കണിപുര ക്ഷേത്രോത്സവം: വേൾഡ് റെക്കോർഡ് ജേതാക്കളുടെ വയലിൻ ഫ്യൂഷനും പ്രമുഖരെ ആദരിക്കലും വെള്ളിയാഴ്ച; ശനിയാഴ്ച മെഗാ മ്യൂസിക്കൽ നൈറ്റ്

കുമ്പള: (KasargodVartha) കണിപുര ശ്രീ ഗോപാലകൃഷ്ണ ക്ഷേത്രോത്സവത്തിന് ഭക്തിസാന്ദ്രമായ അന്തരീക്ഷത്തിൽ കൊടിയേറിയതോടെ ക്ഷേത്രനഗരിയിലേക്ക് ഭക്തജനപ്രവാഹം തുടങ്ങി. വേദമൂർത്തി ബ്രഹ്മശ്രീ ദേലംമ്പാടി ഗണേശ തന്ത്രിയുടെ കാർമികത്വത്തിലാണ് ക്ഷേത്രത്തിലെ ചടങ്ങുകൾ നടക്കുന്നത്.

ഉത്സവത്തിൻ്റെ രണ്ടാം ദിവസമായ വ്യാഴാഴ്ച രാവിലെ 10.30-ന് തുലാഭാരവും 12.30-ന് മഹാപൂജ, നിത്യ ശ്രീവേലി, അന്നദാനം എന്നിവയും നടക്കും. ഉച്ചയ്ക്ക് ശേഷം 4.30-നാണ് നട തുറക്കുന്നത്. വൈകുന്നേരം 5.15 മുതൽ 7.15 വരെ വിദ്വാൻ ബാലകൃഷ്ണ മഞ്ചേശ്വരം നാട്യനിലയത്തിലെ ശിഷ്യവൃന്ദം അവതരിപ്പിക്കുന്ന ഭരതനാട്യം, കുച്ചിപ്പുടി, നാടോടി നൃത്തം എന്നിവ അരങ്ങേറും. തുടർന്ന് 6.30-ന് ദീപാരാധനയും 7.30 മുതൽ പൂജ, ചെറിയ ദീപോത്സവം, ശ്രീഭൂതബലി എന്നിവയും നടക്കും.

വയലിൻ ഫ്യൂഷനും മ്യൂസിക്കൽ നൈറ്റും

കണിപുര ശ്രീ ഗോപാലകൃഷ്ണ ക്ഷേത്ര വെടി മഹോത്സവത്തോടനുബന്ധിച്ച് ചിരഞ്ജീവി കുമ്പള സംഘടിപ്പിക്കുന്ന വയലിൻ ഫ്യൂഷൻ, മെഗാ മ്യൂസിക്കൽ നൈറ്റ്, പ്രമുഖ വ്യക്തിത്വങ്ങളെ ആദരിക്കൽ എന്നീ പരിപാടികൾ ജനുവരി 16, 17 (വെള്ളി, ശനി) തീയതികളിലായി നടക്കും.

ജനുവരി 16 വെള്ളിയാഴ്ച വൈകുന്നേരം ആറ് മണി മുതൽ വയലിൻ വായനയിലൂടെ വേൾഡ് റെക്കോർഡിൽ ഇടംപിടിച്ച കുമാരി ഗായത്രി ആചാര്യ, കുമാരി ശ്രാവണ്യ ആചാര്യ എന്നിവരുടെ വയലിൻ ഫ്യൂഷൻ നടക്കും. 

ചടങ്ങ് അഡ്വ. സുബ്ബയ്യറൈ ഇച്ചിലമ്പാടി ഉദ്ഘാടനം ചെയ്യും. ഇടനീർ മഠം സച്ചിദാനന്ദ ഭാരതി ശ്രീപാദങ്ങൾ, മോഹൻദാസ് പരമഹംസ സ്വാമിജി, വേദമൂർത്തി ബ്രഹ്മശ്രീ ചക്രപാണി ദേവപൂജിത്തായ ആരിക്കാടി എന്നിവർ മുഖ്യാതിഥികളായി പങ്കെടുക്കും.

പ്രമുഖരെ ആദരിക്കുന്നു

ചടങ്ങിൽ വെച്ച് വിദ്യാഭ്യാസ, ആരോഗ്യ, സാമൂഹിക, വ്യവസായ, വാണിജ്യ രംഗത്തെ എട്ട് പ്രമുഖ വ്യക്തിത്വങ്ങളെ ആദരിക്കും. ഡോ. കന്യാന സദാശിവ ഷെട്ടി കുലൂർ, കെ.കെ ഷെട്ടി അഹമ്മദ് നഗർ, പത്മശ്രീ സത്യനാരായണ വേളാരി, ഡിവൈഎസ്പി ഡോ. വി. ബാലകൃഷ്ണൻ, ഡോ. സർവ്വേശ്വർ ഭട്ട് കുമ്പള, ഡോ. ജ്യോതി ഡി (എംബിബിഎസ്, ഡിജിഒ), ബി. വസന്ത പൈ ബദിയടുക്ക, എം.എസ് മുഹമ്മദ് കുഞ്ഞി മൊഗ്രാൽ എന്നിവരെയാണ് ആദരിക്കുന്നത്.

കണിപുര ഡിജിറ്റൽ മീഡിയ ചീഫ് എഡിറ്റർ എം.എൻ ചെമ്പൽത്തിമാർ അധ്യക്ഷത വഹിക്കുന്ന ചടങ്ങിൽ ഡോ. ഹരി കിരൺ ടി. ബങ്കര, ഡോ. കിഷോർ കുമാർ ബി. കുമ്പള, ഡോ. സാം മ്പാബി-കിഷോർ കുമ്പള, ഡോ. മമത പി. ഷെട്ടി, രഘുനാഥ് പൈ കുമ്പള, ജയകുമാർ കുമ്പള, ഗോപാൽ ആരിക്കാടി, നാരായണ പ്രഭു, കെ.വി ശിവരാമൻ, ബി. തിമ്മപ്പ ആൾവ, മഞ്ജുനാഥ ആൾവ, ശിവശങ്കര നെക്രാജെ, കെ.സി മോഹനൻ എന്നിവർ സംബന്ധിക്കും. ചിരഞ്ജീവി കുമ്പള സെക്രട്ടറി പ്രജേഷ് പെറുവാഡ് സ്വാഗതം പറയും.

മെഗാ മ്യൂസിക്കൽ നൈറ്റ്

ജനുവരി 17 ശനിയാഴ്ച വൈകുന്നേരം ആറ് മണിക്ക് നടക്കുന്ന മ്യൂസിക്കൽ നൈറ്റിൽ കർണാടക സ്പീക്കർ യു.ടി ഖാദർ, രാജ്മോഹൻ ഉണ്ണിത്താൻ എം.പി, എംഎൽഎമാരായ എ.കെ.എം അഷറഫ്, എൻ.എ നെല്ലിക്കുന്ന്, സി.എച്ച് കുഞ്ഞമ്പു, രാജ് ഗോപാൽ തുടങ്ങിയ ജനപ്രതിനിധികളും, ബിജെപി ജില്ലാ പ്രസിഡണ്ട് എം.എൽ അശ്വിനി ഉൾപ്പെടെയുള്ള ജില്ലയിലെ രാഷ്ട്രീയ, സാമൂഹിക, സാംസ്കാരിക, വിദ്യാഭ്യാസ, കായിക രംഗത്തെ പ്രമുഖരും സംബന്ധിക്കുമെന്ന് ചിരഞ്ജീവി ആർട്സ് ആൻഡ് സ്പോർട്സ് ക്ലബ് കുമ്പള പ്രസിഡണ്ട് കൃഷ്ണ കുമ്പള, സെക്രട്ടറി പ്രജേഷ് പെറുവാഡ് എന്നിവർ അറിയിച്ചു.

കുമ്പള ക്ഷേത്രോത്സവത്തിലെ കലാവിരുന്നുകളെക്കുറിച്ചുള്ള വിവരങ്ങൾ പങ്കുവെക്കൂ.

Article Summary: Kumbala Kanipura Sri Gopalakrishna Temple festival highlights: Dance night on Thursday, Violin Fusion on Jan 16, and Mega Musical Night on Jan 17.

#Kumbala #KanipuraTemple #Festival #Kasaragod #MusicalNight #ViolinFusion