ഉള്ളാൾ ദർഗ ഉറൂസിന് വൻ ജനത്തിരക്ക്: സാംസ്കാരിക സമ്മേളനം ഡി കെ ശിവകുമാർ ഉദ്ഘാടനം ചെയ്തു; 18 ന് സമാപിക്കും; കാന്തപുരവും സിദ്ധരാമയ്യയും പങ്കെടുക്കും

ഉള്ളാൾ: (KasargodVartha) ദക്ഷിണേന്ത്യയിലെ പ്രമുഖ തീർത്ഥാടന കേന്ദ്രമായ സയ്യിദ് മുഹമ്മദ് ശരീഫുൽ മദനി ദർഗ ഉറൂസിന് അനുബന്ധിച്ചു നടന്ന സാംസ്കാരിക സമ്മേളനം കർണാടക ഉപമുഖ്യമന്ത്രി ഡി.കെ. ശിവകുമാർ ഉദ്ഘാടനം ചെയ്തു. സ്പീക്കർ യു.ടി. ഖാദർ അധ്യക്ഷത വഹിച്ചു. 

ഏപ്രിൽ 24-ന് ആരംഭിച്ച ഉറൂസ് പരിപാടിയിൽ വലിയ ജനത്തിരക്കാണ് അനുഭവപ്പെടുന്നത്. മെയ് 17-ന് സമാപിക്കുന്ന പരിപാടിയിൽ പ്രമുഖ പണ്ഡിതന്മാരും നേതാക്കളും രാഷ്ട്രീയ-സാമൂഹിക രംഗത്തുള്ളവരും സംബന്ധിക്കുന്നു. മെയ് 16-ന് നടക്കുന്ന ഉറൂസ് ഗ്രാൻഡ് സംഗമത്തിൽ കർണാടക മുഖ്യമന്ത്രി സിദ്ധരാമയ്യയും ഇന്ത്യൻ ഗ്രാൻഡ് മുഫ്തി കാന്തപുരം എ.പി. അബൂബക്കർ മുസ്‌ലിയാരും പങ്കെടുക്കും. 

മെയ് 18-ന് അന്നദാനത്തോടെ ഉറൂസ് സമാപിക്കും. എൻ. ഹനീഫ ഹാജി ഉള്ളാൾ ദർഗ പ്രസിഡന്റും ശിഹാബുദ്ദീൻ സഖാഫി നന്ദിയും പറഞ്ഞു. തുടർന്ന് നടന്ന മദനി സംഗമം കേന്ദ്ര കമ്മിറ്റി പ്രസിഡന്റ് സയ്യിദ് ഇസ്മായിൽ മുറ തങ്ങളുടെ അധ്യക്ഷതയിൽ കർണാടക ഹജ്ജ് കമ്മിറ്റി അംഗം സയ്യിദ് അഷ്റഫ് തങ്ങൾ ആദൂർ ഉദ്ഘാടനം ചെയ്തു. 

സയ്യിദ് ഇസ്മായിൽ ഉജ്‌റെ തങ്ങൾ, സയ്യിദ് ഹബീബ് കോയ തങ്ങൾ പള്ളങ്കോട്, അബ്ദുൽ ഖാദർ മദനി, ബഷീർ മദനി നീലഗിരി, സി.കെ.കെ. മദനി ഗൂഡല്ലൂർ തുടങ്ങിയവർ പ്രസംഗിച്ചു. അബ്ദുറഹ്‌മാൻ മദനി ജപ്പു സ്വാഗതം പറഞ്ഞു.

ഉള്ളാൾ ദർഗ ഉറൂസിനെക്കുറിച്ചുള്ള നിങ്ങളുടെ അഭിപ്രായങ്ങൾ പങ്കുവെക്കുക.

Summary: The cultural conference associated with the Ullal Dargah Uroos, a major pilgrimage center in South India, was inaugurated by Karnataka Deputy Chief Minister D.K. Shivakumar. The Uroos, which began on April 24, is witnessing a large gathering and will conclude on May 18.

#UllalDargah, #Uroos, #DKShivakumar, #Karnataka, #Siddaramaiah, #Kanthapuram