'ശബരിമല അയ്യപ്പന് പബ്ലിസിറ്റിയുടെ ആവശ്യമില്ല'; പുതിയ അയ്യപ്പ സംഗമങ്ങൾ സംഘടിപ്പിക്കില്ലെന്ന് തിരുവിതാംകൂർ ദേവസ്വം ബോർഡ് പ്രസിഡൻ്റ് കെ ജയകുമാർ

തിരുവനന്തപുരം: (KasargodVartha) ശബരിമല അയ്യപ്പന് പബ്ലിസിറ്റിയുടെ ആവശ്യമില്ലെന്നും ഇനി പുതിയ അയ്യപ്പ സംഗമങ്ങൾ ഉണ്ടാകില്ലെന്നും തിരുവിതാംകൂർ ദേവസ്വം ബോർഡ് പ്രസിഡൻ്റ് കെ ജയകുമാർ. ലോകത്തുതന്നെ ഏറ്റവും അറിയപ്പെടുന്ന ദൈവം അയ്യപ്പനാണെന്നും അദ്ദേഹം കൂട്ടിച്ചേർത്തു. ശബരിമല മണ്ഡല മകരവിളക്ക് തീർഥാടനത്തിനുള്ള മുന്നൊരുക്കങ്ങൾ ചർച്ച ചെയ്യാനായി ചേർന്ന സ്പെഷ്യൽ ബോർഡ് യോഗത്തിന് ശേഷം മാധ്യമങ്ങളോട് സംസാരിക്കുകയായിരുന്നു അദ്ദേഹം.

ഊരാളുങ്കലിൻ്റെ കുടിശ്ശിക

ആഗോള അയ്യപ്പ സംഗമവുമായി ബന്ധപ്പെട്ട് ആറ് കോടി രൂപ നൽകാനുണ്ടെന്ന ഊരാളുങ്കൽ സൊസൈറ്റിയുടെ വാദം ദേവസ്വം ഓഡിറ്റർ അംഗീകരിക്കുന്നില്ലെന്നും കെ ജയകുമാർ വ്യക്തമാക്കി. ബോർഡിനു കിട്ടിയ പണം ഊരാളുങ്കലിനു കൊടുത്തുകഴിഞ്ഞിട്ടുണ്ട്. ഇനിയും കൊടുക്കാനുണ്ട്, അത് അവിടെ കിടക്കട്ടെ, എല്ലാ പ്രശ്നങ്ങളും തീരില്ലല്ലോ എന്നും മാധ്യമപ്രവർത്തകരുടെ ചോദ്യങ്ങൾക്ക് മറുപടിയായി അദ്ദേഹം പറഞ്ഞു. മണ്ഡലകാലത്തിന് മുൻപുള്ള ഒരുക്കങ്ങൾ വിലയിരുത്താനാണ് പ്രധാനമായും ദേവസ്വം ബോർഡ് പ്രത്യേക യോഗം ചേർന്നത്.

ക്ഷേത്രങ്ങളുമായി ബന്ധപ്പെട്ട കൂടുതല്‍ വാർത്തകള്‍ അറിയാന്‍ ഞങ്ങളുടെ ഫേസ്ബുക്ക് പേജും വാട്സ് ആപ്പ് ചാനലും ഫോളോ ചെയ്യുക. നിങ്ങളുടെ അഭിപ്രായങ്ങൾ ഫേസ്ബുക്ക് പോസ്റ്റിന് താഴെ കമൻ്റായി രേഖപ്പെടുത്തുക. 

Article Summary: Travancore Devaswom Board President K Jayakumar stated that Lord Ayyappa does not need any publicity and announced that no more Ayyappa Sangamams will be organized. Speaking after a special board meeting regarding the Sabarimala Mandala Makaravilakku preparations on Friday, July 10, 2026, he also dismissed Uralungal Society's claim of Rs 6 crore dues, noting that the board has paid what it received and the remaining issues will persist.

#Sabarimala #KJayakumar #TravancoreDevaswomBoard #AyyappaSangamam #KeralaNews #TDB #SabarimalaPilgrimage #RenuNews