തോണിയിലേറി പുഴ കടന്ന് തെയ്യക്കോലങ്ങൾ അരയിദേശത്ത് എത്തി; തെയ്യാട്ടകാലത്തിന് തുടക്കമായി

കാഞ്ഞങ്ങാട്: (KasargodVartha) പുഴ കടന്ന് തെയ്യക്കോലങ്ങളെത്തിയതോടെ അരയി ദേശത്ത് തെയ്യാട്ടങ്ങൾക്ക് തുടക്കമായി. കാർഷിക പരിപാലനത്തിനായി നിയോഗിക്കപ്പെട്ട തെയ്യങ്ങൾ വിളകളുമായി കാലിച്ചാൻ ദൈവത്തെ കാണാനെത്തുന്നതാണ് ഈ തെയ്യാട്ടങ്ങളുടെ സങ്കൽപ്പം. അരയി ദേശത്തിലെ നെൽകൃഷിക്കും കന്നുകാലികൾക്കും തെയ്യങ്ങൾ ഐശ്വര്യവും രക്ഷയുമേകുമെന്നാണ് ഗ്രാമവിശ്വാസം.

തോണിയിലേറി വരവ്

തോണിയിലേറി പുഴ കടന്നെത്തുന്ന തെയ്യങ്ങൾക്കൊപ്പം വാദ്യക്കാരും പരിചാരകരും ഉണ്ടായിരുന്നു. പുഴ കടന്ന് എത്തുമ്പോൾ തെയ്യങ്ങൾക്കായി മറുകരയിൽ ആളുകൾ കാത്തുനിന്നു. കർഷക ദേവതയായി അറിയപ്പെടുന്ന കാർത്തിക ചാമുണ്ഡി, തേയത്തുകാരി, ഗുളികൻ എന്നിവയാണ് അരയി ദേശത്തെത്തിയ തെയ്യക്കോലങ്ങൾ. .

കൃഷിക്ക് അനുമതി തേടി മടക്കം

ഇക്കര കാവിൽ എത്തും മുൻപ്, ഭക്തർക്ക് അനുഗ്രഹം ചൊരിഞ്ഞ്, ഇത്തവണ ലഭിച്ച നെൽവിഹിതം തെയ്യങ്ങൾ പത്തായത്തിലേക്ക് നൽകി. തുടർന്ന് തെയ്യങ്ങൾ കാലിച്ചാനെ കണ്ട് പുതുവർഷത്തെ കൃഷിക്കായി അനുമതി തേടി. കൂടിക്കാഴ്ച പൂർത്തിയാക്കി കൃഷിക്ക് അനുമതി വാങ്ങിയ തെയ്യക്കോലങ്ങൾ, ഭക്തർക്ക് സർവ്വ ഐശ്വര്യവും ചൊരിഞ്ഞ് അരയിദേശത്ത് നിന്ന് വാദ്യകാരുടെയും പരിചാരകരുടെയും അകമ്പടിയോടെ തിരികെ മടങ്ങി.
 

പുഴ കടന്നുള്ള തെയ്യങ്ങളുടെ ഈ വിശേഷം കൂട്ടുകാരുമായി പങ്കിടുക. നിങ്ങളുടെ നാട്ടിലെ തെയ്യാട്ട വിശേഷങ്ങൾ കമൻ്റ് ചെയ്യുക.

Article Summary: Theyyam festival starts in Arayi Desam; deities cross the river by boat to meet Kalichan Daivam.

#Theyyam #ArayiDesam #Kasargod #KeralaCulture #Teyyattam #FolkRitual