ദേളി സഅദിയ്യ ഗ്രാൻഡ് മസ്ജിദ് ഉദ്ഘാടനം സെപ്റ്റംബർ 7-ന്; കാന്തപുരം എപി അബൂബക്കർ മുസ്ലിയാർ നിർവഹിക്കും

കാസർകോട്: (KasargodVartha) തെന്നിന്ത്യയിലെ പ്രമുഖ വിദ്യാഭ്യാസ സാംസ്കാരിക കേന്ദ്രമായ കാസർകോട് ദേളി ജാമിഅ സഅദിയ്യ ക്യാമ്പസിൽ പുതുക്കിപ്പണിത 'ജാമിഉ ഹബീബ് ഉസ്മാൻ' ഗ്രാൻഡ് മസ്ജിദിൻ്റെ ഉദ്ഘാടനം തിങ്കളാഴ്ച (സെപ്റ്റംബർ 7) വൈകുന്നേരം മൂന്ന് മണിക്ക് നടക്കുമെന്ന് ബന്ധപ്പെട്ടവർ വാർത്താസമ്മേളനത്തിൽ അറിയിച്ചു

പള്ളിയുടെ വഖ്ഫ് കർമം സഅദിയ്യ പ്രസിഡൻ്റ് സയ്യിദ് കെഎസ് ആറ്റക്കോയ തങ്ങൾ കുമ്പോലും, ഉദ്ഘാടനം ഇന്ത്യൻ ഗ്രാൻഡ് മുഫ്തി കാന്തപുരം എപി അബൂബക്കർ മുസ്ലിയാരും നിർവഹിക്കും. വിദ്യാർഥികൾക്കും പൊതുജനങ്ങൾക്കുമായി നിർമിച്ച ഗ്രാൻഡ് മസ്ജിദിൽ ഒരേസമയം അയ്യായിരത്തിലധികം ആളുകൾക്ക് പ്രാർത്ഥിക്കാൻ സൗകര്യമുണ്ട്. മനോഹരമായ മിനാരങ്ങളും താഴികക്കുടങ്ങളും കരകൗശലപ്പണികളാൽ അലങ്കൃതമാണ്. അരനൂറ്റാണ്ടോളം പഴക്കമുള്ള പള്ളിയുടെ സ്ഥാനത്താണ് പുതിയ ഗ്രാൻഡ് മസ്ജിദ് പുനർനിർമിച്ചിരിക്കുന്നത്.

സൗഹൃദ സംഗമവും മറ്റ് പരിപാടികളും

സെപ്റ്റംബർ 7-ന് ഉച്ചയ്ക്ക് ഒരു മണിക്ക് നടക്കുന്ന സൗഹൃദ സംഗമം രാജ്മോഹൻ ഉണ്ണിത്താൻ എംപി ഉദ്ഘാടനം ചെയ്യും. വൈസ് പ്രസിഡൻ്റ് മുഹമ്മദ് അലി സഖാഫി തൃക്കരിപ്പൂർ അധ്യക്ഷത വഹിക്കും. എംഎൽഎമാരായ കെ നീലകണ്ഠൻ, അഡ്വ. ഗോവിന്ദൻ പള്ളിക്കാപ്പിൽ തുടങ്ങിയ ജനപ്രതിനിധികളും സാമൂഹിക രാഷ്ട്രീയ രംഗത്തെ പ്രമുഖരും സൗഹൃദ സംഗമത്തിൽ ആശംസകൾ നേരും.

വൈകുന്നേരം മൂന്ന് മണിക്ക് നൂറുൽ ഉലമ മഖ്ബറ സിയാറത്തും 3.30-ന് പള്ളിയുടെ ഔദ്യോഗിക ഉദ്ഘാടനവും നടക്കും. സയ്യിദ് ഇമ്പിച്ചികോയ അൽബുഖാരി കൊയിലാണ്ടി പ്രാർത്ഥന നടത്തും. ജനറൽ സെക്രട്ടറി എപി അബ്ദുല്ല മുസ്ലിയാർ മാണിക്കോത്ത്, സീനിയർ വൈസ് പ്രസിഡൻ്റ് പട്ടുവം കെപി അബൂബക്കർ മുസ്ലിയാർ എന്നിവർ ആമുഖ പ്രസംഗം നടത്തും. കൂറ്റമ്പാറ അബ്ദുൽ റഹ്‌മാൻ ദാരിമി പ്രഭാഷണം നടത്തും.

മുഖ്യാതിഥികളും അനുമോദനവും

ട്രഷറർ കല്ലട്ര മാഹിൻ ഹാജി എംഎൽഎ അനുമോദന ചടങ്ങിന് നേതൃത്വം നൽകും. കൃഷി വകുപ്പ് മന്ത്രി ടി സിദ്ദീഖ്, കർണാടക മന്ത്രി യുടി ഖാദർ, മഹാരാഷ്ട്ര ആരോഗ്യ മന്ത്രി ഹസൻ മുശ്രിഫ്, എകെഎം അഷ്റഫ് എംഎൽഎ, കർണാടക മിനിമം വേജസ് കോർപറേഷൻ ചെയർമാൻ ടിഎം ഷാഹിദ് എന്നിവർ മുഖ്യാതിഥികളായിരിക്കും. അബ്ദുൽ ഗഫാർ സഅദി രണ്ടത്താണി സ്വാഗതം ആശംസിക്കും.

സയ്യിദ് അത്വാഉല്ല തങ്ങൾ ഉദ്യാവരം, സയ്യിദ് ഇസ്മാഈൽ ഹാദി തങ്ങൾ പാനൂർ, സയ്യിദ് സൈനുൽ ആബിദീൻ അൽ അഹ്ദൽ കണ്ണവം, സയ്യിദ് ഇബ്രാഹിം പൂക്കുഞ്ഞി തങ്ങൾ കല്ലക്കട്ട, സയ്യിദ് മുഹമ്മദ് അഷ്റഫ് തങ്ങൾ ആദൂർ, സയ്യിദ് പിഎസ് ആറ്റക്കോയ തങ്ങൾ ബാഹസൻ പഞ്ചിക്കൽ, സയ്യിദ് അബ്ദുൽ റഹ്മാൻ ഷഹീർ അൽബുഖാരി, സയ്യിദ് ജലാലുദ്ദീൻ അൽബുഖാരി, സയ്യിദ് മുനീറുൽ അഹ്ദൽ തങ്ങൾ, സയ്യിദ് അബ്ദുൽ റഹ്മാൻ മശ്ഹൂദ് അൽബുഖാരി, കെകെ ഹുസൈൻ ബാഖവി, കെപി ഹുസൈൻ സഅദി കെസി റോഡ്, മുഹമ്മദ് സ്വാലിഹ് സഅദി, കുട്ടശ്ശേരി അബ്ദുല്ല ബാഖവി, കെപിസിസി കർണാടക ജനറൽ സെക്രട്ടറി ഇനായത്ത് അലി സുറത്കൽ, അർബൻ കോർപ്പറേഷൻ ചെയർമാൻ മുസ്തഫ സുള്ള്യ, അബ്ദുൽ റഷീദ് ഹാജി മംഗലാപുരം, മഹ്മൂദ് ഹാജി ഉമ്മുൽ ഖുവൈൻ, അബ്ദുൽ ജലീൽ ഹാജി അജ്മാൻ, നാസർ ഹാജി, ഹാജി അബ്ദുല്ല ഹുസൈൻ കടവത്ത്, ഇബ്രാഹിം കല്ലട്ര, നൂർ മുഹമ്മദ് ഖതർ, അബ്ദുൽ ഹകീം സഅദി തളിപ്പറമ്പ്, സിപി അബ്ദുല്ല ഹാജി ചെരുമ്പ, അബ്ദുൽ റസാഖ് ഹാജി മേൽപ്പറമ്പ്, ഷാഫി ഹാജി കീഴൂർ, കാപ്റ്റൻ ഷരീഫ് കല്ലട്ര, ഹകീം ഹാജി കളനാട്, സയ്യിദ് ഇമ്പിച്ചി തങ്ങൾ ഖലീൽ സ്വലാഹ്, സയ്യിദ് ജാഫർ സ്വാദിഖ് തങ്ങൾ മാണിക്കോത്ത്, സുലൈമാൻ കരിവെള്ളൂർ, സയ്യിദ് കെപിഎസ് തങ്ങൾ ബേക്കൽ, സയ്യിദ് അലവി തങ്ങൾ ചെട്ടുംകുഴി, ഷാഫി കട്ടക്കാൽ, അബ്ദുൽ റഹ്മാൻ അഹ്സനി, എംഎ അബ്ദുൽ വഹാബ് തൃക്കരിപ്പൂർ, അബ്ദുൽ റസാഖ് സഖാഫി കോട്ടക്കുന്ന്, റഈസ് മുഈനി, സിദ്ദീഖ് സഖാഫി ആവളം, അഡ്വ. മൂസ പൈമ്പച്ചാൽ, സിപി അഷ്റഫ് ഹാജി ചെരുമ്പ, ചിത്താരി അബ്ദുല്ല ഹാജി, എംടിപി അബ്ദുൽ റഹ്‌മാൻ ഹാജി തുടങ്ങിയവർ സംബന്ധിക്കും.

വാർത്താസമ്മേളനത്തിൽ സംബന്ധിച്ചവർ

സയ്യിദ് സൈനുൽ ആബിദീൻ അൽ അഹ്ദൽ കണ്ണവം, പള്ളങ്കോട് അബ്ദുൽ ഖാദിർ മദനി, കൊല്ലംപാടി അബ്ദുൽ ഖാദിർ സഅദി, സയ്യിദ് ജാഫർ സ്വാദിഖ് തങ്ങൾ മാണിക്കോത്ത്, അബ്ദുൽ ഗഫാർ സഅദി രണ്ടത്താണി, സിപി അബ്ദുല്ല ഹാജി ചെരുമ്പ, ഇസ്മാഈൽ സഅദി പാറപ്പള്ളി, അബ്ദുസ്സലാം ദേളി.

അഞ്ച് പതിറ്റാണ്ടിൻ്റെ പാരമ്പര്യം

സമന്വയ വിദ്യാഭ്യാസ മേഖലയിൽ വലിയ മാറ്റങ്ങൾ സൃഷ്ടിച്ച സഅദിയ്യ, പ്രീ-കെജി മുതൽ പിജി വരെയുള്ള ഭൗതിക വിദ്യാഭ്യാസവും പ്രാഥമിക മദ്റസ മുതൽ ബിരുദാനന്തര ബിരുദം വരെയുള്ള മതവിദ്യാഭ്യാസവും നൽകി വരുന്നു. 57 വർഷം പിന്നിടുന്ന സ്ഥാപനത്തിൽ 8000 വിദ്യാർഥികളാണ് നിലവിൽ പഠിക്കുന്നത്. ശരീഅത്ത് കോളേജ്, ദഅവ, ഹിഫ്ളുൽ ഖുർആൻ, അനാഥ-അഗതി മന്ദിരം, ലോ കോളേജ്, ആർട്സ് ആൻഡ് സയൻസ് കോളേജ്, ഇംഗ്ലീഷ് മീഡിയം സീനിയർ സെക്കൻഡറി സ്കൂൾ, ഐടിഐ, അഫ്സലുൽ ഉലമ അറബിക് കോളേജ്, സ്പെഷ്യാലിറ്റി ഹോസ്പിറ്റൽ തുടങ്ങിയ പ്രമുഖ സ്ഥാപനങ്ങൾ ക്യാമ്പസിൻ്റെ ഭാഗമായി പ്രവർത്തിക്കുന്നുണ്ട്.

ഈ വാർത്ത നിങ്ങളുടെ സുഹൃത്തുക്കൾക്കും വാട്സാപ്പ് ഗ്രൂപ്പുകളിലും ഷെയർ ചെയ്യുക. പുതിയ വാർത്തകളും വിശേഷങ്ങളും അറിയാൻ ഞങ്ങളുടെ വാട്സാപ്പ് ചാനലും ഫേസ്ബുക്ക് പേജും ഫോളോ ചെയ്യുക. നിങ്ങളുടെ അഭിപ്രായങ്ങൾ ഫേസ്ബുക് പോസ്റ്റിന് താഴെ കമൻ്റായി രേഖപ്പെടുത്താം

Article Summary: The newly built 'Jami'u Habib Usman' Grand Masjid at Jamia Sa-adiya campus in Deli, Kasaragod, accommodating over 5,000 worshippers, will be inaugurated on September 7, 2026. 

#KasargodVartha #KasaragodNews #JamiaSaadiya #DeliKasaragod #GrandMasjid #KanthapuramAboobackerMusliyar #MalayalamNews #KeralaMuslims #LocalNews #AparnaNews