ബീ­ഡി കോണ്‍­ട്രാ­ക്ടര്‍ പു­ഴ­യില്‍ മ­രി­ച്ച നിലയില്‍

കാസര്‍­കോട്: ബീ­ഡി കോണ്‍­ട്രാ­ക്ടര്‍ പര­വനടു­ക്കം മ­ണി­യ­ങ്കാന­ത്തെ എം. ഗോപാ­ല കൃ­ഷ്­ണനെ (50) പു­ഴ­യില്‍ മ­രി­ച്ച നിലയില്‍ കണ്ടെത്തി. ചൊ­വ്വാഴ്­ച രാ­വി­ലെ വീട്ടില്‍ നി­ന്നും ഇ­റങ്ങി­യ ഇ­യാള്‍ വൈ­കി­ട്ട് ചെ­മ്മ­നാ­ട് ക­ട­വി­നടു­ത്ത ഒ­രു വീട്ടി­ല്‍ നി­ന്ന് വെ­ള്ളം വാ­ങ്ങി­ക്കു­ടി­ച്ച ശേ­ഷം പു­ഴ­ക്ക­ര­യില്‍ വ­സ്­ത്ര­ങ്ങള്‍ അ­ഴി­ച്ചുവെ­ച്ച് വെ­ള്ള­ത്തി­ലി­റ­ങ്ങു­ക­യാ­യി­രുന്നു. പി­ന്നീട് ഗോ­പാ­ല­കൃ­ഷ്ണ­നെ പു­ഴ­യി­ലൂ­ടെ ഒ­ഴു­കുന്ന­ത് ക­ണ്ട തോ­ണി­ക്കാര്‍ ര­ക്ഷി­ക്കാന്‍ ശ്ര­മി­ച്ചു­വെ­ങ്കിലും ഫ­ലം ഉ­ണ്ടാ­യില്ല. ഫ­യര്‍­ഫോ­ഴ്‌സ് രാത്രി ഏ­റെ വൈ­കുംവ­രെ തി­ര­ച്ചില്‍ ന­ടത്തി.

ബു­ധനാഴ്­ച രാ­വി­ലെ ഗോപാ­ല­കൃ­ഷ്ണ­നെ കാ­ണാ­താ­യ­തു സം­ന്ധി­ച്ച് ബ­ന്ധു­ക്കള്‍ കാസര്‍­കോ­ട് പോ­ലീ­സില്‍ പ­രാ­തി നല്‍കി. തു­ടര്‍­ന്ന് ക­ട­വി­ലെത്തി­യ ബ­ന്ധു­ക്കള്‍ അ­വി­ടെ അ­ഴി­ച്ചു വെ­ച്ച വ­സ്­ത്ര­ങ്ങള്‍ ഗോപാ­ല­കൃ­ഷ്­ണ­ന്റേ­താ­ണെ­ന്ന് തി­രി­ച്ച­റി­ഞ്ഞു.

11 മണി­യോ­ടെ പാക്ക­ണ്ടം ത­റ­വാ­ടി­നടു­ത്ത് വെ­ച്ച് പു­ഴ­യില്‍ ഇ­ദ്ദേ­ഹ­ത്തി­ന്റെ മൃ­ത­ദേ­ഹം ക­ണ്ടെ­ത്തു­ക­യാ­യി­രുന്നു. ശബരി­മ­ല ദര്‍­ശനത്തിനാ­യി വ്ര­തം അ­നു­ഷ്ഠി­ച്ച് വ­രി­ക­യാ­യി­രു­ന്നു ഗോ­പാ­ല­കൃ­ഷ്­ണന്‍. പര­വനടു­ക്കം വി­ദ്യാനി­കേ­തന്‍ സ്­കൂ­ളി­ലെ അ­ധ്യാപി­ക ല­ളി­ത­യാ­ണ് ഭാര്യ. മക്കള്‍: വി­ന്ധ്യ, സന്ധ്യ, ഗോ­കുല്‍.