Announcement | ഹജ്ജ് 2025: അപേക്ഷ സമർപ്പണം തുടങ്ങി; സെപ്റ്റംബർ 9 അവസാന തിയ്യതി

തിരുവനന്തപുരം: (KasargodVartha) 2025 ലെ ഹജ്ജ് തീർഥാടനത്തിനുള്ള അപേക്ഷ സമർപ്പണം ആരംഭിച്ചു. കേന്ദ്ര ഹജ്ജ് കമ്മിറ്റിയുടെ നിർദ്ദേശപ്രകാരം, സെപ്റ്റംബർ 9 വരെ അപേക്ഷകൾ സ്വീകരിക്കും.
പൂർണമായും ഓൺലൈനായിട്ടാണ് അപേക്ഷ സമർപ്പിക്കേണ്ടത്. കേന്ദ്ര ഹജ്ജ് കമ്മിറ്റിയുടെ https://hajcommittee(dot)gov(dot)in/ എന്ന വെബ്സൈറ്റിലും കേരള സംസ്ഥാന ഹജ്ജ് കമ്മിറ്റിയുടെ https://keralahajcommittee(dot)org/ എന്ന വെബ്‌സൈറ്റിലും അപേക്ഷയുടെ ലിങ്ക് ലഭ്യമാണ്. കൂടാതെ, ഹജ്ജ് സുവിത (Hajsuvidha) എന്ന മൊബൈൽ ആപ്പ് വഴിയും അപേക്ഷിക്കാം.

അപേക്ഷിക്കുന്നവർ ശ്രദ്ധിക്കുക:

അപേക്ഷകന് 15/01/2026 വരെ കാലാവധിയുള്ള മെഷീൻ റീഡബിൾ പാസ്‌പോർട്ട് നിർബന്ധമാണ്.
ഓൺലൈൻ അപേക്ഷ സമർപ്പിക്കുന്നതിന് മുൻപ്, ആവശ്യമായ എല്ലാ രേഖകളും തയ്യാറായി വയ്ക്കുക.
അപേക്ഷ സമർപ്പിച്ച ശേഷം, ലഭിക്കുന്ന അപേക്ഷ നമ്പർ സൂക്ഷിച്ചുവയ്ക്കുക.
കൂടുതൽ വിവരങ്ങൾക്ക്, അടുത്തുള്ള ഹജ്ജ് കമ്മിറ്റി ഓഫീസുകളിൽ ബന്ധപ്പെടുക.
ഈ വർഷത്തെ ഹജ്ജ് തീർഥാടനത്തിനുള്ള അപേക്ഷകൾ സമർപ്പിക്കുന്നതിന് സുഗമമായ സംവിധാനം ഒരുക്കിയിട്ടുള്ളതാായും തീർഥാടകർക്ക് എളുപ്പത്തിൽ അപേക്ഷ സമർപ്പിക്കാൻ കഴിയുന്ന വിധത്തിലാണ് ഓൺലൈൻ സംവിധാനം ഒരുക്കിയിരിക്കുന്നതെന്നും കേരള ഹജ്ജ് കമ്മിറ്റി അധികൃതർ അറിയിച്ചു.