ് നഷ്ടത്തിൽ 143 റൺസ് നേടി. ഷഫീഖ് സി ബി (33), ഹൈദരലി (32), കിരൺ കെ (26) എന്നിവരാണ് കാഞങ്ങാടിനു വേണ്ടി ഏറ്റവും കൂടുതൽ റൺസ് നേടിയത്. ബംബ്രാണയ്ക്ക് വേണ്ടി ഇബ്രാഹിം കെ ടി, അബ്ദുൽ റൈസ് കെ കെ എന്നിവർ ഓരോരുത്തർ രണ്ട് വിക്കറ്റ് വീതം വീഴ്ത്തി.

മറുപടി ബാറ്റിംഗിനിറങ്ങിയ ഒലീവ് ബംബ്രാണ 18.2 ഓവറിൽ മൂന്ന് വിക്കറ്റ് നഷ്ടത്തിൽ ലക്ഷ്യം കണ്ടു. ശിഹാബ് (34), ശ്രാവൺ (30*) എന്നിവരാണ് ബംബ്രാണയുടെ വിജയത്തിൽ നിർണായക പങ്ക് വഹിച്ചത്.

അവാർഡുകൾ:

• ടൂർണമെന്റിലെ താരം: ഷഫീഖ് സി ബി (കാഞ്ഞങ്ങാട്)

• മികച്ച ബാറ്റ്സ്മാൻ: ഷഫീഖ് സി ബി (കാഞ്ഞങ്ങാട്)

• മികച്ച ബൗളർ: മുഹമ്മദ് ഷിഹാബ് (ഒലീവ് ബംബ്രാണ)

• ഫൈനലിലെ താരം: റൈസ് കെ കെ (ഒലീവ് ബംബ്രാണ)

വിജയികൾക്കുള്ള ട്രോഫി മുൻ എംഎൽഎ കെ എം ഷാജി നിർവഹിച്ചു. ജില്ലാ ക്രിക്കറ്റ് അസോസിയേഷൻ പ്രസിഡന്റ്‌ എൻ എ അബ്ദുൽ ഖാദർ അധ്യക്ഷം വഹിച്ച ചടങ്ങിൽ ജില്ലാ അസോസിയേഷൻ സെക്രട്ടറി തളങ്കര നൗഫൽ, ട്രഷറർ കെ ടി നിയാസ്, വൈസ് പ്രസിഡന്റ് സലാം ചെർക്കള, ടൂർണമെന്റ് കമ്മിറ്റി അംഗങ്ങളായ അലി പ്ലാസ, ഹമീദ് പടുവടുക്കം, ക്യൂറേറ്റർ അബ്ദുൽ ലത്തീഫ് പി എച്ച് തുടങ്ങിയവർ സംബന്ധിച്ചു.

#OliveBambrajan #CricketBDivision #KasaragodCricket #TournamentChampions #SportsVictory #CricketAwards