'ഖൽബിലുണ്ട് എൻ്റെ നബി'; എസ് വൈ എസ് മുള്ളേരിയ സോൺ സംഘടിപ്പിക്കുന്ന 'സ്നേഹലോകം' സെപ്റ്റംബർ 19-ന് പൊവ്വലിൽ
● രാവിലെ 10 മണി മുതൽ വൈകിട്ട് അഞ്ച് മണി വരെ നടക്കുന്ന പരിപാടിയിൽ മേഖലയിലെ 300 പേർ സ്ഥിരാംഗങ്ങളായി പങ്കെടുക്കും
● സെപ്റ്റംബർ 18 വൈകുന്നേരം ബാവിക്കരയിൽ നിന്ന് പതാക ജാഥയായി പതാക എത്തിച്ച് ഉയർത്തും
● സയ്യിദ് കെ എസ് ആറ്റക്കോയ തങ്ങൾ കുമ്പോൽ പരിപാടി ഉദ്ഘാടനം ചെയ്യും
● മതം, ആത്മീയം, സമൂഹം തുടങ്ങിയ വിഷയങ്ങളെ അധികരിച്ച് വിവിധ സെഷനുകൾ നടക്കും
● സമാപന സംഗമം എസ് വൈ എസ് ജില്ലാ പ്രസിഡന്റ് സയ്യിദ് സൈനുൽ ആബിദീൻ മുത്തുക്കോയ തങ്ങൾ കണ്ണവം ഉദ്ഘാടനം ചെയ്യും
മുള്ളേരിയ: (KasargodVartha) സമസ്ത സെൻ്റിനറിയുടെ ഭാഗമായി 'ഖൽബിലുണ്ട് എൻ്റെ നബി' എന്ന പ്രമേയത്തിൽ എസ് വൈ എസ് മുള്ളേരിയ സോൺ സംഘടിപ്പിക്കുന്ന സ്നേഹലോകം ശനിയാഴ്ച (സെപ്റ്റംബർ 19) രാവിലെ 10 മണി മുതൽ വൈകിട്ട് അഞ്ച് മണി വരെ പൊവ്വലിൽ നടക്കും. മേഖലയിലെ 300 പേർ സ്ഥിരാംഗങ്ങളായി പരിപാടിയിൽ പങ്കെടുക്കും. മതം, ആത്മീയം, സമൂഹം തുടങ്ങിയ വിഷയങ്ങളെ അധികരിച്ച് പഠനങ്ങളും ചർച്ചകളും നടക്കും.
പതാക ജാഥയും ഉദ്ഘാടനവും
സ്നേഹലോക നഗരിയിൽ ഉയർത്താനുള്ള പതാക വെള്ളിയാഴ്ച (സെപ്റ്റംബർ 18) വൈകുന്നേരം അഞ്ച് മണിക്ക് ബാവിക്കരയിൽ നിന്ന് പതാക ജാഥയായി പ്രവർത്തകർ എത്തിക്കും. സംഘാടക സമിതി ചെയർമാൻ അബ്ദുറഹ്മാൻ കാവുപ്പടി പതാക ഉയർത്തും. ബാവിക്കര മഖാം സിയാറത്തിന് സയ്യിദ് ജലാലുദ്ദീൻ അൽഹാദി തങ്ങൾ നേതൃത്വം നൽകും.
ശനിയാഴ്ച രാവിലെ 10 മണിക്ക് സ്നേഹലോകം ആരംഭിക്കും. സയ്യിദ് അബ്ദുൽ ഖാദർ ആറ്റക്കോയ തങ്ങൾ ആലൂർ പ്രാരംഭ പ്രാർഥന നടത്തും. എസ് വൈ എസ് മുള്ളേരിയ സോൺ പ്രസിഡൻ്റ് സുലൈമാൻ സഅദി അധ്യക്ഷത വഹിക്കുന്ന ചടങ്ങ് സമസ്ത കേന്ദ്ര മുശാവറ വൈസ് പ്രസിഡൻ്റ് സയ്യിദ് കെഎസ് ആറ്റക്കോയ തങ്ങൾ കുമ്പോൽ ഉദ്ഘാടനം ചെയ്യും. കേരള മുസ്ലിം ജമാഅത്ത് ജില്ലാ പ്രസിഡൻ്റ് പള്ളങ്കോട് അബ്ദുൽ ഖാദർ മദനി ആമുഖ ഭാഷണം നടത്തും.
വിവിധ സെഷനുകൾ, സമാപനം
പരിപാടിയുടെ വിവിധ സെഷനുകൾക്ക് സയ്യിദ് ജലാലുദ്ദീൻ അൽ ബുഖാരി മള്ഹർ, ശാഫി സഖാഫി മുണ്ടമ്പ്ര, സികെ റാഷിദ് ബുഖാരി, കെ അബ്ദുറഷീദ് നരിക്കോട്, മുഹമ്മദ് റഫീഖ് സഅദി ദേലംപാടി, സിഎൻ ജാഫർ സാദിഖ്, ഡോ. സലാഹുദ്ദീൻ അയ്യൂബി എന്നിവർ നേതൃത്വം നൽകും. സമാപന സംഗമം എസ് വൈ എസ് ജില്ലാ പ്രസിഡൻ്റ് സയ്യിദ് സൈനുൽ ആബിദീൻ മുത്തുക്കോയ തങ്ങൾ കണ്ണവം ഉദ്ഘാടനം ചെയ്യും. സവാദ് ആലൂർ സ്വാഗതം പറയുന്ന ചടങ്ങിൽ സയ്യിദ് ഹസൻ അബ്ദുല്ല ഇമ്പിച്ചി തങ്ങൾ സമാപന കൂട്ടുപ്രാർഥന നടത്തും.
പ്രമുഖരുടെ സാന്നിധ്യം
എംഎൽഎമാരായ കല്ലട്ര മാഹിൻ ഹാജി, കെ നീലകണ്ഠൻ, ജില്ലാ പഞ്ചായത്ത് പ്രസിഡൻ്റ് സാബു എബ്രഹാം, ബ്ലോക്ക് പഞ്ചായത്ത് പ്രസിഡൻ്റ് സി ബാലൻ, മുളിയാർ പഞ്ചായത്ത് പ്രസിഡൻ്റ് കെബി മുഹമ്മദ് കുഞ്ഞി, സിദ്ദീഖ് സഖാഫി ബായാർ, ഹാരിസ് ഹിമമി സഖാഫി പരപ്പ, അബ്ദുറഹ്മാൻ സഖാഫി പള്ളങ്കോട്, ഹാഫിള് സജ്ജാദ് സഖാഫി ആദൂർ, ജമാലുദ്ദീൻ സഖാഫി ആദൂർ, മുഹമ്മദലി പിഎ, ജാഫർ സഅദി പള്ളത്തൂർ എന്നിവർ പരിപാടിയിൽ സംബന്ധിക്കും.
പരിപാടിയുടെ വിശദാംശങ്ങൾ അറിയിക്കാൻ വിളിച്ചുചേർത്ത വാർത്താ സമ്മേളനത്തിൽ സോൺ ജനറൽ സെക്രട്ടറി സവാദ് ആലൂർ, സെക്രട്ടറി അബ്ദുൽ റഹ്മാൻ സഖാഫി പൂത്തപ്പലം, സംഘാടക സമിതി ഭാരവാഹികളായ ആസിഫ് ബെള്ളിപ്പാടി, ഇസ്മാഈൽ ആലൂർ, നിസാർ ബെള്ളിപ്പാടി എന്നിവർ സംബന്ധിച്ചു.
ഈ വാർത്ത നിങ്ങളുടെ സുഹൃത്തുക്കൾക്കും വാട്സാപ്പ് ഗ്രൂപ്പുകളിലും ഷെയർ ചെയ്യുക. പുതിയ വാർത്തകളും വിശേഷങ്ങളും അറിയാൻ ഞങ്ങളുടെ വാട്സാപ്പ് ചാനലും ഫേസ്ബുക്ക് പേജും ഫോളോ ചെയ്യുക. നിങ്ങളുടെ അഭിപ്രായങ്ങൾ ഫേസ്ബുക് പോസ്റ്റിന് താഴെ കമൻ്റായി രേഖപ്പെടുത്താം.
Article Summary: SYS Mulleria Zone will host 'Snehalokam' on September 19 in Powval as part of Samastha Centenary.
#KasargodVartha #SYSMulleriaZone #SamasthaCentenary #Snehalokam #Powval #KasaragodNews #MalayalamNews #IslamicEvent #AparnaNews
