സപര്യ രാമായണ കവിതാ പുരസ്കാരം ചന്ദ്രൻ മുട്ടത്തിനും ഡോ ഗീത കാവാലത്തിനും
● സംസ്ഥാനത്തിന്റെ വിവിധ ഭാഗങ്ങളിൽനിന്നുള്ള 353 കവിതകൾ പങ്കെടുത്തു.
● ആഗസ്റ്റ് 11-ന് കണ്ണൂരിൽ പുരസ്കാരങ്ങൾ വിതരണം ചെയ്യും.
● പത്മശ്രീ ഇ.പി. നാരായണപ്പെരുവണ്ണാനാണ് പുരസ്കാരങ്ങൾ സമ്മാനിക്കുക.
● പ്രത്യേക ജൂറി പുരസ്കാരങ്ങൾക്ക് 6 പേർ അർഹരായി.
കാഞ്ഞങ്ങാട്: (KasargodVartha) സപര്യ സാംസ്കാരിക സമിതി രാമായണ മാസത്തോടനുബന്ധിച്ച് 'വാല്മീകി' എന്ന വിഷയത്തെ ആസ്പദമാക്കി സംസ്ഥാനതലത്തിൽ നടത്തിയ കവിതാമത്സരത്തിൽ ചന്ദ്രൻ മുട്ടത്തിന്റെ 'വാല്മീകകാലം', ഡോ. ഗീത കാവാലത്തിന്റെ 'ശരാക്ഷരങ്ങൾ' എന്നീ കവിതകൾ പുരസ്കാരം പങ്കിട്ടു.
സംസ്ഥാനത്തിന്റെ വിവിധ ഭാഗങ്ങളിൽനിന്നുള്ള 353 കവിതകളിൽനിന്നാണ് വിജയികളെ തിരഞ്ഞെടുത്തത്. രമാ പിഷാരടി (ബാംഗ്ലൂർ), പി. ശിവപ്രസാദ് (കൊല്ലം), പ്രകാശൻ കരിവെള്ളൂർ (കണ്ണൂർ), ജയകൃഷ്ണൻ മാടമന (കാസർകോട്), ഉണ്ണികൃഷ്ണൻ അരിക്കത്ത് (തൃശൂർ), സുനിൽകുമാർ പൊള്ളോലിടം (കണ്ണൂർ) എന്നിവർ പ്രത്യേക ജൂറി പുരസ്കാരങ്ങൾക്ക് അർഹരായി.
നാലപ്പാടം പത്മനാഭൻ, ഡോ. ആർ.സി. കരിപ്പത്ത്, ഡോ. ശ്രീശൈലം ഉണ്ണികൃഷ്ണൻ എന്നിവരടങ്ങിയ ജൂറിയാണ് അവാർഡ് ജേതാക്കളെ തിരഞ്ഞെടുത്തത്. കാനായി കുഞ്ഞിരാമൻ രൂപകൽപ്പന ചെയ്ത ശിൽപം, ക്യാഷ് അവാർഡ്, പ്രശസ്തിപത്രം, കവിതാ രേഖ, പരിസ്ഥിതി ബാഗ് എന്നിവയടങ്ങുന്നതാണ് പുരസ്കാരം.
ഓഗസ്റ്റ് 11-ന് കണ്ണൂർ കമ്പിൽ അക്ഷര കോളേജിൽ വെച്ച് പത്മശ്രീ ഇ.പി. നാരായണപ്പെരുവണ്ണാൻ പുരസ്കാരങ്ങൾ സമ്മാനിക്കുമെന്ന് സപര്യ ഭാരവാഹികളായ സുകുമാരൻ പെരിയച്ചൂർ, ആനന്ദകൃഷ്ണൻ എടച്ചേരി, അനിൽകുമാർ പട്ടേന എന്നിവർ അറിയിച്ചു.
ഈ പുരസ്കാരത്തെക്കുറിച്ചുള്ള നിങ്ങളുടെ അഭിപ്രായങ്ങൾ പങ്കുവെക്കുക.
Article Summary: Saparya cultural committee's Ramayana poetry award is shared by Chandran Muttom and Dr. Geetha Kaval.
#SaparyaAward #RamayanaPoetry #ChandranMuttom #GeethaKaval #Kanhangad #KeralaCulture
