റമദാന്‍: ഖത്തറില്‍ അവശ്യസാധനങ്ങള്‍ക്ക് ഇളവ് പ്രഖ്യാപിച്ച് വാണിജ്യ മന്ത്രാലയം

ദോഹ: (www.kasargodvartha.com 26.04.2019) റമദാന്‍ അടുത്തതോടെ ഖത്തറില്‍ അവശ്യസാധനങ്ങള്‍ക്ക് ഇളവ് പ്രഖ്യാപിച്ച് വാണിജ്യ മന്ത്രാലയം. 500 ലധികം അവശ്യ ഉത്പന്നങ്ങള്‍ക്കാണ് ഷോപ്പിംഗ് മാളുകളുമായി സഹകരിച്ച് ഇളവ് ഏര്‍പെടുത്തിയിരിക്കുന്നത്. ഉപഭോക്താക്കള്‍ക്ക് ഏറെ ഗുണകരമാകുന്ന പദ്ധതി റമദാന്‍ അവസാരം വരെ തുടരും. ഈ പദ്ധതി സ്വദേശികള്‍ക്കും വിദേശികള്‍ക്കും ഏറെ ആശ്വാസം പകരും.

വിവിധ ഇനം പൊടികള്‍, അരി, പഞ്ചസാര, പാസ്റ്റ, ഹരീസ്, എണ്ണ, പാല്‍ തുടങ്ങി റമദാനില്‍ കൂടുതല്‍ ഉപയോഗിക്കുന്ന ഭക്ഷ്യ-ഭക്ഷ്യേതര വസ്തുക്കളെല്ലാം മന്ത്രാലയത്തിന്റെ സംരംഭത്തില്‍ ഉള്‍പ്പെടും. രാജ്യത്തെ എല്ലാ പ്രമുഖ സൂപ്പര്‍ മാര്‍ക്കറ്റുകളിലും ഷോപ്പിംഗ് കോംപ്ലക്‌സുകളിലും റമദാനില്‍ ഇളവുകള്‍ ലഭിക്കും. ഇവിടുങ്ങളിലെല്ലാം ഇളവുള്ള ഉത്പന്നങ്ങളുടെ പട്ടിക തൂക്കും.