നീതിക്കായി പോരാടാൻ തീയ്യ മഹാസഭയുടെ ആഹ്വാനം; കാസർകോട് ജില്ലാ സമ്മേളനം ശ്രദ്ധേയമായി

കാസർകോട്: (KasargodVartha) സമുദായത്തിന്റെ അവകാശങ്ങൾ നേടിയെടുക്കാൻ ഒറ്റക്കെട്ടായി പോരാടണമെന്ന് ആഹ്വാനം ചെയ്തുകൊണ്ട് തീയ്യ മഹാസഭ കാസർകോട് ജില്ലാ സമ്മേളനം 'ആരൂഢം 2025' വിദ്യാനഗർ ഉദയഗിരിയിലെ ശ്രീഹരി ഓഡിറ്റോറിയത്തിൽ നടന്നു. 

പത്മശ്രീ ബാലൻ പൂതേരി സമ്മേളനം ഉദ്ഘാടനം ചെയ്തു. ജില്ലയുടെ വിവിധ ഭാഗങ്ങളിൽ നിന്നായി ആയിരത്തോളം പ്രതിനിധികൾ പങ്കെടുത്ത സമ്മേളനം ശ്രദ്ധേയമായി. തളങ്കര ശ്രീ ചീരുമ്പാ ഭഗവതി ക്ഷേത്രം സ്ഥാനികൻ നാഗേഷ് കാരണവർ, പുലിക്കുന്ന് ഐവർ ഭഗവതി ക്ഷേത്രം സ്ഥാനികൻ മഞ്ജു കാരണവർ എന്നിവർ ദീപ പ്രജ്വലനം നടത്തിയാണ് സമ്മേളനത്തിന് തുടക്കം കുറിച്ചത്. 

ജില്ലാ പ്രസിഡന്റ് പി.സി. വിശ്വംഭരൻ പണിക്കർ അധ്യക്ഷത വഹിച്ചു. സംഘാടക സമിതി ചെയർമാൻ എൻ. സതീശൻ ആമുഖപ്രഭാഷണം നടത്തി. സംസ്ഥാന പ്രസിഡന്റ് ഗണേഷ് അരമങ്ങാനം മുഖ്യപ്രഭാഷണം അവതരിപ്പിച്ചു. ഉത്തര മലബാർ തിയ്യ സമുദായ ക്ഷേത്ര സംരക്ഷണ സമിതി ചെയർമാൻ സി. രാജൻ പെരിയ മുഖ്യാതിഥിയായിരുന്നു.

ചടങ്ങിൽ, 62 വർഷമായി അടുക്ക ശ്രീ ഭഗവതി ക്ഷേത്രത്തിലെ ആചാരസ്ഥാനികനായ കൃഷ്ണൻ കാരണവർ, രാമൻ ഗുരുസ്വാമി ഉദയഗിരി, ഡോ. ബിജിനാ ഭാസ്കരൻ, കാഞ്ഞങ്ങാട് ജില്ലാ ആശുപത്രിയിലെ ഡോ. ശോഭ പാറക്കട്ട, ഡോ. അക്ഷയ് പ്രഭാകരൻ പന്നിപ്പാറ, മുഖ്യമന്ത്രിയുടെ പോലീസ് മെഡൽ നേടിയ സീനിയർ സിവിൽ പോലീസ് ഓഫീസർ കെ. ബിന്ദു, നീലേശ്വരം നഗരസഭാ കൗൺസിലർ ടി.വി. ഷീബ എന്നിവരെ ആദരിച്ചു.

ജില്ലാ ജനറൽ സെക്രട്ടറി കെ.വി. പ്രസാദ് വാർഷിക റിപ്പോർട്ടും, ജില്ലാ സെക്രട്ടറി പി.ടി. ഹരിഹരൻ പ്രമേയവും, കാസർകോട് മേഖല സെക്രട്ടറി അഗ്നേഷ് കളരി അനുശോചന പ്രമേയവും അവതരിപ്പിച്ചു. 

മധുർ പഞ്ചായത്ത് പ്രസിഡന്റ് കെ. ഗോപാലകൃഷ്ണൻ, പുത്തിഗെ പഞ്ചായത്ത് വൈസ് പ്രസിഡന്റ് ജയന്തി പൊന്നങ്ങള, വാർഡ് മെമ്പർ സ്മിത സുധാകരൻ, ഉദയഗിരി ക്ഷേത്രം പ്രസിഡന്റ് പ്രഭാകർ പഞ്ചമി, ഡോ. എൻ. ശ്രീധര, സംസ്ഥാന ജനറൽ സെക്രട്ടറി പി.കെ. ലക്ഷ്മണൻ കണ്ണൂർ, സംസ്ഥാന ട്രഷറർ സി.കെ. സദാനന്ദൻ, പ്രേമാനന്ദൻ നടുത്തൊടി, സുനിൽകുമാർ ചാത്തമത്ത്, മലപ്പുറം ജില്ലാ പ്രസിഡന്റ് അയ്യപ്പൻ പട്ടാളത്തിൽ, കാസർകോട് ജില്ലാ, സംസ്ഥാന ഭാരവാഹികളായ എ. സുകുമാരൻ മയ്യിച്ച, സജീവൻ മാഹി, കെ.വി. കൃഷ്ണ ഭായി, സുധാമ ചെറുവത്തൂർ, ദാമോദരൻ കൊമ്പത്ത്, ബാലകൃഷ്ണൻ മാസ്റ്റർ, കെ.വി. രാജൻ തൃക്കരിപ്പൂർ, രാഘവൻ പൈവളികെ, വിശ്വൻ എളേരി, രാഘവൻ പുത്തിഗെ, രഘു ബാനം തുടങ്ങിയവർ പ്രസംഗിച്ചു. സംസ്ഥാന കോ-ഓർഡിനേറ്റർ ഗണേഷ് മാവിനകട്ട സ്വാഗതവും ജില്ലാ ട്രഷറർ ടി.വി. രാഘവൻ നന്ദിയും രേഖപ്പെടുത്തി.

സമുദായ അവകാശങ്ങൾക്കായുള്ള ഈ പോരാട്ടത്തെക്കുറിച്ച് നിങ്ങൾക്ക് എന്ത് പറയാനുണ്ട്? കമൻ്റ് ചെയ്യുക!

Article Summary: Thiyya Mahasabha Kasaragod conference urges unity for community rights.

#ThiyyaMahasabha #Kasaragod #CommunityRights #KeralaNews #Aaroodam2025 #SocialJustice