ടീം അമാസ്‌ക് റമദാന്‍ കിറ്റ് വിതരണം നടത്തി

സന്തോഷ് നഗര്‍: (www.kasargodvartha.com 05.06.2017) ടീം അമാസ്‌ക് സന്തോഷ് നഗര്‍ നാട്ടിലുള്ള നിര്‍ധനരായ 95 ഓളം കുടുംബങ്ങള്‍ക്ക് നോമ്പ് കാലത്തിനാവശ്യമായ അവശ്യ സാധനങ്ങള്‍ നേരിട്ട് വീട്ടിലെത്തിച്ചു നല്‍കി. സൗദി അമാസ്‌ക്, ഖത്തര്‍ അമാസ്‌ക്, യു എ ഇയിലെ അംഗങ്ങള്‍ എന്നിവര്‍ പദ്ധതിയില്‍ കൈകോര്‍ത്തു.

പദ്ധതിയുടെ ഉദ്ഘാടനം സന്തോഷ് നഗര്‍ ജുമാ മസ്ജിദ് ഖത്തീബ് അബ്ദുല്‍ റസാഖ് മിസ്ബാഹി നിര്‍വഹിച്ചു. ചടങ്ങില്‍ ടീം അമാസ്‌ക് ചെയര്‍മാന്‍ ശാഫി കെ എ അധ്യക്ഷത വഹിച്ചു. ജമാഅത്ത് പ്രതിനിധികള്‍, ടീം അമാസ്‌ക് ഭാരവാഹികള്‍, പ്രവര്‍ത്തക സമിതി അംഗങ്ങള്‍, സൗദി അമാസ്‌ക് പ്രതിനിധിയായി മുജീബ് കെ ടി, ഖത്തര്‍ അമാസ്‌ക് കണ്‍വീനര്‍ റഷീദ്, യു എ ഇ പ്രതിനിധി 786 മുഹമ്മദ് എന്നിവര്‍ സംബന്ധിച്ചു. വൈസ് ചെയര്‍മാന്‍ ശാഫി സി എ സ്വാഗതവും ട്രഷറര്‍ മുഹമ്മദ് എം കെ നന്ദിയും പറഞ്ഞു.


(ശ്രദ്ധിക്കുക: ഗൾഫ് - വിനോദം - ടെക്നോളജി - സാമ്പത്തികം- പ്രധാന അറിയിപ്പുകൾ-വിദ്യാഭ്യാസം-തൊഴിൽ വിശേഷങ്ങൾ ഉൾപ്പെടെ മലയാളം വാർത്തകൾ നിങ്ങളുടെ മൊബൈലിൽ ലഭിക്കാൻ കെവാർത്തയുടെ പുതിയ ആൻഡ്രോയിഡ് ആപ്പ് ഇവിടെ ക്ലിക്ക് ചെയ്ത് ഡൗൺലോഡ് ചെയ്യുക. ഉപയോഗിക്കാനും ഷെയർ ചെയ്യാനും എളുപ്പം 😊)

Keywords : Kasaragod, AMASC, Ramdan, Kit, Help, Poor, News, MalayalamVartha, Santhosh Nagar, Team Amasc.