നാടും നഗരവും വിഷുവിനെ വരവേൽക്കാനൊരുങ്ങി; വിപണിക്ക് ആശ്വാസം, പടക്കങ്ങൾക്ക് വിലക്കുറവ്

കാഞ്ഞങ്ങാട്: (www.kasargodvartha.com 13.04.2021) സമ്പൽ സമൃദ്ധിയുടെയും ഐ​ശ്വ​ര്യ​ത്തിന്‍റെയും സ്നേഹത്തിൻ്റെയും പൊ​ൻ​ക​ണി​യൊരുക്കി വി​ഷു​വിനെ വ​ര​വേ​ൽ​ക്കാ​നൊരുങ്ങി നാ​ടും നഗരവും. കോവിഡിന് ശേഷം ഇത് രണ്ടാമത്തെ വിഷുവാണ് വന്നണയുന്നത്. എന്നാൽ ഇത്തവണ കോവിഡ് നിയമം പാലിച്ച് ചെറിയ രീതിയിലെങ്കിലും വി​ഷു ആഘോഷിക്കാനുള്ള തയ്യാറെടുപ്പിലാണ് ലോകമെങ്ങുമുള്ള മലാളികൾ.                                                                                

വിഷുക്കണി​ക്കും സ​ദ്യ​ക്കും വി​ഷു​ക്കോ​ടി​ക്കും വേ​ണ്ടതെ​ല്ലാം വാ​ങ്ങാ​ൻ ആ​ളു​ക​ൾ വി​പ​ണി​യി​ലേ​ക്ക്​ ഒഴുകിയെത്തിയത് നിശ്ചലമായ വി​പ​ണിക്ക് ഉണർവേകി. പ​ച്ച​ക്ക​റി വി​ൽ​പ​ന കേ​ന്ദ്ര​ങ്ങ​ൾ, വ​സ്ത്ര​വ്യാ​പാ​ര ശാല​ക​ൾ, പ​ട​ക്ക​കടകൾ, പൂ​വി​പ​ണി​ എന്നിവയെയെല്ലാം സക്രിയമാക്കി. പ​ല വ്യാ​പാ​ര​സ്ഥാ​പ​ന​ങ്ങ​ളും വി​ഷു​വി​നോ​ട​നു​ബ​ന്ധി​ച്ച് പ്ര​ത്യേ​ക ഓ​ഫ​റു​ക​ളും സ​മ്മാ​ന​ങ്ങ​ളും പ്ര​ഖ്യാ​പി​ച്ച് ജനങ്ങളെ ആകർഷിക്കുന്നു.

വി​ഷു​വി​ന് കൈ​നീ​ട്ടം ന​ൽ​കാ​ൻ നാ​ണ​യ​ങ്ങളും പുത്തൻ നോട്ടുകളും പലരും മു​ൻ​കൂ​ട്ടി ബാ​ങ്കു​ക​ളി​ൽ​നി​ന്ന് ശേ​ഖ​രി​ച്ചു​. പ്ര​ത്യേ​ക​ വി​ഷു ​ച​ന്ത​ക​ളും പ്ര​വ​ർ​ത്ത​നം തു​ട​ങ്ങിയിരുന്നു. കോ​വി​ഡ് രണ്ടാം തരംഗം കാരണം അതിജാ​ഗ്ര​ത​യോ​ടെ  ത​ന്നെ​യാ​ണ് വി​ഷു ആ​ഘോ​ഷി​ക്കാ​ൻ​ ഒ​രു​ക്കം പൂർത്തിയാക്കുന്നത്. പ​ഴം-​പ​ച്ച​ക്ക​റി വി​പ​ണി​യി​ൽ വി​ഷുവിനൊപ്പം  റ​മ​ദാ​ൻ കൂടിയെത്തിയതോടെ ഉ​ണ​ർ​വ്​ ദൃശ്യമായിട്ടുണ്ട്. വി​ഷു​ പു​ല​രി​യി​ലെ കണി വി​ഭ​വ​ങ്ങ​ൾ വി​പ​ണി​യി​ൽ നിറഞ്ഞു.

പ​ച്ച​ക്ക​റി​വി​ൽ​പ​ന കേ​ന്ദ്ര​ങ്ങ​ളി​ലെ​ല്ലാം നാ​ട​ൻ ക​ണി​വെ​ള്ള​രി​ക​ൾ ഇടം പിടിച്ചിട്ടുണ്ട്. ക​ണി മ​നോ​ഹ​ര​മാ​ക്കാ​ൻ പ​ഴ​ങ്ങളുടെ​ വിപണിയും സജീവമായി. വിഷുവും റമദാനും ഒരുമിച്ച് വന്നതിനാൽ വിപണിയിൽ അൽപം  വില കൂട്ടുതലുണ്ടെന്ന് ജനം പറയുന്നു. റമദാൻ കഴിയുന്നത് വരെ പ​ഴ വി​പ​ണി​യി​ൽ വി​ല​ക്കു​റ​വി​ന്​ സാ​ധ്യ​ത​യി​ല്ല. എ​ന്നാ​ൽ തളർന്ന വിപണിയിൽ മുൻ വർഷങ്ങളെ പോലെ പൊ​ള്ളു​ന്ന വി​ല​യി​ല്ലെ​ന്ന്​ വ്യാ​പാ​രി​ക​ൾ പറയുന്നു. നാടൻ വെ​ള്ള​രി​ക്ക്​ 30 മു​ത​ൽ 40 രൂ​പ വ​രെ​യാ​ണ്​ വി​ല. ക​ഴി​ഞ്ഞ ആ​ഴ്​​ച​യെ അപേക്ഷിച്ച്​ പച്ചക്കറിക്ക് കാ​ര്യ​മാ​യ വി​ല വ​ർ​ധ​ന ഉ​ണ്ടാ​യി​ട്ടി​ല്ലെ​ന്നാ​ണ് വ്യാ​പാ​രി​ക​ൾ പ​റ​യു​ന്ന​ത്. നേ​ന്ത്ര​ക്കാ​യ്ക്ക് 40 മു​ത​ൽ 45 രൂ​പ വ​രെ​യാ​ണ് കി​ലോ​ക്ക്​ വി​ല. ഞാ​ണിപ്പൂ​വ​ന് കി​ലോ​ക്ക്​ 45 മു​ത​ൽ 50 രൂപ വ​രെ​യും വിലയുണ്ട്. ഇത് കൂടാൻ സാധ്യതയുണ്ട് .

വിഷു കോടിക്കായി വ​സ്ത്ര​വി​പ​ണിയും സജീവമായിരുന്നു. തെരുവ് കച്ചവടക്കാരും അവരുടേതായ വിൽപനയ്ക്ക് ശ്രമിക്കുന്നുണ്ട്. വിഷു ലക്ഷ്യമാക്കി പു​തി​യ നിരവധി കളക്ഷനുകൾ എത്തിയിരുന്നു. പടക്ക വിപണിയും ഒരാഴ്ചയായി ഉഷാറിലാണ്. കൊ​റോ​ണയുടെ പേരിട്ട പ​ട​ക്കം മുതൽ കോ​വി​ഡ് കാ​ല​ത്ത് പ്ര​ചാ​രം നേ​ടി​യ ഡ്രോ​ണും പ​ട​ക്ക വി​പ​ണി​യി​ലു​ണ്ട്. തീ​കൊ​ടു​ത്താ​ൽ വാ​യു​വി​ൽ പൊ​ങ്ങി ഡ്രോ​ൺ ക​ണ​ക്കെ ചു​റ്റി​ക്ക​റ​ങ്ങുന്ന പടക്കത്തിന് ആവശ്യക്കാരേറെയുണ്ട്. കമ്പിത്തിരി, പൂത്തിരി, നിലചക്രം തുടങ്ങിയവയ്ക്കാണ് ആവശ്യക്കാർ കൂടുതൽ. തമിഴ്​​നാ​ട്ടി​ൽ​ നി​ന്നാ​ണ് ഭൂരിഭാഗം പടക്കവും എ​ത്തു​ന്ന​ത്. മുൻ കാലങ്ങളെക്കാൾ പടക്കങ്ങൾക്ക് വില കുറവാണെന്ന് പാക്ക വ്യാപാരികൾ പറയുന്നു.

ക​ണി​ക്കാ​ഴ്​​ച​യി​ലെ ഒന്നാമനായ  കൊ​ന്ന​പ്പൂ​ വാങ്ങാനും ആളുകൾ നഗരങ്ങളിൽ ഏറെയെത്തി. മലയാളികളുടെ മനസ് കീഴടക്കാൻ കൃ​ഷ്​​ണ​വി​ഗ്ര​ഹ​ങ്ങളുമായി വി​ഗ്ര​ഹ​ക്ക​ച്ച​വ​ട​ക്കാ​രും സജീവമാണ്. വി​വി​ധ വ​ർ​ണ​ത്തി​ലും വ​ലു​പ്പ​ത്തി​ലു​മു​ള്ള പ്ര​തി​മ​ക​ളാ​ണ്​ വി​ൽ​പ​ന​ക്ക് ഉള്ളത്. ആ​ട​യാ​ഭ​ര​ണ​ങ്ങ​ളി​ഞ്ഞ മോ​ടി​യു​ള്ള കൃ​ഷ്​​ണ​ വിഗ്രഹങ്ങൾ​ ആരെയും ആകർഷിക്കുന്നതാണ്.

Keywords: Kanhangad, Kasaragod, Kerala, News, Vishu, Celebration, Bank, Fruits, Vegitable, Ramadan, ladies-Dress, Vishu celebrations starts; Relief for the market, discount for firecrackers.