'ദുഃഖവെള്ളി'യെ 'ഗുഡ് ഫ്രൈഡേ' എന്ന് വിളിക്കുന്നത് എന്തുകൊണ്ട്; അറിയാം

തിരുവനന്തപുരം: (www.kasargodvartha.com 14.04.2022) ദുഃഖവെള്ളിയെ 'ഗുഡ് ഫ്രൈഡേ' എന്ന് വിളിക്കുന്നത് എന്തുകൊണ്ട്? ഈ ദിവസത്തിന് ഒരു നല്ല കാര്യമുണ്ടെന്ന് പലരും വിശ്വസിക്കുന്നു. മനുഷ്യരുടെ പാപം നിമിത്തം മിശിഹാ മരിച്ച ദിവസമാണെന്നും അത് അദ്ദേഹത്തിന്റെ പുനരുത്ഥാനത്തിന്റെ തുടക്കമാണെന്നും വിശ്വസിക്കുന്നു. മറുവശത്ത്, 'നല്ലത്' എന്ന വാക്കിന് വിശുദ്ധ എന്ന ഇന്‍ഗ്ലീഷ് പദത്തിന്റെ അതേ അര്‍ഥമുണ്ടെന്ന് ചിലര്‍ വിശ്വസിക്കുന്നു. അതിനാല്‍, ഈ ദിവസം വിശുദ്ധ വെള്ളിയാഴ്ച എന്നും അറിയപ്പെടുന്നു.

അമേരിയടക്കം മിക്ക രാജ്യങ്ങളും ഗുഡ് ഫ്രൈഡേ എന്നാണ് ഉപയോഗിച്ചു പോരുന്നത്. പക്ഷെ ജര്‍മനിയില്‍ സോറോഫുള്‍ ഫ്രൈഡേ (ദുഃഖ വെളളി) എന്നു തന്നെയാണ് അറിയപ്പെടുന്നത്. യേശുവിന്റെ പീഢാ സഹനങ്ങള്‍ക്ക് പ്രാധാന്യം നല്‍കിക്കൊണ്ടാണ് മലയാളത്തിലും ജര്‍മനിയിലും ഈ ദിനം ദുഃഖ വെളളി എന്ന പേരില്‍ ആചരിക്കുന്നത്. പെസഹാ വ്യാഴത്തിനു ശേഷം യേശു യാതനകളും പീഢകളും മനുഷ്യകുലത്തിനു വേണ്ടി സഹിച്ചു മരിച്ച ദിനത്തിന്റെ ഓര്‍മ പുതുക്കാനായാണ് ക്രൈസ്തവര്‍ ദുഃഖവെളളി എന്ന് ഉപയോഗിച്ചു പോന്നത്.